الاثنين، سبتمبر 13، 2010

واجب من MR.PRESIDENT


انا عندى واجب من:

MR.PRESEDENT صاحب مدونة انا الريس
هو عمل الدعوة اختيارية للى عاوز يجاوب وانا جاوبت

على كل الاسئلة

وعاوزة اشكره كتير


ما هي كتب الطفولة التي بقيت عالقة في ذاكرتك؟

كنت بحب جدا مجلة ميكى ومجلة علاء الدين بس مجلة علاء الدين كنت بحبها اكتر وكنت محتفظة بأعدادها لغاية فترة قريبة وللاسف ضاعت منى اما الكتب كان بابا فى الصيف من وانا فى رابعة ابتدائى كان بيجيبلى كتب من مهرجان القراءة للجميع طبعا ماكنتش بقراها ولا كنت بفهمها لكن قرأتها لما بدأت احب القراءة واستفدت منها جدا لكن فى كتاب عجبنى عنوانه لما بابا اشتراه وكان من سلسلة ادب الطفل كان اسمه وجدت سعادتى مع الحمير للكاتب يحى حقى ده اللى فاكراه من وانا صغيرة.


مَنْ أهم الكتاب الذين قرأتَ لهم ؟

نجيب محفوظ-احسان عبد القدوس-يوسف السباعى-توفيق الحكيم-انيس منصور-علاءالاسوانى-محمد فتحى(صاحب كتاب مصر من البلكونة)


من هم الكتاب الذين قررت ألا تقرأ لهم مجددا؟

كان فى زمان حاجة كده اسمها روايات عبير اشتريتها مرة وماعجبتنيش وماجبتش منها تانى.


في صحراء قاحلة ، أي الكتب تحمل معك؟

القرآن الكريم وكتاب أذكار وشوية روايات لاحسان عبد القدوس


ما هو الكاتب الذي لم تقرأ له أبدا ، وتتمنى قراءة كتبه ؟

طه حسين


ما هي قائمة كتبك المفضلة ؟

كل روايات احسان عبد القدوس

حديث الصباح والمساء لنجيب محفوظ
قصة حياتى العجيبة لـ هلين كيلر

يوميات نائب فى الارياف لتوفيق الحكيم
رواية عمارة يعقوبيان

رواية غادة الكاميليا

رواية غادة رشيد

كتاب مصر من البلكونة

حقوق المرأة فى الاسلام


ما هي الكتب التي تقرؤها الآن ؟

اخر حاجة كان كتاب مصر من البلكونة الكتاب ده حلو جداااااااااا


اللي بعت الدعوه ؟

MR.PRESIDENT صاحب مدونة أنا الريس



أرسل الدعوة لمدون واحد علي الأقل من أجل مشاركتنا باطلاعهم في القراءة ؟

انا هبعتها لبنت خالتى وحبيبتى شيماء على صاحبة مدونة قهوة بالفانيليا

هناك 16 تعليقًا:

  1. ثقافه حلوة
    وفكر عالى
    يارب يبارك فيكى يارب
    وينفعكى
    بما تتعلمى

    ردحذف
  2. بعد السلام والتحايا
    الصلاة ع النبي علي الكتب الجامدة جدا
    خصوصا توفيق الحكيم أنا سمعت كتاب صوتي له مذكرات
    نائب في الأرياف وقريت له كتاب ارني الله علي ما أتذكر اسمه .
    وان شاء الله نستفيد من أسماء بعض الكتاب اللي كتبتهم
    لأن حلم حياتي حاليا اني اقرا تاني وابطل كسل.

    تحياتي لاختيارتك المحترمة جدا ، وأن كنت اعترف اني مش بحب الكتب الرومانسية .

    في أمان الله .

    ردحذف
  3. ربنا يبارك فيكى
    كتب جميله واختارات رائعه

    ردحذف
  4. ايه العقل ده

    اسم على مسمى

    واجابات رائعه


    تحياتى

    ردحذف
  5. well
    يبدو ان ما تحبى من الكتب و القراءات بعيد الى حد ما عما افضل انا ولكنك على الاقل تحبى القراءة و هذا ما يهم :)

    ردحذف
  6. فيه تشابه كبييير

    و فيه مفاجأه كمان (:

    الأول نبتدى بالتشابه

    الكُتاب الأغلبيه

    و كمان انا بحب قصة حديث الصباح و المساء

    بس انا حبتها بعد المسلسل صراحة و حسيت انها بدون المسلسل هتكون مش مفهومة

    و كمان مجموعة زهور مقرتهاش خالص بس كنت حاسس انى كنت على صواب انى محبتهاش (:

    و هجيب كتاب مصر من البلكونة علشا خاطرك (:

    المفاجأة

    ان قهوة بالفانيليا بنت خالتك

    قصدى شيماء يعنى (:

    بجد بجد أنتوا الأتنين محترمين جدا جدا

    و هنشوف بقى شيماء هتعمل ايه

    ربنا يوفقك دايما

    ردحذف
  7. محمود باحث عن حب
    شكرا ليك بجد
    وربنا يكرمك

    ردحذف
  8. MR.PRESIDENT
    انا عاوزة اشكرك فى الاول على انك بعت الدعوة
    رواية يوميات نائب فى الارياف حلوة جدا صحيح والرواية معمولة فيلم بس مش بيعجبنى فى الحقيقة
    اغلب الرويايات لما بنقراها مش بنقتنع بيها لما بتتعمل افلام
    شكرا ليك جدا على رأيك

    ردحذف
  9. عمرو يسرى
    شكرا ربنا يكرمك

    ردحذف
  10. عمرو يسرى
    ربنا يخليك
    لما دخلت مدونتك وقرأت اجاباتك على الاسئلة فى اكتر من كتاب شدنى اسمهم وناوية اشتريهم ان شاء الله

    ردحذف
  11. جايدا العزيزى
    ربنا يخليكى بجد بتحرجينى بذوقك
    دايما بتنورينى

    ردحذف
  12. Kontiki
    اهلا بيك
    شكرا على الزيارة ونورت المدونة
    الاختلاف فى الافكار جيد لانه فرصة لتبادل المعلومات والثقافات

    ردحذف
  13. Ramy
    حديث الصباح والمساء انا كمان اشتريتها بعد عرض المسلسل
    بس عجبتنى اكتر من المسلسل واعترف ان ممكن ماكنتش افهمها قبل مااشوف المسلسل
    كتاب مصر من البلكونة كتاب هايل بيتكلم عن الاوضاع الحالية بشكل ساخر ومحترم
    بالنسبة لشيماء انا كمان مستنية اجاباتها على الواجب
    ربنا يكرمك يارامى
    شكرا ليك على كلامك
    نورت

    ردحذف
  14. السلام عليكم

    جميل أوي التاج دا بجد عجبتني الأسئلة جداً وعجبتني أكتر الأجوبه
    :)

    ردحذف
  15. علاء سالم
    شكرا ياعلاء ربنا يخليك
    على فكرة التاج ده الدعوة بتاعته مفتوحة
    ياريت تعمله علشان نستفيد من قراءاتك
    نورت

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)