الخميس، ديسمبر 09، 2010

لغتنا الجميلة...المظلومة دائما


كل شعب من شعوب العالم بلا إستثناء يعتز باللغة الخاصة به

كل شعب من شعوب العالم يتباهى بلغته ويتفاخر بها

إلا نحن...

نعم الشعوب العربية لاتتباهى بلغتها

لغة القرآن الكريم

نتسابق لمعرفة وتعلم لغات أخرى بل نتسابق لننسى لغتنا الاصلية

حقا انها مأساة

كنت سألتمس لنا العذر ان كنا نسعى لتعلم لغات أخرى حتى نستفيد وتزيد مجالات

معرفتنا بقراءة كتب بلغات مختلفة مثلا او محاكاة شعوب تتكلم بلغة مختلفة

ولكننا للاسف الشديد نسعى لتعلم لغات أخرى فقط من أجل التباهى

لكى نقوم بدس بعض الكلمات المختلفة داخل الجمل العربية التى ننطق بها

وكل منا حسب اجتهاده فهناك من يسعى لتعلم الانجليزية

وهناك من يسعى لتعلم الفرنسية لأنها لغة(شيك) كما يطلقون عليها

وهناك من يتعلم الأسبانية مثلا على سبيل التجديد

ولكن أكثرهم انتشارا بالفعل هى اللغة الانجليزية

يسعى الجميع لتعليم ابنائه اللغة الانجليزية

وهذا لأجل المستقبل حيث انه لاعمل الأن لمن لايمتلك أكثر من لغة

لكن ما الحكمة فى تعليم الابناء (حشر) الكلمات الانجليزية فى احاديثهم اليومية

بل وتعنيفهم إن قاموا بإستخدام اللغة العربية أحيانا

فمثلا أجد ان الأم تعلم ابنها بأن هذا الحيوان اسمه cat

وان أخطأ فى يوم وأطلق عليها قطة

ستعنفه امه بشدة

وتكون النتيجة خروج جيل بارع فى اللغات الاجنبية

وفاشل بجدارة حتى فى أن يكتب إسمه باللغة العربية

ظاهرة اخرى انتشرت وتستفزنى كثيرا

وهى الكتابة على طريقة الـ (franco)

مثلا ان اكتب كلمة مساء الخير هكذا

(masa2 el5eer)

كنت اظن أن من يكتب كذلك لديه مشكلة فى جهاز الكمبيوتر الخاص به

إلى أن وجدت يوما ما فتاة تتكلم مع أحد الأشخاص على الفيس بوك

بخصوص موضوع كان محل جدل ونقاش

وتلفت نظره إلى أن من يكتب باللغة العربية هو شخص(local)

استفزتنى جدا كلماتها وأحزنتنى

ألهذه الدرجة نكره لغتنا الأصلية؟

ولهذه الدرجة نرى أنه من العار أن نتعامل بها

ليس العيب فى أن نتعلم لغة أو لغتان أو ثلاث

ولكن العيب فى أن لا نحترم لغتنا

من لايحترم لغته لن يحترمه العالم

هناك 44 تعليقًا:

  1. أختي نهى
    أكتب لك من منطلق تخصصي كأستاذة للغة العربية
    وسبق لي أن كتبت موضوعا عن لغة الضاد في المدونة
    ممجتمعنا عزيزتي
    مجتمع منخور ضعيف يبحث عن اية قشة يتعلق بها لتوصله الى بر الامان
    هذا البر الذي يظنه البعض ان لم اقل الكل مع استثنائات بسيطة هو التشبت بالركب الاوروبي لانه في الطليعة
    ولاتباث هذه التبعية القاتلة فلابد من فهم شعوب الطليعة ومن أجل فهم شعوب الطليعة لابد من تعلم لغتهم حتى يتمكنوا من كسر الحاجز بينهم وبين شعوب العالم الاول
    ظنا منهم ان اخراس اللغة العربية من ألسنتهم واستبدالها باللغة الانجليزية والفرنسية سيصنفهم في المقدمة
    لكن هيهات ان يغير الله منهم حتى يغيروا ما بانفسهم
    فما زادهم هذا سوى انحطاطا وتحقيرا
    وبالتالي سيصبح جيل _الكوكتيل_ اللغوي
    جيلا فاقدا للهوية منبوذا رجعيا لانه للاسف لاشخصية له
    أما لغتنا الام العربية فلها رب يحميها لانها لغة القران الكريم
    شكرا على هذا الطرح
    وأأسف على التطويل ولكن فعلا هذا الموضوع يضغط على أعصابي ويجعلني لا أستطيع التوقف عن التعليق عنه
    تحياتي لك
    واسفة مرة أخرى عزيزتي نهى

    ردحذف
  2. الاخت نها موضوع رائع
    معلش هكمك باللغه العاميه المصريه
    احنا بقينا نتبري من لغتنا وهويتنا
    في كل حاجه بدءا من الللغة ظنا منا انها رقي وحتي الملابس
    هاتيلي لبس معين دلوقتي يدل علي اننا مصريين
    يعني مثلا الدول العربيه من فلسطين لليبيا للسعوديه الجزائر المغرب
    لديهم لبس تراثي من اول ماتشوفيه تعرفي هويه الي لابسه
    بقينا مسخ
    شكرا لكي علي هذا الموضوع

    ردحذف
  3. عاوزة بس اقول تعليق بسيط وهو من تعلم لغة قوم امن غدرهم
    بس مش معني كده اننا نلغي لغتنا ومانستخدمهاش
    تحياتي لفكرك الراقي

    ردحذف
  4. تسلم ايدك يا نهي موضوع مهم
    اللغة الاجنبية اصبحت للمنظرة مش للعلم
    الناس بتتباهي ان اولادها بيتكلموا لغة تانيه غير العربي كأنه فعلا عيب حاجة تكسف بجد انهم مش مقدرين قيمة اللغةالعربية
    شكرا علي الموضوع المهم

    ردحذف
  5. و يا ريتهم كمان بينطقوا انجليزي صح
    دول بيتكلموا ايجيبشن انجليش

    ردحذف
  6. موضوع رائع وهادف كالعادة
    احنا مش نسينا لغتنا العربية فقط انما نسيتنا قوميتنا وتقاليدنا وعادتنا واخلاقنا ومبادئنا احنا بننحدر للوراء وبينا وبين باقي الدول مسافات واميال
    احسنتي كالعادة
    تقديري واحترامي

    ردحذف
  7. انا معاكي ان ماينفعش نهمل لغتنا العربيه بس برده مش ينفع ما نعرفش لغات العالم اللي حوالينا عشان نستفيد من اللي عندهم مش نضيع اللي عندنا
    تقبلي تحياتي

    ردحذف
  8. تقديري واحترامي لك أختي الكريمة.. ولكل من يحب ويحيي هذه اللغة الرائعة... اللغة الحبيبة...

    والله (بلا مبالغة) إني لأشعر بطعم الحلاوة في فمي عندما أقرأ نصا إبداعيا بلغة عربية سليمة...!

    كان لي أيام الجامعة صديقين يشتركان معي في عشق اللغة العربية، فكان الاتفاق الدائم هو الحديث فيما بيننا بالفصحى من باب الإثراء والاستمتاع... سبحان الله .. الآن الشباب يجتهد في إثراء لغته الجديدة (روش طحن) إضافة طبعا لموضوع حشر الإنجليزي إياه... فضلا عن Shit و Damn و Oops!!!!!

    تقبلي تحياتي على هذا الموضوع.

    ردحذف
  9. و الله عندك حق يا نهى بس المشكله ان هي دي اللغه الدارجه في المدارس الجيده و الشغل المتميز منقدرش ننكر كده عشان كده بنحاول نعلمها لولدنا عشان نضمن مستقبل جيد باذن الله بس طبعاً ده مفروض ميأثرش على اللغه العربيه
    و طبعاً أناضد دس كلمات انجليزي في كلامنا العادي و لو ان ده ساعات بيبقى غصبن عن الواحد لأنه مضطر يستخدمها في شغله أو في مدرسته لكن ياريت فعلاً تبقى في أضيق الحدود
    أما الفرانكوأربي ده فسبب ظهوره هو الموبايلات لأن الرسائل مابتتكتبش غير بالانجليزي عشان يكتب عربي شغلانه...و البنت بتاعة العربي local دي أكيد لوكال جداً :)
    آسفه على الاطاله و شكراً على الموضوع الجميل

    ردحذف
  10. اول مرة أجي المدونة و إن شاء الله يبقى التواصل يا نهى

    على فكرة احنا الاجيال الجديدة طالعه مش بس جاهله عربي لا وكمان انجليزي تعالى كده اسالي خريج مدارس اجنبي عن عضو من أعضاء الجسم بالانجليزي او العربي يقولك اه اخدناه بس مش فاكره وقيسي على كده بقى كتير

    احنا ضيعنا هويتنا وضيعنا حاجات كتير ويارب يسلم

    ردحذف
  11. على فكرة يا نهى اللى بيتعمد يتكلم باللغة الانجليزبة ويحشرها فى كلامة دة انسان غبى وهايف
    ما اجمل ان نتمسك بلغاتنا الجميلة
    مشكورة يا نهى وكلامك على حق وسلامى لكى ومساءك عسل وسكر

    ردحذف
  12. :)
    صحيح ..
    بالرغم من ان اللغة العربية هي لغة القرآن ..
    و تهميشها يجعل من فهم القرآن و دراسته صعباً ..و عسيراً ..
    الا ان الناس يعتقدون أن الرقي في الحديث بأكثر من لغة ..
    ان تعلم اللغات الغير عربية مهم جدا .. لأن اللغات الأجنبية هي لغات العلم الآن .. أي أن البحوث و المنشورات تصدر عادة بالأجنبية .. و ليس بالعربية .
    فقط ..
    يجب أن ندرك مدى خطر تهميش اللغة التي نزل بها القرآن العظيم ..
    لأن هذا سيقلل الدارسين و المجتهدين في فهمه .
    أصلاً انظري الى معظم الذين يكتبون .. في مدوناتهم أو مقالاتهم ..إنهم لا يعرفون كيف يقومون بصياغة جملة سليمة دون خطأ نحوي أو لغوي أو إملائي .
    كنت أقول دائماً أن من لا يجيد العربية يجب عليه أن يتعلمها أولاً قبل أن يكتب بها ..!!
    :)
    تحية لكِ ..

    ردحذف
  13. أحييكي على هذا الموضوع الراقي وعلى هذا الفكر المتميز
    بالتأكيد صارت اللغة العربية محض ذكريات وأساطير وللأسف الشديد بات الاحتلال الفكري والثقافي الاجنبي دفينا بيننا حتى رأينا ما يسمى بالفرانكو ارب وهذا إن دل فيدل على تفوق الغرب وبراعتهم في دهس قيمنا

    تحية للغرب البارعين وتحية لعدوهم الساذج !

    =========

    خالص تقديري واحترامي

    Casper

    ردحذف
  14. السلام عليكم
    والله كل يوم تكبري في عيني
    وبحترمك اكثر وبحبك اكثر واكثر
    مش عارفة اقول ايه على الموضوع
    المجتمع والاهل والناس عايزين ان اللغة العربية لغة الضاد
    الميزة الي في اللغة الوحيده
    الذي ليست في اي لغة ثانية
    نهملها
    انا الي بيفرسني دول الي بيكتبوا العربية بالحروف اللاجنبيه ليه هو العربي اصبح عيب يخزيك مش شيك
    ربنا يعين على الجيل القادم يمكن يمحوا العربية نهائيا
    تقبلي مروري
    سلامي لاجمل نهى

    ردحذف
  15. لا فُض فوك يا نهي
    أحسنتِ بشدة

    ردحذف
  16. أحييكِ جدا على هذا المقال وخصوصا انى ناوية اتكلم عنه قريبا:)

    ردحذف
  17. ليس العيب فى أن نتعلم لغة أو لغتان أو ثلاث

    ولكن العيب فى أن لا نحترم لغتنا

    من لايحترم لغته لن يحترمه العالم

    انا اتفق معك نهى

    مقال فى منتهى الروعه
    http://httpjaedacom.blogspot.com/2010/12/blog-post_11.html#respond


    يهمنى رائيك غاليتى

    ردحذف
  18. شهرزاد
    بجد عجبنى رأيك جدا
    وانتى ماطولتيش ولا حاجة
    وفعلا حاجة مستفزة ان يكون شخص عربى بيكلم شخص عربى ويحشر كلمتين انجليزى فى الكلام بجد شىء مستفز جدا
    احييكى على رأيك

    ردحذف
  19. سواح فى ملك الله
    فعلا فى ناس دلوقتى بتتبرأ من اللغة العربية
    للاسف فقدنا هويتنا علشان بنحاول نتشبه بالغرب
    للاسف كل اللى بنعمله اننا بنقلدهم تقليد اعمى
    ومش بنحاول نتقدم

    ردحذف
  20. karmen
    تمام طبعا كلامك سليم
    ومش لازم ننسى لغتنا لانهم هيضحكوا علينا

    ردحذف
  21. mona abo-elso3od
    هى حاجة تكسف فعلا لاننا بنقدر لغة ناس تانية وبننسى لغتنا اللى هى من أعظم لغات العالم

    ردحذف
  22. يوميات شحات
    فعلا ايجيبشن انجليش
    وسط الكلام مش بيكون له لازمة
    يمكن بس بتكون مجرد منظرة

    ردحذف
  23. سندباد
    احنا فعلا بنقلدهم فى لغتهم وطريقة تصرفاتهم بس مش بنفكر نقلدهم فى تقدمهم

    ردحذف
  24. eng-semsem
    انا عمرى ماكنت ضد اننا نعرف لغات خالص
    انا ضد حشر كلمات الانجليزى فى وسط العربى
    والكتابة بالفرانكو
    انما العلم محدش يقدر يعترض عليه ابدا:)

    ردحذف
  25. ماجد القاضى
    حضرتك بتتكلم صح
    المشكلة مشكلة تقليد لو بطلنا نقلد الغرب فى كل حاجة هنقدر نتقدم ونكون احسن

    ردحذف
  26. شيرين سامى
    عارفة لو هنتعلم علشان حب التعليم
    يبقى جميل اوى
    ياريت كلنا نعرف لغات مش لغة واحدة
    بس ايه الفكرة انى احشر الانجليزى فى كلامى
    نورتى

    ردحذف
  27. كلمات من نور
    نورتى المدونة بجد اهلا بيكى
    والله صحيح انجليزى المدارس ده مابينفعش حد
    معاكى حق فى كلامك
    نورتى

    ردحذف
  28. هبة فاروق
    عارفة اكتر الناس اللى بتحشر الانجليزى فى كلامها
    نوعين
    نوع ممكن يعنى يكون غصب عنه لانه عاش مثلا بره مصر ودول مش كتير اوى يعنى
    ونوع تانى بيبقى بيتمنظر على خلق الله رغم انه عايش بيتكلم عربى وبيسمع عربى طول عمره
    بس فاهم انه كده هيبقى فى نظر الناس احسن

    ردحذف
  29. شيماء على
    تعرفى فعلا ناس كتير للاسف بيغلطوا فى كتابة اللغة العربية
    كان فى ناس اعرفهم بيبقى عندهم صعوبة فى القراء كمان مش الكتابة بس
    وكانوا جامعيين على فكرة بس للاسف قلة ممارسة الكتابة والقراءة خليتهم ضعاف فيها جدا

    ردحذف
  30. casper
    احيك على رأيك
    وفعلا اللى بيحصل دلوقتى فعلا اسمه احتلال فكرى
    معاك حق

    ردحذف
  31. خواطرى مع الحياة
    ربنا يكرمك على كلامك بجد
    وفعلا الجيل القادم ممكن يمحى اللغة العربية فعلا وتكون على وشك الانقراض

    ردحذف
  32. أحمد شريف
    شكرا ليك
    ربنا يكرمك

    ردحذف
  33. موناليزا
    اشكرك جدا
    وفى انتظار مقالتك

    ردحذف
  34. جايدا العزيزى
    بجد شكرا ليكى ياجايدا
    هدخل اللينك حالا
    نورتى

    ردحذف
  35. تعليم اللغات الاجنبيه دلوقتي بقت موضه

    لكن اللي يغيظ انك تلاقي ناس بتتمنظر باللغه في غير اماكنها

    يعني مثلا في المؤتمرات العلميه مفيش مشكله اننا نتكلم باللغه الاجنبيه عشان وجود الاجانب

    لكن مثلا في الاسواق وعند بتاع الفول والطعميه تلاقي ناس بتتكلم انجليزي وياريته انجليزي عدل

    بصراحه حاجه ترفع الضغط

    ردحذف
  36. انا اول مرة اقع في مدونتك اختي نهى وهذا من دواعي سروري وكمان موضوعك عن اللغةالعربية جذبني وحبيت ادخل واعلق عليه ،، يؤلمني كثيرا اننا أصبحنا ننظر للغة العربية على انها لغة التخلف والرجعية وأننا نزداد رقياً كلما استخدمنا اللغات الاخرى وخاصة كاللغة الانجليزيةاو الفرنسية ،، وايضا هناك من لا يتقن الانجليزية جيدا فاخترع لنا الكتابة بالطريقة الجديدة كلام عربي مكتوب بحروف انجليزية،، من باب التغيير وانه يضحك علينا ويفهمنا انه يتكلم انجليزي ،، وخاصة جيل المراهقين ..
    على فكرة انا كتبت موضوعين في مدونتي عن اللغة العربية ،،وهذه روابطهم ،، شرفيني بالزيارة والقراءة ،،،

    http://emtiazalnahhal.blogspot.com/2010/12/blog-post_19.html

    والتدوينة الثانية على هذا الرابط /

    http://emtiazalnahhal.blogspot.com/2010/10/blog-post_18.html

    ردحذف
  37. والله كلام من\قي جدا ومقنع .. فعندما نحترم لغتنا يحترمنا الغير .. موضوعك جدا قيم وهو في مجمله هادف ومبسط جدا وأكثر من رائع سلمت يمناك غاليتي وبارك الله فيك

    ردحذف
  38. ابدعتي اختي

    تسلم الايادي

    ردحذف
  39. موضوع مهم أختي الكريمة
    ليت كل العرب يقبلون على اللغت الأخرة لإثقانها ..زكثيرون أختي لا يأخذون مها إلا كلمات للتباهي ..و الحرف لكتبة اللغة العربية,,,
    االغة العربية لغة عظيمة عظمة القرآن الكريم و مشكلتها أنها لغة قوم متخلفين على جميع الأصعدة ,,,
    تحياتي و أنا سعيد بزيارة مدونتك القيمة هذه

    ردحذف
  40. هذا حقيقى جدا و يحدث للأسف فى شريحة كبيرة من المجتمع
    و حقيقى ان من يعتز بنفسه و بلغته يقدره الآخرون و العكس صحيح
    تحياتى و يسعدنى ان تعرفت على مدونتك بسبب هذه الحملة التدوينية

    ردحذف
  41. كريمة سندى
    نورتينى
    وانا سعيدة جدابمبادرتك للحفاظ على اللغة العربية

    ردحذف
  42. غنج
    تسلمى
    نورتى المدونة

    ردحذف
  43. محمد أبو عز الدين
    مرحبا بك فى المدونة
    اسعدتنى زيارتك
    نورت

    ردحذف
  44. شهرزاد المصرية
    سعدت بيكى وبزيارتك
    نورتى المدونة:)

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)