الثلاثاء، يونيو 28، 2011

معلم أنت أم سفاح؟

لم أكن قد شاهدت مقطع الفيديو المتعلق بمدرس زفتى المتهم بضرب تلاميذه الصغار فلم أستطع مشاهدة المقطع نظرا لفرط بشاعة ماسمعت عن قسوة المدرس وأسلوبه وكذلك هلع الصغار منه...
ولكن اليوم وبالصدفة شاهدت هذا الفيديو الذى كان معروضا فى أحد البرامج لمناقشة الأمر مع متخصصين فى شئون التربية ...عندما شاهدت هذا المدرس وهو يضرب فتاة صغيرة ربما لم تتعدى الثالثة من عمرها بمنتهى الوحشية تخيلتها إبنتى ....تخيلت أن هذا السفاح يضرب إبنتى لا قدر الله لأنها أخطأت فى كتابة كلمة أو قراءة معلومة وإعتصر قلبى الألم والحزن عندما وضعت نفسى فى مكان والدة الطفلة المسكينة هذه...أعتقد أننى لو كنت فى موقف الأم لم أكن سأكتفى بإيقاف المدرس عن العمل أو مجازاته أو محاكمته أو حتى إعدامه ولكننى أعتقد بأن الذى سيرضينى قبل هذا كله هو أن أجعله يتجرع من نفس الكأس وكنت سأصر على أن أقتص بنفسى لهذه الطفلة الصغيرة ولكرامتها المهدرة وأجعله يشعر بالمهانة أمام تلاميذه مع كل ضربة سأعطيها له من العصا التى أهان بها الطفلة
لو كنت أعرفه شخصيا لسألته ما الذى إستفاده من تلك الجريمة التى إرتكبها فى حق أطفال غادروا منازلهم طالبين العلم؟
وما المتعة التى شعر بها فى كل مرة ضرب تلميذ وجعله يكره التعليم؟
أريد أيضا أن أسأل أولياء أمور التلاميذ...ـألم يأتى لكم أبنائكم ذات مرة ليشكوا لكم أفعال معلمهم؟
ألم تأخذوا شكواهم ولو لمرة واحدة على محمل الجد وتصدقوهم أم أن لديكم ماهو أهم من أبنائكم...أم أنكم ترون أن هذه هى الطريقة المثلى لتوصيل المعلومة وترسيخها فى عقول الصغار؟؟؟
المعلم فى المدرسة هو بمثابة الأب فيجب أن يكون عطوفا حنونا ويجب أيضا أن يكون حازما فى بعض الأحيان ولكن ليس بهذه الطريقة الوحشية لأن دوره الحقيقى هو تقديم أجيال نافعة للمجتمع بعد أن يزرع فيها المبادىء والأخلاق الحميدة بالإضافة إلى العلم الذى يقدمه لهم
ربما الكثير والكثير من جرائم مثل هذه إرتكبت فى حق الصغار من التلاميذ ولكن لحسن حظ مرتكبيها أنها لم تكن جرائم مصورة كهذه الجريمة
ولذلك فيجب من الأن عدم قبول أى شخص كمعلم إلا بعد إجراء إختبارات نفسية وتحديد ما إذا كان سيصلح كملعم من عدمه
حتى يكون على دراية بكيفية فصل حياته الشخصية عن العمل ولا يتخلص من مشاكله الخاصة وإخراجها بصورة عنيفة على تلاميذه تؤدى بهم لكراهيته وكراهية كل المعلمين بل وكراهية العلم ذاته
هناك أمرا هاما ايضا حتى لا نعتمد على الصدفة فى كشف مثل هذه الجرائم من خلال المواقع الإلكترونية فأعتقد أنه يجب وضع كاميرات مراقبة فى كل الفصول للكشف عن أى إعتداء على حقوق التلاميذ
ولكل معلمى ومعلمات هذا الوطن إتقوا الله فى تلاميذكم ....وعاملوهم كأبنائكم.

هناك 50 تعليقًا:

  1. الغريب في الامر ان اهل الاطفال انفسهم

    عملوا مظاهرة من اجل الافراج عن هذا المعلم

    وقالوا انه بيعلمهم وكانوا موافقين علي ذلك

    اناس استعذبوا الاهانة

    ردحذف
  2. سواح فى ملك الله
    فى بعض الاهالى بيشوفوا ان اسلوب كسر الرقبة هو الوسيلة الوحيدة للعلم
    وده للاسف مش صح
    ويؤدى فى النهاية لنتائج عكسية

    ردحذف
  3. بجد فى حاجات كتير عايزة تتغير

    ربنا يصلح الحال

    مع خالص تحياتى

    ردحذف
  4. تامر نبيل
    معاك حق
    واهلا بيك فى المدونة

    ردحذف
  5. ومازالوا بيسئلوا عن العنف فى المدارس سببه ايه
    وليه الطالب بيطلع عنيف ومش متعلم حاجه غير انه يكون بلطجى
    ياترى ليه

    ردحذف
  6. على فكرة بالرغم ان انا مش ضد الضرب في المدارس لان اغلب الطلبة اتعلموا البجاحة على مدرسينهم علشان عارفين انهم مش هيضربوهم بعد قرار وزير التربية والتعليم السابق
    لكن الضرب بالطريقة اللي في الفيديو ولطلبة في الحضانة ده سادية ومرض نفسي والمدرس ده لازم يروح مستشفى المجانين يتعالج والراجل اللي صور الفيديو وشايف العيال بتنضرب بالطريقة دي وبيضحك ده لازم يروح السجن
    التربية رسالة قبل التعليم لكن بطريقة المدرس دي انت بتقتل جوة الولاد اي حب للحياة
    تحياتي

    ردحذف
  7. القسوه الفرطه تصنع طفل يحمل احقاد بداخله يواجه بها مجتمعه وكل ما يحيط به ولن يستفدي او يفيد انما سيبحث دائما عن حقه بالقوه
    تقبلي تحياتي

    ردحذف
  8. أعتقد حكاية الكاميرات دي مكلفة جدا
    لو ضربنا عدد الفصول اللى في مصر في عدد الكاميرات اعتيقد هيطلع رقم قياسي هيكلف الدولة مبلغ قياسي ايضاً

    فيه حل تاني ممكن الموظفين اللى شغالين في المديريات والوزارة بيراقبوا العملية التعليمية بحكم شغلهم بدل ما قاعدين يحلوا كلمات متقاطعة ويفطروا فول وطعمية

    ___________

    خالص تقديري لفكرك وقلمك

    ردحذف
  9. السلام عليكم
    دكتورة
    لو حاولنا نعمل دراسة لكل حاجة تعليم صحة غذاء بيئة سوق عمل مهنين هتلاقى حاجات كتير جدا غلط
    بس الاكتر من دا ان فى حاجات بقت فى عاداتنا وتقاليدنا نفسها غلط عشان كدا احنا محتاجيين تغير جذرى فى حاجات كتير جدا
    شكرا على طرحك سيدتى

    ردحذف
  10. نهى

    شوفت الفيديو من فنره طويله تقريبا اكتر من شهر واقسمت بالله العلى العظيم لو اللى حصل ده كان مع ابنى او بنتى كنت رحت للمدرس ومعايا بلطجيه وطبعا الحصول عليهم سهل دلوقتى اوى المهم كنت هاروح له لغاية بيته ويضرب علقه محترمه وحاجات تانيه كنت هاعملها لاداعى الى ذكرها لان اللى حصل ده بلطجه والمفروض يطبق عليه قانون البلطجه بجد

    بصراحه فيديو يحرق الدم ايه اللى خلاكى تشوفيه بس ؟؟

    فى كتير من الجرائم ترتكب فى حق الاطفال وماحدش يعرف عنها اى حاجه ربنا يسترها

    زهراء

    ردحذف
  11. السلام عليكم أختي نهى..

    معك تماما.. ووالله عندما رأيت المشهد أول مرة لم أستطع إكماله عندما رأيت نظرة الذعر التي في عيني تلك الطفلة التي أشرتِ إليها.. وانتباني نفس الإحساس من الكره الشديد تجاه ذلك المستأسد على الأطفال.. وإحساس آخر من الحنق الشديد على أولياء الأمور الذين لا أستطيع تصديق ردود أفعالهم حتى الآن...!!!!!!!!!!!

    أنا كمدرس.. والله لا أستطيع أن أخرج من المدرسة في نهاية اليوم وفي تصوري أن طالبا لدي يحمل لي كرها أو إحساسا بالظلم.. أو حتى خوفا شديدا من عدم الانتهاء من الواجب، فأنا لا أضرب أبدا على أخطاء دراسية وإنما فقط على أخطاء أخلاقية والضرب نفسه يكون رمزيا.. يعني ضربة أو ضربتني بعصا قصيرة غير مؤلمة..!!!

    وبالمناسبة أيضا غلت الدماء في عروقي عندما تصورت أن هذه الطفلة هي ابنتي، لأنها بالفعل في نفس السن!!!! وتصورت رد فعلي وقتها وهو ما كان مشابها تقريبا للعقاب الذي أوردتيه!

    تحياتي على إعادة طرح القصية رغم ردود أفعال أولياء الأمور المستفزة!!!

    دمتِ سالمة أختي الكريمة.

    ردحذف
  12. على فكرة.... بجد لازم تغيري اسم المدونة...
    صدقا دون مجاملة من ساعة ما عرفتها ما شفتش فيها كلام فاضي!!!!

    ولو فيه عاطفة تجاه الاسم اكتبي بين قوسين (كلام فاضي سابقا).

    ردحذف
  13. كلامك جميل اوى وصح حبيبتى
    ولا بد من التغير والله المستعان

    دمتى حبيبتى بكل الخير

    ردحذف
  14. ناس معقدة ربنا ينتقم منهم
    وجعتيلي قلبي :(ناس معقدة ربنا ينتقم منهم
    وجعتيلي قلبي :(

    ردحذف
  15. والله الواحد مش عارفيقول إيه .. بس أكيد الخوف من ربنا ماعدتش موجود!!!!

    ردحذف
  16. بس احنا اتعلمنا كدة ...كانت الغلطة بعصايا في النصوص والدين....ومين مننا ما ضربشي من المدرس

    ردحذف
  17. أنا كمان مكنتش قادره أشوف الفيديو للأسف أسلوب اجرامي في التربيه و المؤسف أكتر موافقة الأهالي عليه...عايزين سنوات كتير عشان نرجع للناس تاني احساسهم بالكرامه.

    تحياتي ليكي بوست مهم
    شيرين سامي

    ردحذف
  18. عمرو يسرى
    من خلال الفيديو ده وغيره عرفنا السبب الحقيقى
    بس يارب حد يتحرك وياخد اجرارءات حاسمة

    ردحذف
  19. مصطفى سيف
    كلنا انضربنا زمان بس كان ضرب بسيط مايوجعش الجسم والكرامة
    المدرس اللى يسمح لنفسه انه يعمل كده يبقى فعلا مريض نفسى

    ردحذف
  20. eng-semsem
    طبعا مش هيكون طالب مفيد فى اى شىء بعد كده غير فى البلطجة

    ردحذف
  21. كاسبر
    للاسف مفيش حد بيراقب حاجة
    يمكن الموضوع مكلف فعلا بس تكلفته مش هتيجى حاجة جنب اللى بيتعمل فى الاطفال كل يوم فى المدارس

    ردحذف
  22. مدونة رحلة حياة
    فعلا احنا محتاجين تغيير جذرى فى كل شىء واول حاجة نبتدى بيها هى تغيير النفوس

    ردحذف
  23. لولا وزهراء
    زهراء
    انا شوفت الفيديو صدفة رغم انى ماكنتش حابة اشوفه بس فعلا نفسى اضرب المدرس ده

    ردحذف
  24. ماجد القاضى
    حضرتك فعلا من المدرسين اللى كنت اتمنى لو فى منهم كتير
    بس للاسف الاغلبية هى اللى سيئة
    حتى حضرتك كمان اللى بيستفيدوا منك مش فى مصر

    ردحذف
  25. ماجد القاضى
    حضرتك بجد بتحرجنى بكلامك وذوقك
    ربنا يخليك وجارى البحث عن اسم جديد
    دعواتك:)

    ردحذف
  26. نبع الغرام
    الله يكرمك على ذوقك:)

    ردحذف
  27. كارمن
    طبعا ماكنش قصدى والله اوجع قلبك
    ده انا حتى مارضيتش انزل الفيديو

    ردحذف
  28. كريمة سندى
    الواحد بيزعل بس على مستقبل الولاد دى لو كملوا تعليمهم بالشكل ده

    ردحذف
  29. تركيب
    كلنا انضربنا ضرب بسيط لكن ده بهدل العيال الطريقة دى تكره فى التعليم

    ردحذف
  30. شيرين سامى
    اول مرة اعرف ان الاهل عملوا كده
    يبقى كده بقى المدرسين لهم حق يبهدلوا العيال واهاليهم كمان

    ردحذف
  31. معلم أنت أم سفاح؟؟؟؟




    سفاح

    ردحذف
  32. الله يحفظ أبناءنا وبناتنا أصبحنا نخاف عليهم حتى من المعلمين!!
    زمن عجيب ومرعب

    ردحذف
  33. الفيديو ده قطعنى من جوايه هو فعلا معندوش قلب ومش بيحس بس اللى يغيظك اكتر اهالى الاطفال اللى رايحين ييدفعو عنو ويطلبو بأنهم ميحسبهوش وكأن دول مش عيالهم اللى اضربو ربنا يهدي

    ازيك يا وحشه يالى مش معبره خالص يارب تخدى بالك ان انا عايشه ولشه مش موت وتسألى عنى عشان انتى وحشانى

    ردحذف
  34. مها البنات
    تمام يامها معاكى حق

    هو سفاح

    ردحذف
  35. د.سمر
    الله يحفظ ابنائنا
    اللهم آمين

    ردحذف
  36. منة
    بعد الشر عليكى يامنة ماتقوليش كده
    انتى كمان وحشانى
    عارفة انك زعلانة منى والله

    ردحذف
  37. تحياتي لشخصك الكريم ... للأسف مثل هذه النوعية من المعلمين والمعلمات تعج بهم مدارسنا في العالم العربي ... وأعتقد أنه يجب عدم الاكتفاء بالتعليمات المكتوبة أو المراقبة عبر الكاميرات ... يجب أن يكون تشريع أو تنظيم قانوني يجرم هكذا حالات فالأمر زاد عن حده وأخرج العملية التعليمية عن مدارها الطبيعي ألا وهو التربية والتعليم .
    وبالتوفيق لك دوم .

    ردحذف
  38. للأسف أنا متأثرتش بالفديو أبدًا
    طبعًا مش معاه لكن متأثرتش عشان ده بيحصل كل يوم
    الموضوع مش موضوع مراقبة واتصور بالصدفة
    الكلام ده بيبقى معروف أنه بيحصل
    الأهل شفتهم بيروحوا للمدرسين يقولولهم اعملوا اللي انتو عايزينه وطبعًا كدة مفيش حاجة اسمها شكوة للأهل عشان الأهل عارفين كل حاجة
    حتى الآن ده شيء متعارف عليه وفي اهل بيوصوا بيه
    في أهل بيجوا يضربوا ولادهم في المدرسة كل دي عادات طبيعية بالنسبة للمجتمع ده طبعًا ده مش في كل المدارس لكن أنا بحكي عن حاجة شفتها قبل كدة
    وفعلًا أنا سألت مدرسة قبل كدة بتضرب ليه مع العلم ان السيدة دي في حياتها طيبة جدًا
    قالتلي يعني انتي شايفة ان دول ينفع معاهم حاجة تانية؟؟
    كان نفسي أقولها انتي جربتي حاجة تانية؟؟؟
    أيًا كان نوع العقاب حتى لو ابنك وانتي حرة فيه
    (مع إني عمري ما اقتنعت ان أولادنا ملكنا دول ملك لنفسهم ولله) مينفعش يبقى العقاب جسدي أبدًا لان دي اهانة لأي شخص في أساليب عقاب تانية كتير

    ردحذف
  39. السلام عليكم ورحمة الله وبركاته
    عملت كمعلم على مدى 18 سنة ولم أكن استخدم الضرب وكانت علاقتى بتلاميذى وحتى الآن جيدة وقائمة على الاحترام المتبادل.
    وعملت على مدى 9 سنوات ومازلت كموجه وانبه دائماً على المعلمين والمعلمات عدم اللجوء للعنف والضرب وأتابع ذلك بنفسى ويأخذ هذا الأمر اهتماماً كبيراً عندى.......

    ردحذف
  40. فى مدرسيين فعلا معقدين جدا جدا جدا

    ودا لانهم بيحسوا دايما ببنقص جواهم

    وللاسف فى مصر ى ع ندنا تعليم صح ولا اختيار مدرسين صح ولا السياسة التعليمية مكن تتصلح بسهولة

    ردحذف
  41. ايه العك ده
    ينفع التعليم من غير الضرب
    هو المدارس باظت من شوية !!!!!!!
    صحيح كلام فاضي فعلا

    ردحذف
  42. فى فعلا اهالى بيحبوا اطفالهم يضربوا قال كدا بيتعلموا...فكرهم عاوز يتعملوا دليت

    وعجبتنى جدا فكره الكاميرات فى الفصل
    بوست رائع

    ردحذف
  43. تركى الغامدى
    اتفق معك فى كل ما تقول
    نورت المدونة

    ردحذف
  44. ايثار
    مش عارفة اقول ايه فعلا
    لو المدرسين شايفين ان هى دى الطريقة للتعليم بجد تبقى مشكلة كبيرة
    انا واحدة من الناس لا اقبل ان بنتى تعامل بالشكل ده
    مرحبا بك فى المدونة

    ردحذف
  45. كارمن
    ماشى ياكارمن ربنا يكرمك

    ردحذف
  46. ندا منير
    حاجات كتير فى مصر صعب تتغير
    مش التعليم بس
    نورتى المدونة

    ردحذف
  47. غير معرف
    احترم وجهة نظرك:)

    ردحذف
  48. نيللى
    اهلا بيكى فى المدونة
    نورتينى وشكرا على رأيك

    ردحذف
  49. سواح فى ملك الله
    كل سنة وانت طيب
    ورمضان كريم

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)