الأربعاء، سبتمبر 15، 2010

عم حجاب..رجل من زمن الطفولة.



كلنا نشتاق ويأخذنا الحنين للطفولة وذكرياتها نتذكر أصدقائنا وألعابنا والاشخاص الذين تركوا أثرا فى حياتنا.



عندما أتذكر طفولتى لاأستطيع أن أنسى شخصا كان جزءا مهما منها..
انه عم حجاب صاحب كشك الحلويات الوحيد بمنطقتنا ..
لااستطيع ان انساه بجلبابه الواسع البسيط وانا ذاهبة الى مدرستى كل صباح يجب ان امر عليه فى طريقى .



كان عم حجاب رجلا طيب...طيب جدا يقابلنا دائما بإبتسامة وكانت زوجته ايضا طيبة جدا مثله .



كنت معتادة ان اذهب يوميا لعم حجاب لكى اشترى منه ماأريد قبل ذهابى الى المدرسة ..أتذكر أكثر شىء كنت أشتريه كان (شيكولاتة مونى) هل تتذكروها؟


وايضا كنت أذهب إليه فى مشوار عودتى حيث يجب ان اتخلص مما تبقى من مصروفى اليومى فكنت اذهب اليه واشترى اى شىء ولو مجرد علكة ..وعندما يعودا أبى وأمى من العمل أجد عم حجاب نقل لهم أخبارى وأعلمهم بأن المصروف قد تبخر عنده.....فى الاجازة الصيفية كنت اذهب اليه مع اخوتى كل صباح واسمعه ينادينى..صباح الخير ياأستاذة..كنت افرح جدا بهذه الكلمة وأشترى ماأريد وأعود للمنزل ولاينتهى الامر عند ذلك فحسب.. حيث اننى كنت أذهب لعم حجاب مرات ومرات أثناء اليوم...كان أبى يشترى لى من العم حجاب كتب مهرجان القراءة للجميع التى لم يكن عقلى يستوعبها فى هذا الوقت والتى قرأتها عندما كبرت واحتفظ بها حتى الان ...



كنت اعرف عم حجاب قبل دخولى المرحلة الابتدائية بفترة وجيزة واكملت مراحل دراستى الاعدادية والثانوية وكنت يوميا أمر على العم حجاب وزوجته



ودخلت الجامعة واصبح مرورى على عم حجاب يتم على فترات..



وفى يوم من الايام صدمت عم حجاب دراجة بخارية وأصابت قدميه واحتاج لاجراء جراحة بسيطة فيها ولكن لم يخرج عم حجاب من غرفة العمليات حيا....مات عم حجاب بسبب التخدير ...واصبح لايوجد هناك عم حجاب.



وقام ابناؤه بإستئجار الكشك لآخرين....تغير المكان واصبح بلا معنى بدون عم حجاب...ولكنه مازال موجودا فى ذاكرتى لانه جزءا أساسيا من ذكريات الطفولة.



وكلما أمر من أمام كشك عم حجاب أقرأ الفاتحة وتتبعها جملة الله يرحمك ياعم حجاب.



ملحوظة:فى حياة كل منكم عم حجاب ولكن بشكل مختلف وإسم مختلف وشخصية مختلفة....

هناك 36 تعليقًا:

  1. جميل البوست

    جميلة الذكريات

    عارفه بعد ما قريت الملحوظة بتاعتك

    قعدت أفكر بتاع 5 دقايق علشان ألاقى عم حجاب

    ملقتش (: تصورى

    بجد مش بهرج

    (:

    معلش صدمتك (: بس مش فاكر المرة دى مش علشان الذاكرة

    بس علشان مفيش بجد (:

    تسلم أيدك و ربنا يخليلك ذكرياتك الجميلة

    ردحذف
  2. nice to remember :)
    انا بقى كان عندى عم ابراهيم :)

    ردحذف
  3. عم حجاب بتاعي كان راجل رخم بعيد عنك عمري ما كنت بطيق امه :)

    ردحذف
  4. السلام عليكم ورحمة الله وبركاته

    جميييييييييييل حديث الذكريات وجميل عم حجاب ربنا يرحمه برحمته الواسعة ... عيشتيني في ذكريات جميلة
    (:
    لولا

    ردحذف
  5. تعيشى وتفتكرى
    الله يرحمك يا عم حجاب

    ردحذف
  6. فعلا صدقتى القول يا نهى
    فى حياه كل شخص منا عم حجاب بس بشكل مختلف واسم مختلف
    وذكريات الطفوله لا يمكن تنسى ابدا بحلوها ومرها لانها محفوره فى عقولنا وقوبنا
    الله يرحمك يا عم حجاب

    البقاء لله يا نهى

    ردحذف
  7. اجمل شىء فى الدنيا الذكريات والحنين للماضى جميل كلامك واسلوبك تحياتى ليكى

    ردحذف
  8. الدنيا صندوق..دور بعد دور
    الدكة هى.. وهى كل الديكور
    يمشى اللى شاف ويسيب لغيره مكان
    كان عربجى او كان امبراطور
    عجبى

    انتى عارفة عم حجاب موجود عندى ورغم كل انواع الشيكولاتة والبسكويت باشتاق لشيكولاتة كرونا وبسكويت بسكو مصر وبارتبط باغانى معينة ممكن متعجبنيش دلوقتى بس واخده جزء منى
    تحياتى ابراهيم رزق

    ردحذف
  9. يااااه على زمان وايام زمان...
    فعلا والله..في حياة كل منا عم حجاب..
    الناس دي كانت طيبة لدرجة ما بقتش موجودة في الناس دلوقت..
    تحسي انه كان زمن بركة قوي والحاجة الصغنونة كانت بتفرحنا لان ليها معنى كبير جوانا.
    دلوقت انا باشفق والله على الاطفال اللي عندهم كل حاجة ومع ذلك مش بيحسوا بطعمها..!!

    ردحذف
  10. السلام عليكم

    البوست دا مؤثر بجد
    مش بس علشات قصة عن حجاب
    لكن لأن زي ما قلتي في آخر جمله
    في حياة كل واحد مننا عم حجاب وأكتر
    بجد ذكريات الطفوله بتخلينا نعيش لحظات فيها مزيج من الصفاء على الشجن وأحيانا رغبة في البكاء على ذكريات راحت ومستحيل ترجع تاني

    ربنا يرحم كل أحبائنا اللي فقدناهم
    سواء بالموت أو بالسفر أو بمشاغل الحياة

    بأحييكي على موضوعك الرائع

    ردحذف
  11. اقرأ لك منذ فترة يا نهى ....وهذا البوست جميل جدا ويدل على شخصيتك الرومانسية التى تحن للماضى ....
    فى حياة كل منا العم او الخال او الاستاذ حجاب لا نعرف قيمتهم الحقيقية الا بعد رحيلهم فندرك حقا كم كانوا مؤثرين فى حياتنا .....انظرى من حولك مؤكدا سترى العديد من الاشخاص الذين بدونهم تفقد الحياة طعمها....ارجوك استمرى بالكتابة

    ردحذف
  12. بوست جميل
    أنا كنت بروح لعم عبدالله
    بس دلوقتي بقي الأهلي فون . .!!

    ردحذف
  13. نهى

    رائع الطرح

    بس يا قلبى هى كدة الدنيا

    بتقرب ناس وتفرق ناس

    ودايما بردد اغنية حليم اعز الناس


    ونحن لا ندرى بقيمة الشئ الا حين نفقدة

    واصلى فبقدر حبك له كان يحبك

    واصلى وابدعى من اجل ان يكون سعيدا بك

    اسفه على تاخيرى

    بس النت بقاله يومين معزبنى

    الحمد الله انى اطمنت عليكى

    اشكرك على التواصل


    تحياتى

    ردحذف
  14. نهى
    انتى عارفه.. انا داخلة عندك اقولك انتى ليه مش بتكتبى جديد فوجئت انك مواظبه على الكتابه
    ببص فى التحديث لقيت على مدونتك اشارة أكس ؟؟
    اسفه بجد انى طول الفترة دى مكنتش بتابعك
    قلة ذوقك منى غير مقصودة والله
    بس خلاص ضبطت التحديث والمدونه بانت عندى
    هرجع أقرى البوست واعلق

    ردحذف
  15. اولا الله يرحمة
    ويرحم جميع موتانا
    اللهم أمين
    تعيشى وتفتكرى
    ثانيا فى ذكريات بتترسم جوانا ومبنقدرش ننساه حتى ولو كانت لا تعنى شىء للكثير
    واكيد كل واحد فينا كان بيمر بعم حجاب مع اختلاف الاسماء
    صح كلامك يا نهى
    للمرة التانيه
    اسفه بجد

    ردحذف
  16. فعلا عندك حق كل واحد فينا في حياته عم حجاب بصورة مختلفة
    جميل منك انك تفتكري ناس يمكن يكونوا عايشين علي الهامش وكل احلامهم انهم يلاقوا عشا اليوم وبكرة يحلها ربنا
    تحياتي للبوست الجميل

    ردحذف
  17. Ramy
    دور كويس يارامى صدقنى هتلاقيه
    ركز شوية وفكر تانى
    يمكن تلاقيه كان موجود فى شارعكم او فى المدرسة او حتى بتقابله بالصدفة فى الشارع
    اكيد موجود دور تانى يمكن تلاقيه
    نورت

    ردحذف
  18. Kontiki
    نورت المدونة بالزيارة
    وعم حجاب من عم ابراهيم مش هتفرق المهم انه سايب ذكرى حلوة من زمان

    ردحذف
  19. ELMOSTAFZ
    ههههههههه مش مشكلة المهم انه موجود
    ساعات كان فى ناس الواحد ماكانش بيحبهم وهو صغير
    انا افتكر جار لينا كنت كل مااشوفه اصرخ واعيط رغم ان شكله كان عادى
    بس مش عارفة ليه كان بيحصل كده
    نورت

    ردحذف
  20. لولا
    احلى حاجة لما يكون عندنا ذكريات جميلة
    ربنا يسعدك دايما

    ردحذف
  21. عمرو يسرى
    شكرا ليك ياعمرو
    الله يرحمه

    ردحذف
  22. mrmr
    صعب يامرمر ننسى ذكريات الطفولة اللى يمكن بنتمنى انها ترجع تانى ونعيش فيها تانى
    نورتى ياقمر

    ردحذف
  23. الحنين
    اكيد طبعا الذكريات جميلة والحنين لها بيعيشنا فى جو مختلف
    شكرا ليكى

    ردحذف
  24. ابراهيم رزق
    شيكولاتة كورونا دى كانت المفضلة بالنسبة لى افتكر كان تمنها 80 قرش كنت بشتريها كل يوم وبحبها جدا
    ورغم كل انواع الشيكولاتة الا ان هى بالتحديد مختلفة
    على فكرة هى رجعت تانى دلوقتى بس مش كل الناس بتبيعها

    ردحذف
  25. timo
    والله معاك حق الاطفال دلوقتى بيصعبوا عليا جدا
    طفولتهم مش زينا كان فينا براءة وكنا بنلعب على قد سننا انما دلوقتى اللعب اكبر من سنهم وعقلهم كمان اكبر من سنهم
    ايامنا زمان كانت حلوة بكل اللى فيها
    نورت ياتيمو

    ردحذف
  26. علاء سالم
    فعلا والله لما بفتكر طفولتى بتركيز اوى ببكى علشان نفسى ارجع لها تانى
    اغنية رمضان جانا مثلا لما بسمعها بتفكرنى بأجمل ايام طفولتى حتى فانوس رمضان بشكله القديم كان اجمل من دلوقتى
    وكل واحد مننا فى ذاكرته رمز معين لطفولته
    نورت المدونة بتعليقك

    ردحذف
  27. يوميات مضيف فى الطيران
    سعيدة جدا بزيارتك وتعليقك الاول فى مدونتى واتمنى طبعا تكرار الزيارة
    وطبعا انا معاك فى رايك ان كل واحد مننا عنده ناس كتير بيعملوا لحياته معنى ومايقدرش ينساهم
    شكرا ليك على رأيك فى كتاباتى

    ردحذف
  28. faw
    بس اكيد عم عبدالله كان مختلف كتير عن الاهلى فون
    ويمكن تتمنى لو عم عبدالله يرجع من تانى

    ردحذف
  29. جايدا العزيزى
    ربنا يخليكى ياقمراية على رأيك وذوقك اللى بتحرجينى بيه دايما
    مايهمكيش التأخير النت معذبنا كلنا والموقع كمان احيانا بيكون تقيل جدا
    ولا يهمك ياقمر

    ردحذف
  30. الحب الجميل
    لالا اوعى تقولى قلة ذوق منك ابدا
    دى حاجة بتحصل والحمدلله انك ظبطتى التحديث
    ونورتينى بزيارتك

    ردحذف
  31. الحب الجميل
    اكيد فعلا الذكريات بتترسم وتتحفر جوانا كمان
    ويمكن مايكونش عم حجاب بس ده فى ناس كتير بس انا كتبت عنه تحديدا لانه كان طيب اوى الله يرحمه
    وللمرة التانية مفيش اى داعى للاسف والله

    ردحذف
  32. sendbad
    الناس دى كانوا فى حياتنا بنشوفهم بشكل شبه يومى ويمكن مافكرناش فيهم كتير
    لكن لو فكرنا كويس هنلاقى انهم سابوا اثر كبير فى حياتنا وفى مننا اللى اتعلم منهم حاجة

    ردحذف
  33. تمضي الحياة وتبقى الذكريات
    تحيتي لنفسك العطرة

    ردحذف
  34. احمد شريف
    شكرا ليك بجد
    ربنا يكرمك

    ردحذف
  35. ياااااااااااااه
    عم حجاب :)
    فاكرة زمان كان عمو أسامة بيجيب لي حاجات حلوة من عند عم حجاب دة لما كنت طفلة .. :)
    ههههههه :)
    و آيس كريم هاواي .. :)
    الله يرحمه يا نهى .

    ردحذف
  36. شيماء على
    عم حجاب الله يرحمه
    كان دايما عنده ايس كريم هاواى
    ماكنتش بلاقيه غير عنده الله يرحمه بقى

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)