الثلاثاء، ديسمبر 14، 2010

الجنس فى المدارس..مقالتى الجديدة

ازيكم
اخباركم ايه
جبتلكم رابط مقالتى الجديدة فى مجلة ميدان الحرية
عاوزة رأيكم

هناك 24 تعليقًا:

  1. السلام عليكم
    استاذةنها
    البيت ثم البيت ثم البيت
    قديما فال الشاعر وهذا ليس كلام انشاء
    الام مدرسة اذا اعددتها ****اعددت شعبا طيب الاعراق
    اذكر ان امي اول من علمني يعني ايه حرام
    النهارده يااستاذة نها لو مررتي باي شارع في منطقة
    عشوائية
    ستجدين الاطفال 24 ساعة مرميين بيلعبوا في الشارع
    يعني الشارع هو اللي بيربي
    يعني باختصار الي ليه اهل
    واللي مالوش اهل اصبحوا اطفال شوارع
    وفين الام
    اما انها نعمل طول النهار لتاتي بمال يوفر احتياجات
    البيت وترجع من الشغل هلكانة يدوبك تاكل وتجرش
    وتعبير تجرش ده يعني تدخل الجراج تنام يعني
    ولو قعدت مع ولادها ساعة ولا حاجة
    يااما ام غير عاملة قاعدة في البيت تتكلم في التليفونات مع جيرانها
    او تتفرج علي التلفزيون او الدش
    او فاتحة اللاب توب ونازلة تصفح
    مفهوم الامومة اتغير

    ردحذف
  2. موضوع غاية في الاهمية والخطورة وانتي تناوليته بمنتهي الموضوعية والسهولة جزاكي الله خيرا
    وانا عند وجهة نظرك بعدم تدريسه في المدارس لانها كارثة
    شكرا ليكي
    تقديري واحترامي

    ردحذف
  3. الله الله الله

    بالراحه علينا يا ست الحجه ، مش كده :)

    ماشى ، هاروح اشوفها بس على الله ما تعجبنيش :))

    ردحذف
  4. فعلا يانهي السبب هو الانترنت والدش وغياب الرقابة وده بيسبب مشاكل اكبر بعد كده اما بيتجوزو ومفروض يمارسو الجنس بالطرق الصحيحة اللي طبعا عمرهم ماعرفو عنها حاجة
    المشكلة دي سببها بعد عن ربنا سبحانه وتعالي اولا من الاهل امتد للابناء
    تحية خاصة لفكرك يانهي

    ردحذف
  5. سواح فى ملك الله
    طبعا معاك حق فى كلامك
    الام والاب هما الاساس ويمكن الام كمان عليها العامل الاكبر
    بس على فكرة عمل الام مالهوش دعوة
    انا امى كانت بتشتغل ومقصرتش فى تربيتى انا واخواتى
    بس يمكن الزمن دلوقتى هو اللى اتغير فعلا

    ردحذف
  6. سندباد
    بجد شكرا ليك على رأيك
    وفعلا ماينفعش تدريس حاجة زى كده فى المدارس نهائيا
    اصلا مش عارفة اللى فكروا فى الفكرة دى مقتنعين بيها ازاى

    ردحذف
  7. ويكا
    ههههههههههه
    ربنا يكرمك والله
    انا شوفت تعليقك هناك والحمد لله انها عجبتك:)

    ردحذف
  8. karmen
    المشكلة فعلا فى الاسرة والمدرسة كمان على فكرة عليها عامل كبير

    ردحذف
  9. النشأة المتدينة للتلاميذ منذ الصغر تحد من هذه المشاكل
    ايضا كثافة الطلبة المرتفعة في الفصول تزيد من المشاكل دي كلها
    ربنا يعافينا من كل ذلك

    ردحذف
  10. المشكلة برأى لا انترنت ولا كليبات ولا سينما
    المشكلة فى مدى اهتمام الابوين بالحوار والتواصل مع
    الابناء بسبب الكد والبحث عن لقمة العيش
    يعنى يقولك مفيش وقت
    فالابناء يلجأوا الى مصادر اخرى للمعلومة
    ربما من رفاق السوء
    صعب جدا انك تراقب اولادك ع الانترنت او التلفزيون
    بس انك تعمل معاهم علاقة تواصل وحوار ممكن
    اضافة الى القدوة اللى المفترض الاب والام يكونوها

    طيب ليه الوالدين ماعندهمش وقت
    عشان مشغولين بالعمل عشان لقمة العيش والمصاريف
    طيب وليه دا ...عشان هما عايشين فى مجتمع مابيوفرش لهم حياة كريمة متوازنة
    وطيب وليه كدا
    عشان عايشين فى ظل حكومة فاسدة ومفيش عدل
    بل استبداد وفساد
    طيب والحل ايه
    ما اعرفش

    تحياتى

    ردحذف
  11. أختي نهى
    أهنئك على نشر مقالك وأتمنى لك التوفيق دائما
    الموضوع المطروح هو معضلة يعيشها العالم ااجمع لكن ينفجر في مجتماعاتنا لمبادئ ديننا الحنيف وشريعته السمحاء
    واسمحي لي اختي ان أبدي رأيي فيه لا قديما يعني ايام جيلنا نحن ولا حديثا يعني جيل القرن الواحد والعشرين يختلفان عن بعضهما رغم المظاهر الخداعة التي توهم بأن هناك تميز الجيل التاني على الاول
    لسبب بسيط جدا هو ان التربية داخل الاسر لم تتطور الفرق الوحيد ان هذه الظواهر قديما كانت مستوره لا تفضح لغياب وسائل الاعلام والصحف التي تستجدي خبرا للنشر
    بخلاف هذا العصر الذي وان سقطت قطة من سطح تنشر في الجرائد
    لماذا؟؟
    لان الحوار داخل الاسر منعدم ولان قواميسنا الاسرية مليئة ب"لا حرام،اخجل،لاتتدخل،هذه مواضيع للكبار..."
    وهلم من منافذ الهروب التي يفر لها الاباء
    فوالله لو وجد الطفل أجوبة لاسئلته عند والديه لانهما هما مصدر المعرفة الاول لديه لما اثر فيه لا التلفزيون ولا الشبكة العنكوبتية ولا افلام ولا اي شيء
    لانه سيكون داركا محصنا بالحقيقة
    واعذريني اختي ولكنني اتكلم من منطلق التجربة فانا يمر علي الاف التلاميذ والحالات وكل تلميذ يجيء الى الفصل محملا بارهاصات عقلية والديه التي تكون غالبا خاطئة رغم مستواهم المهني والمادي
    ااسف فعلا ان كنت قد طلقت عنان كتابتي وفككت لجام لساني لكن اعلم جيدا سعة صدرك
    تحياتي

    ردحذف
  12. نهى
    فعلا طرحتى موضوع صعب جدا ومهم جداااا
    بالنسبه لى الموضوع دا لما بسمع عنه قلبى بيوجعنى

    ربنا يستر على بانتنا واولادنا ويحميهم من كل شر وسوء

    المقاله اكتر من رائعه

    بالتوفيق ان شاء الله

    ردحذف
  13. اولا المشكله خطيره والسبب الرئيسي ليها ضعف الثقافه الدينيه اللي تقريبل اتلغت في المدارس وللاسف في البيوت لان الاب مطحون طول النهار ورا لقمة العيش والام ممكن تكون زيه ويبقى الاسئله المقرره على الاطفال حليت الواجب خلصت مذاكره وخلاص
    ثانيا سهولة الوصول حاليا لافلام واغاني وصور بما تحتويها من عري ان لم تكون اباحيه وكل حاجه سواء من على النت غير الموبيلات و التلفزيون
    تقبلي تحياتي على المقاله

    ردحذف
  14. الموضوع خطير جدا فعلا يا نهى
    وللاسف الاطفال بقت بتشوف حاجات فى التلفزيون و النت المفروض ميعرفوهاش فى السن ده
    كمان فى المجتمعات الفقيره البيت كله بيبقى اوضه واحده يعنى الطفل ساعات بيشوف حاجات المفروض مش يشوفها و اكيد بتترسب فى عقله الباطن و بتأثر على سلوكه المستقبلى
    انا معاكى انه مينفعش الثقافه الجنسيه تتدرس للاطفال
    بس فى نفس الوقت لازم نعرفهم حاجات تخليهم ميتاثروش باللى بيشوفوه فى النت و القنوات الفضائيه
    و الاهالى المفروض مش تسيب ولادها كده من غير رقابه او متابعه

    تحياتى على الموضوع المهم جدا

    ردحذف
  15. موضوع مهم اوي يا نهي دايما بتطرحي مواضيع في منتهي الاهميه
    و فعلا البيت ليه دور مهم لأن اهل كتير مش مدركين التأثير السئ للافلام و عدم الرقابة علي النت فاكرين ان الطفل مش فاهم حاجة او مركز مع اللي بيحصل .
    بجد بفرح لما مقالة ليكي تتنشر لانك مواضيعك مهمة و مفيدة جدا
    يا رب دايما في تقدم

    ردحذف
  16. أنا قريت المقال من الصبح و بصراحه عجبني جداً أنا مع ان الوعي في المواضيع دي يبقى من البيت مش يدّرس هي المشرحه ناقصه قُتله...بس تعرفي هي قلة الأدب في المدارس من زمان لكن الاعلام هو اللي شادد حيله اليومين دول
    بشكرك يا نهى على الموضوع القيم و برافو عليكي متوفقه دائماً
    تحياتي لكي

    ردحذف
  17. موضوع خطير جدا يا نهى و يستحق وقفة من جميع المسؤلين عن هذاالوطن
    و ياريت كل الكتاب و المهتمين بهذا البلد يسيروا على النهج الصحيح مثلك
    ربنا يوفقك يا نهى لانك وضعت يدك على الطريق السليم فى خلخلة الاداب العامة
    ولابد ان تجد الحملة صداها عند وزارة التربية و التعليم و جميع الاباء و الامهات و اجهزة الاعلام و القائمين على تدريس الدين سواء الدين الاسلامى او المسيحى
    بالتوفيق فى مقالات ناجحة دائما

    ردحذف
  18. السلام عليكم ورحمة الله وبركاته

    المقال جميل يا نهى وكعادتك دخلتى فى المضمون بلا مواربه وبطريقه خفيفه مناسبه للقارئ من جميع الفئات وإن كنت أرى أنه بإستطاعتك إخراج ما هو أفضل من حيث اللغه :)

    أما لموضوع المقال ففعلا إحنا بقينا فى زمن صعب .. كل ما يحيط بالنشئ عباره عن صور إباحيه سواء كانت شفويه زى النكت وغيره أو كانت مرئيه زى النت والتليفزيون وبرامجهم إياها .. وتطور الموضوع انه يبقى كمان صور ملموسه فده بقى كارثة الكوارث. وأنا مؤيده رأيك بشده إن ده أوان الإخصائيين الإجتماعيين إنهم يحللوا المرتب اللى بياخدوه. لكن العبئ الأكبر هيكون على الأسره اللى لازم تعى جيدا ما وصل اليه الطفل وتحاول تجيب على أسئلته بطريقه لا تجرح أخلاقياته او تصطدم به بدلا من التهرب من الأجابه .. ببساطه الطفل هيوصل لآجابة ما بأى طريقه من غيرهم ... بس المشكله ان بيوصل لإجابه خطأ تثير حواسه وتنبهها فى أوقات مبكره جدا.

    الحل من البيت .. أو زى ما قال عمنا الأديب الكبير عبد الرحمن الأبنودى

    الحل من جوه

    معلهش يا قمر طولت عليكى .. بس صدقينى لو سبت نفسى هتكلم كتير جدا .. خاصة ان ليا رأى فى موضوع تدريس الجنس فى المدارس بس منعا للإطاله .. نكتفى بهذا القدر :)

    ردحذف
  19. السلام عليكم
    كويس ان فى حد لسه بيغير على بلده
    بس المشكلة دى ابعادها كتيره ومحتاجه دراسة لنواحى كتير جدا
    لمعرفة الاسباب واللى ترتب عليها وكمان النتائج
    جهدك مشكور
    تقبلى زيارتى مدونتك واتمنى زيارتك مدونتى

    ردحذف
  20. ولسه ياما هنشوف
    اهمال من كل يامه
    البيت والاب والام والمدرسه واهمال المدرسين
    انعدام التربيه
    طيب مين اللى هيوجه ومين الى هيربى
    الاب على طول بره البيت
    والام فى المطبخ ومن الابن ده للابن ده
    والمدرسه انعدام فى كل شىء والدرس الخصوصى بيعبى معلموات وبس
    الاطفال دول هيتربوا لوحدهم

    ربنا يستر علينا ويحمينا من اللى جاى

    شكرا يانهى على مواضيعك

    ردحذف
  21. مقال متميز وعرض رائع

    ========

    هنفترض جدلاً أننا لا نوافق على تدريس الثقافة الجنسية في المدارس

    إذن ببساطة شديدة إن لم تُعلمه المدرسة هذا فسيتعلمه من المواقع الاباحية على شبكة الانترنت ومن القنوات الفضائية التى لا هم لها سوى الاسفاف والابتذال
    ..

    ايضا عدم تدريس الثقافة الجنسية من شأنه خلق أجيالا من الجهلة لا تعلم أي شئ عن أي شئ وأنا آسف لأنني أقول ذلك لكن تلك هي الحقيقة المرة فحين يسأل الطفل أبيه " هوا أخويا الصغير جه منين " فيضحك أبوه بسذاجة وجهل ويقول له من عند " السوبر ماركت "
    وتلك هي المصيبة الكبرى ...

    إنت لم يجيبه أبوه ولم يتعلم هذا في مناهج صحيحة موضوعة على أسس علمية تربوية سليمة اتفق عليها الدين والعلم فمن سيجيبه ؟

    بالتأكيد فسيتعلم هذا من أصدقائه الذين بطبعهم تربوا في بيئة ترعرع فيها الجهل والوعي الخاطئ أو من كتب ملقاة على الرصيف أو من مواقع مشبوهة ...

    ايضا لِما ننظر للثقافة الجنسية لأنها شئ مُخجل أو قبيح أو من قبيل ممنوع الاقتراب أو التصوير مع العلم أن الدين قد تطرق إلى الجنس في مواضع كثيرة

    لكن طالما نحن نقول لأبنائنا هذا عيب ولا تتحدثي في تلك الامور فسنجني المزيد من الجُهال

    رفض تدريس الثقافة الجنسية في المدارس هوا بمثابة كارت تهنئة لمدرسة الانترنت - في غياب الوعي الصحيح - بالمزيد من الطلاب الجدد !!


    " مجرد وجهة نظر قد تصيب وقد تخطأ "

    =======

    تقبلي مروري
    Casper

    ردحذف
  22. نهى

    موضوع هام وجميل طرحه غاليتى

    انت انسانه تستحق كل خير

    ربنا يوفقك دايما يارب

    وعيد زواج سعيد

    تحياتى

    ردحذف
  23. السلام عليكم
    نهى يانهى اعمل ايه
    ده موضوعك الثاني الي مش راضي يظهر عندي
    ايوة تفتح المقاله لكن الكتابة تختفي ماقراءة الموضوع
    اعمل ايه
    اهي اهي اهي
    اهو ببكي
    ازاي الان اقولك رايي
    هقول لك راي من العنوان
    افتهملي من العنوان ان الان صار شي عادي او شي يومي روتيني للطلبة انهم يمارسوا هذه الاشياء في المدارس
    اولا العيب من الاهل طبعا تركين اولادهم 24 ساعة جمب الكمبيوتر او التلفزيون بدون مراقبة لهم
    هم بيتفرجوا ايه
    لو كان في ضبط من اهلهم ماكان صارت هذه الاشياء
    بعدن ده زمان صعب ان الاسرة تتحكم باولادها من العنف الي يعملوه الاولاد
    وثانيا
    الله يخلي الشارع الي يربي
    الام تخلف وترمي اولادها بالشاعر عشان يربية ويعلمه قلة الادب
    ربنا يستر علينا وعلى اولاد امة محمد اجمين
    كان نفسي اقراءة المقالة
    لكن مليش بالطيب نصيب
    تقبلي مروري
    سلامي لاجمل وارق نهى

    ردحذف
  24. السلام عليكم

    طبعا الموضوع شديد الأهمية.. ولهذا أرى أن هذه المقالة يمكن أن تكون بمثابة مقدمة لسلسلة تناقشي من خلالها كل سبب على حدة.. إيه رأيك؟

    طرحك كان مقدما بلغة سهلة ودون تعقيد، بالتوفيق دائما على هذا المنوال.

    تحياتي أختي الكريمة.

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)