الثلاثاء، سبتمبر 28، 2010

قطط لها بخت

الناس فى مصر نوعين
نوع بيحب الحيوانات الاليفة جدا
ونوع تانى بيحدفها بالطوب فى الشارع بسبب ومن غير سبب
والحيوانات ايضا نوعين
نوع عنده حظ كبير
والنوع التانى هو اللى بينضرب بالطوب طبعا ومتبهدل من العيال الصغيرة
انا عاوزة اتكلم عن النوع الاول من الناس النوع الحنين اللى مشاعره مرهفة وقلبه رقيق
مالناش دعوة بالاشرار الوحشين اللى بيزعلوا قطط وكلاب الشوارع المساكين الغلابة.
قبل ماادخل فى الموضوع احب اقولكم انى بحب الحيوانات وبتعاطف معاها جدا
بس من بعيد لبعيد لانى بخاف من اى كائن حى بإستثناء البنى آدمين
يعنى ماعنديش اى عداوة مع اى حيوان أليف..
ندخل فى الموضوع على طول
زمان الناس كانت بتربى القطط وتخليها تاكل من اكلهم ..الاكل الباقى من البيت يعنى
شوية كبدة على سمكة فايضة من الغدا وحتة جبنة
وطبعا اللبن اللى تلاقيه قصاد القط وهو ملك زمانه
انما من فترة مش كبيرة اوى انتشرت علب شكلها شيك جدا والوانها جميلة ومرسوم عليها قطة مقطقطة
مكتوب عليها الطعام المفضل للقطط(استغربت اوى من الجملة دى)
انا بصراحة مااديتش اهتمام فى الاول
لغاية مافى يوم من الايام وتحديدا فى احد ايام شهر رمضان اللى فات ده
اخدنى الفضول انى اعرف اسعار طعام القطط المفضل ده(غايظانى اوى كلمة المفضل دى)
وفعلا اخدت علبة وبصيت على السعر
سعر العبوة كان 13.50
وحجمها بضعة جرامات قليلة
كل ده علشان عم القط ياكل ويشبع (مش عايزة حد يفتكر انى باصة للقطط فى اكلها)
المبلغ قليل بصراحة ممكن يجيب ربع كيلو جبنة يعنى مافيهاش حاجة لما القط ياكل هو كمان
ماهو قط بيتى مش قط شوارع يعنى
مش هنبقى دافعين فيه الشىء الفلانى ونستخسر فيه ملاليم
احنا مش جايبينه علشان نبهدله.
بس كمان مش معقول يبقى فى ناس عاوزة جنيه تجيب ساندويتش فول وماتلاقيش
وانت ياعم القط مدلع اوى كده
صحيح اللى عذبت قطة دخلت جهنم
واللى سقى كلب دخل الجنة
بس شوفوا بقى اللى هيطعم بنى ادم هيكون جزاءه ايه
عارفة ان ممكن حد يقولى ماهو الناس اللى عندها قطط وبتشترى لها اكل اكيد بتعمل خير
والله عارفة ماقولتش حاجة ومش معترضة
بس لما تكون طالع من السوبر ماركت وشوفت الراجل جايب كمية كبيرة من اكل القطط المفضل (وحطوا تحت المفضل دى مليون خط)
ويقابلوا على الباب واحد غلبان يطلب حسنة
والراجل يشتموا .......
.ياترى هيكون ايه رد فعلك؟
ايه الشعور اللى هيكون جواك؟
هو الراجل الغلبان ده لازم ينونو يعنى علشان ياخد حسنة!
لو الراجل مش عاوز يديله ماشى
بس مش لازم يشتمه
ربنا قال (وأما السائل فلا تنهر)
فعلا فى قطط لها بخت
حاجات كتير تانية بشوفها بترفع ضغطى وبتعصبنى
هكتبها البوست الجاى...
البوست ده مكتوب بغيظ و من غير تركيز
استنوا البوست اللى جاى ان شاء الله
يمكن اركز شوية

هناك 33 تعليقًا:

  1. فيه مثل بيقول رزق الهبل على المجانين

    ههههههههههههههههه

    تعالى يابنتى شوفى حال نصى المصريين

    بياكلو طول النهار بجنيه فول

    حقيقى بمشى فى الشارع وانا بموووووت من جوايا على حالهم

    علشان كده بكرة الخروج من البيت جدا


    طبعا ده دليل على طيبة قلبك

    بس على رائ عبله كامل

    عاملين جمعيات الرفق بالحيوان

    ونسيوا الانسان


    حلووووووووالبوست يا قلبى

    بس انا زيك هفرقع من الغيظ

    تحياتى

    ردحذف
  2. نـــهى


    واضح انك متغااااااظه اوى اوى من القطط يا بنتى هما دول القطط اللى ولاد ناس بجد ههههههههههه

    انتى عارفه مره كنت فى محل نختصص فى بيع القطط والكلاب بس طبعا من نوعية ولاد الناس مش الكلاب ولاد الكلاب انا كنت هناك ليه يا نهى باشترى اكل للسماكيه الغلبانه المسكينه بتاعتى المهم لاقيت قط شكله حلو كده ومقققط قولت اشتريه للبنت ساره بنت اخويا سالت هو القط ده بكام قالت البنت 1200 جنيه قولت لها نعم ليييييه هو انا باشترى قبيله قطط ده هو قط غلبان لوحده قالت ده قط اصيل وقعدت تشرح قولت لها يا ترى معاها شهادة نسب قعدت تضحك البنت وانا مشيت وانا باستغرب على حال القطط

    دمتى بكل خير


    زهراء

    ردحذف
  3. فعلا العبوه حتي شكلها مستفز , إسمها ويسكاس !!
    إسم شيك قوي والله . .

    ردحذف
  4. قطتى :)
    جميل اوى البوست
    وكلامك كله مظبوط
    اسكتى انا بحب القطط جدا ونفسى اربى بس طبعا مشهجبلهم اكل من دا لالا اللى ناكل منه تاكل معجبوش وزمر براحته هو الخسران
    اصلى كنت مربيه قطة بس من برة برة يعنى بتيجى تاكل وتمشى مبتقعدش كنت احطلها اللبن خفيه من ورا امى
    والاكل تشمه الاول عجبها تاكل معجبهاش تفضل بصالى وتنونو ومترضاش تاكل اروح قايلالها براحتك وقافله الباب
    وعندك حق يعنى حسينا بالقطط وجايبنلها احسن اكل
    مش نحس بالغلابه ونعطف عليهم
    تحيااااااااااتى
    واحشنى زيارتك

    ردحذف
  5. أحياناً يشعر الواحد أن الإنسان يكاد يكون اليوم من أرخص السلع مع الاعتذار عن التوصيف وبسبب أخي الإنسان ، والله المستعان .
    تدوينه فيها الكثير من التساؤلات الواقعية ، وقد يشبه حال الحيوان الإنسان مع بعض الرتوش .

    ردحذف
  6. السلام عليكم اكثر ماتستغربينه في دنيانا ايتها الاخت الطيبه ان الاوضاع اتقلبت فمن طبائع القطط اختنا نها انها مثلا لاتشمثز ان تاكل من فضلات البني ادمين اما في الوقت الحالي فيه بني ادمين بتاكل من الزباله من الحاجه والعوز والقطط والكلاب بيعالجوها في مستشفيات خاصه وعملولها فنادق وحاجه بقت اخر استفزاز في حين ان فيه دلوقتي ناس بتتحبس عشان كمبياله ب150 جنيه وناس دايخه عشان تتعالج علي نفقه الدوله ومش عارفين يطلعوا قرار ب2000 جنيه

    ردحذف
  7. هايل يا نهى
    ربنا بيرزق العصافير اللى على الشجره قادر يرزق البنى ادم من حيث لا يدرى
    كتير الواحد بيفكر الناس اللى مرتباتها قليله بتاكل اذاى وعايشه اذاى لكن بطلت افكر
    لان ربنا ارحم منى عليهم يمكن ربنا بيسخر ناس لناس وبيحنن قلبهم على بعض لكن اتمنى ان ذى ما فى ناس قلبها حنين على القطط والكلاب يكون قلبها حنين على اخوه الانسان

    ربنا يسعد اوقاتك

    ردحذف
  8. في الحقيقة أختي في الله مررت بهذا الموقف أكثر من مرة .. وللأسف أصبحت الناس ترمي الطعام الزائد للقطط .. وتستخر أن تطعم به المساكين!!!

    ردحذف
  9. السلام عليكم
    الصراحة عندنا مفيش كتير الي بيهتموا بالقطط
    والي يهتم بالقطط بياكلوة الي معاهم
    غير الي معاهم فلوس زي ماقلتي
    والله لما اشوف الاعلان بتاعة بالتلفزيون
    اتعصب اقول القطط لها اكلها
    واحنا ياناس لنا الله كلوا الي موجود
    مسمم صلاحيتة انتهت
    الي موجود يابشر كلوة
    دنيا تشوف فيها العجب.
    سلامي

    ردحذف
  10. بوست رائع يا نهى .. وردود ونقاشات أجمل .. ما شاء الله

    أصلاً أنا كل ما بقيت أسمع عن سعر شئ بقيت أتخض من إرتفاع الأسعار الرهيب فى مصر

    أنا مش ضد الإهتمام بالحيوان .. لكن لما يكون فيه ناس بتاكل من صناديق القمامه خلف المحلات الكبيره يبقى لازم نفكر ..

    يا ترى الأكل اللى بناكله وبنأكله لأولادنا مش بس لحيواناتنا بالغالى .. هنتسئل لو إفترينا وبقينا مبذرين فيه؟؟

    يا ترى هنتحاسب على كده؟

    أنتى لخصتى الموضوع فى 3 جمل أكتر من رائعه بلا مبالغه


    (صحيح اللى عذبت قطة دخلت جهنم
    واللى سقى كلب دخل الجنة
    بس شوفوا بقى اللى هيطعم بنى ادم هيكون جزاءه ايه؟)

    تقبلى إحترامى الشديد

    ردحذف
  11. السلام عليكم

    سعيد ببكلامك جدا

    اولا

    الرفق بالحيوان جميل مع التوازنت العقلى بفضلات الطعام وكده مش تبزير
    فى بنى ادمين
    مش لاقين
    علبه الاكل بتاعه القطط دى
    ثالنيا
    فى حديث فيما معناه
    الرفق ما كان فى شىء الا زانه وما نزع من شىء الا شانه
    يعنى الرفق والعقل الاتنين مع بعض
    ثالثا

    نربى حيوانات ليه
    لآ بس
    اللى نصرفه عليها
    الاولى بيهم
    زوى القربى اصحاب الكفاف والعفاف
    ثم الابعد فالابعد
    مش افتح حظيره حيوانات
    من قط وكلب وعصافير
    وبغبغان وسمك
    ايه
    هفتح حظيره حيوانات
    وبس
    كده

    ردحذف
  12. السلامو عليكم
    نهى

    أولآ أزى صحتك يارب تكونى بخير
    ُثانيآ سامحينى بجد على عدم متابعتى ليكى المدوه اللى فاتت
    لانى كنت بعيد عن النت والتدوين لظروف خارجه عن ارادتى
    بس مش هغيب تانى

    ثالثآ بقى وده الاهم
    أنا اللى خسران فاتنى كتير جدا من اجمل موضوعات عندك هنا وعند ناس كتير محترمين زايك
    وبعدين بقالى ساعه عمال اقلب فى كل اللى فاتنى
    حلو قوى مشروب الرجوله
    مستنى انا بقى المشروب بريل بتاع الستات

    نرجع بقى للموضوع الجامد ده
    والله فى ناس كتير قوى زى اللى انتى بتحكى عنه ده
    يبقى شحت وكبير
    ورجله والقبر
    وجارر وراه كلب لولوه بسلسه ذهب
    ياخد الكلب ويدخل يشتريله اجمل الاطعمه
    ويجيله عيل صغير يقوله جعان عايز اكل
    والله حاجه تقطع القلب
    وينفره ويشتمه ويمشى عادى جدا

    ياله ليهم رب مش بيغفل ولا ينام

    ثم تعالى هنا ياستى نهى
    انتى بتنقى على القطه الغلبانه ياعنى
    حظها كده
    طلعت بنت زوات مش بنت شوارع
    زمان القطط التانيه بيقوله الله يرحم امك بسه كانت بنت تربيه الشوارع وصفافيح الزباله
    هههههههههه

    تسلم ايدك ومستنى كل الجديد عندك
    ومستنى رأيك فى البوست الجديد اللى هو اساسا أسوء ماكتبت
    لانى كتبته لشخصيه ماتستهلش وأسوء ما قابلت
    يمكن قطط الشوارع تخلص عنها
    هههههههههههه
    انا كنت هقفل التعليقات بس قولت انه فى ناس اكيد رأيهم هيفدنى زى رأيك

    تقلبى تحياتى
    وأهديكى باقه ورد من أجمل بستان لقلبك الطيب

    محمـــد التركـــى

    ردحذف
  13. يارتنى كنت قطه هههههههههههههههههههههه
    الاكل المضل للقطط اااااااااااااااه
    ولا مرعاه للبنى ادمين

    ردحذف
  14. نهى

    هى حقيقى والله حاجة تغيظ .. ومش هقدر أقول أكتر من كدة لإنى عندى فوبيا من القطط

    فا مقدرش أغلط فيهم أبداً ليأذونى هههههههه

    كان عندنا عصافير ...بس أكلها على قدة ودمها زى السكر ^_^

    ردحذف
  15. هههههههههه
    شكلك شايل من القطط
    وبااصص فى اكلهم
    هع هع هع هع هع هع هع هع هع هع
    المفضل لدى القطط
    ايه هم بيشعروا بالقطط ولو مفضل لدى قطه طيب فى قطه تانيه مش بنحبه
    رزق الهبل على المجانين

    .........
    دا فى بيتنا شويه قطط عاوزة دبحهم

    ردحذف
  16. السلام عليكم ورحمة وبركاته ..

    الجحود لنعم الله عز وجل هو من أفظع الأمور التي أصبحت مع الأسف منشرة الآن .. بارك الله فيك أختي في الله.

    ردحذف
  17. ما الناس عماله تنونو بقالها كثيييير
    وماحدش سأل فيها
    ههههههه
    انا باحب الحيوانات
    بس بحب الانسان اكثر

    بوست جميل
    والجاى احسن ان شاء الله

    تحياتى

    ردحذف
  18. مش فاهمة ايه الرفاهية بتاعت القطط و الكلاب ..
    و الناس مش لاقية تاكل ..
    اللي اعرفه ان الحاجات كلها غليت بشكل مش عادي ..
    و فعلا الناس بقت جعانة .. طيب ماينفعش شركات أكل القطط دي .. تخلي جزء من تمن العبوة لدعم بنك الطعام او كدة ؟؟
    زي مابتعمل شركات كتير في حاجات كتير؟؟
    كمان التسول انتشر في مصر اوي يا نهى .. متعرفيش الناس مش لاقية و لا بتنصب عليكي و لاايه .

    ردحذف
  19. نهى يا قمرى والله انتى عثل يا بت وانا بموت فيكى معلش انا برد متاخر بس كنت مسافره والله يارب تكونى بخير ابقى طمنينى عليكى

    ردحذف
  20. اولا انتى دمك خفيف اخر حاجه وانا كمان بحب القطط ولو شفت قطه فى الشارع ماشيه استناها لما تمشى علشان مخوفهاش وبعدين انا امشى يعنى مش قطط البيت بس معنديش تفرقه عنصريه خالص

    ردحذف
  21. الموضوع ده بقى بالذات مش هتكلم فيه
    علشان بس ميخرجش مني لفظ كده ولا كده ..

    ردحذف
  22. iiiiiههههههههههه والله يا نهي معاك حق , تخيللي انا بخاف م القطط بس بتصعب عليا ولازم اني اعطيها اكل اي اكل المهم انها مش تبقي جعانة , تخيلي لو روحت انا بقي اسأل علي اكل القطط اللي بالشيء الفلاني والا العلاني , يا بنتي والله حرام المشكلة ان قطط مصرنا الحبيبة متحبش الا السمك والسمك والمزيد من السمك وكمان المشوي ويا حبذا لو كان بلطي من الحلو ده والله بتكلم حد احنا القطط عندنا متحبش السمك البوري ....!! والله بجد مش هزار ......الموضوع ده عايزة له بوست لوحدة عشان اتكلم فيه واكلمك عن بسبوسة وسوكا القطط بتاعتنا وقططهم الصغيرين

    ردحذف
  23. الله المستعان .. فعلا .. تقبلي مروري.

    ردحذف
  24. نقدر نقول ان البوست ده تكملة للبوست اللي فات
    نوع من انواع الثقافة الجديدة اللي دخلت علي الشعب المصري من بداية مشروب بريل لطعام القطط وجمد قلبك واشرب ديو الخ الخ الخ
    ثقافة جديدة دخلت علي شعب اساسا حالته الاقتصادية لا تسمح بهذه التفاهات الغير طبيعية
    لان 99% من الشعب المصري تحت خط الفقر بلا مبالغة
    يبدو انك هاتمشي علي خط النقد لفترة
    تحياتي

    ردحذف
  25. السلام عليكم
    اخبارك يانهى فينكمش باينة
    ممكن تشرفيني بمدونتي المتواضعة هكون سعيده
    رشا
    سلامي

    ردحذف
  26. ابراهيم رزق4 أكتوبر، 2010 8:59 م

    القطط روح والبنى ادم روح والاثنين لازم ياكلوا ولكن بدون تبزير لو بصيتى على الرف الجانبى لاكل القطط لوجدتى مشروب طاقة للقطط عشنى و شفنا

    ردحذف
  27. نهى الوحشه اخر حاااااااااااااااااجه انتى فين يا قوطتى مش بتسال ليه دده مكنش عيش ومدونات اللى اكلناه مع بعض طمنينى عليكى يا موزة ^_^

    ردحذف
  28. انا بعتذر للجميع على التأخير فى الرد
    بجد غصب عنى
    وان شاء الله راجعة للمدونة قريب جدا
    بشكركم كلكم

    ردحذف
  29. مممممممم..
    حاسس بريحة (حقد طبقي)
    مالك ومال القطط يا نهى..؟؟
    (';' )

    ردحذف
  30. أنا أول مرة أجى هنا وأنا مش معاكى فى كلامك وأسمحيلى كل واحد حر فى تصرفاته يعنى أنا لا أقبل أن حد يقعد يبص فى حاجتى الى أنا بأشتريها ومحدش له دعوة اصرف أيه على القطط أنت لا تعرفى نفسية الناس ولا مكنون نفسهم وليس من حقك الحكم على أى شخص وزى ما فيه قطط مرزقة برضة فيها ناس ربنا مسخر لها ناس علشان ترزقها وتعطف عليها - وأنصحك المرة الجاية لا تنظرى الى أفعال الأخرين لانه ده ليس من الأسلام بشىء عيب

    ردحذف
  31. غير معرف
    مين قال انى بحجر على تصرفات الناس وعاوزة اقولهم يشتروا ايه ومايشتروش ايه
    ومين قال انى بحكم على حد...انا عارفة ان كل واحد حر فى تصرفاته
    انا بنتقد تواجد اكل القطط فى المحلات بكثرة
    دى حاجة مش عاجبانى وده من حقى
    لو كنت حضرتك قريت اخر كام سطر من البوست كنت هتعرف قصدى
    ومتشكرة على النصيحة رغم انى مش بنظر لافعال الاخرين ولا حاجة

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)