السبت، نوفمبر 06، 2010

حماية عناوين المدونات....عند مين؟(البوست اللى لينكه اترفع)




ده البوست اللى كان نازل والرابط بتاعه اترفع

المفروض الواحد لما ياخد حاجة مش بتاعته يعترف بكده ويرجع الحق لاصحابه

خصوصا لو الموضوع ده يتعلق بمصداقيته قدام الناس...مش كده؟
انما لما يكون اى واحد اعتدى على حق غيره وكمان مش عاوز يعترف بكده او يعتذر حتى بجد فعلا بتكون حاجة تزعل.

الكلام ده انا بقولوا ليه بقى؟

قولتولى ليه

انا احيانا بحب اعمل بحث على جوجل بإسم المدونة واشوف ايه اللى هيطلعلى

من كام يوم لقيت جروب بإسم المدونة بتاعتى على الفيس بوك وطبعا انا لسة ماعملتش كده

يبقى الجروب ده منيييييييييييييييين؟

دخلت اشوف ايه الموضوع

لقيت مدونة لسة معمولة فى شهر اكتوبر بنفس اسم المدونة (كلام فاضى)

عاملها مجموعة اشخاص

بصيت فيها لقيتها حلوة يعنى ومحتواها جيد

بس انا مشكلتى معاهم الاسم

طبعا كتبت لهم تعليق حييتهم فيه على مدونتهم عادى لان دى الصراحة ولفت نظرهم ان فى مدونتين ملكى بالاسم ده وسيبت الروابط مع التعليق

وبعدين بعدها بكام ساعة قلت اشوف ايه الاخبار



بصيت لقيتهم مسحوا التعليق ولا كأن حاجة حصلت



انا زعلت طبعا مش بس علشان مسحوا التعليق..انا زعلت علشان كان المفروض يقدروا الاسلوب اللى انا خاطبطهم بيه كان المفروض يردوا بنفس الطريقة

غير كده كمان انا ماطلبتش منهم انهم يغيروا الاسم تانى فى التعليق انا بس كنت حابة انهم يعرفوا ان الاسم ده موجود من قبل مايعملوا مدونتهم وحكاية تغيير الاسم دى راجعة لذوقهم



انا طبعا رديت عليهم تانى وقلت لهم ان كده عيب وانا عارفة انهم عارفين ان اسم كلام فاضى موجود على البلوجر وهما بيسجلوا

عموما الاسم موجود كده كده ومثبت فى المدونة القديمة انها شغالة من مايو 2009 وفى المدونة هنا من مايو 2010


المهم البوست ده كان نزل هنا وانا رفعته تانى علشان اشوف ردهم على التعليق الجديد علشان برضه مابقاش بظلم حد


المهم بعد كده دخلت تانى لقيتهم ردوا على التعليق الجديد وقالولى انهم مسحوا التعليق علشان كان فى روابط مدونات تانية

وان الساحة تسعنا احنا الاتنين وان رابط مدونتى غير رابط مدونتهم


عموما انا ماطلبتش من حد يغير اسامى (رغم ان ده حقى)

انا مش هطلب من حد كده لانها راجعة لتقديرهم

مدونتهم فعلا حلوة بس كان المفروض طالما عرفوا ان فى مدونة بإسم تانى كانوا غيروا الاسم
وغير كده كان لازم يردوا ويوضحوا هما ليه حذفوا التعليق

انا ماعنديش مشكلة معاهم بس نزلت البوست هنا فيه الحكاية كاملة لان فى ناس دخلت تقراه ومالقتهوش


انا كل اللى عاوزة اعرفوا دلوقتى ان لما واحد يتعب ويختار اسم لمدونته مين اللى يحمى حقه لو صحى من النوم لقى واحدة تانية بنفس الاسم..حد بقى يجاوب على السؤال ده!!!!!!!!


هناك 20 تعليقًا:

  1. بصى يا نهى هى حاجه تزعل طبعا

    بس المشكله انك مختاره اسم مش خاص بيكى كلمه متداوله

    فابالتالى ممكن اوى اى حد يختاره والله ايام ماكنت هاعمل مدونتى اسم كلام فاضى كان من ضمن المطروح

    والمشكله الاكبر ان بلوجر مافهوش حمايه للاسمى للاسف

    متزعليش نفسك بتحصل والله واكيد الناس اللى بتيجى لنهى صالح عارفها فى اى مكان

    ربنا الحامى

    ردحذف
  2. السلام عليكم
    ازيك يانهى يارب تكوني بالف خير
    بصي هم ناس معندهمش ذوق الهم انك عارفة ان مدونتك
    معروفة من قبل هذا اهم ي
    هي صحيح حاجة تزعل وتزعل جدددددددددددددددا
    المهم انك معروفة عند الناس كلها وزي ماقلتي ان مدونتك من سنه 2009
    ربنا يوفقك وربنا اكيد هياخذ لك حقك
    تقبلي مروري
    سلامي لاجمل وارق واحلى نهى بالدنيا كلها.

    ردحذف
  3. واللهي يانهي حاجه تحير لازم يكون في طريقه للحمايه

    ردحذف
  4. مفيش مسئولية
    لا كان لازم يبقي فيه ذوق واستئذان عموما متزعليش
    بس ممكن اسألك عملتي عدم النسخ ازاى عشان من زمان عاوز احمي مواضيعي
    ممكن تتسرق برضه

    تحياتي

    ردحذف
  5. بصراحة انهم مش عندهم زوق بس انتي اكيد عارفة ان مدونتك قبلهم واللي هيعوزك هيوصلك ومدونتك فعلا رائعة جدا وتسمحيلي اضفها عندي في مدونتي في قائمة مدونات رائعة ولك جزيل الشكر
    وبالنسبة للاخ هيثم ان منع النسخ دا بكود ودا رابط للكود
    http://www.2shared.com/document/zCiCZ3M8/__online.html

    ردحذف
  6. للاسف يا نهى دلوقتى احنا فى زمن كل واحد بيجور على حق التانى ويعتبره ملك له ...الواحد بيتعلم ..تحياتى

    ردحذف
  7. richardcatheart
    معاكى حق والله فى كلامك وفعلا ربنا هو الحامى

    ردحذف
  8. خواطرى مع الحياة
    انا اللى زعلنى اوى الاسلوب
    ربنا يكرمك ياقمر على ذوقك

    ردحذف
  9. سواح فى ملك الله
    فعلا لازم يكون فى طريقة للحماية
    بالطريقة دى كل حقوقنا ممكن تضيع بسبب ان مفيش حاجة تحمى مجرد اسم لمدونة فما بالك بمحتويات المدونة

    ردحذف
  10. Haythm Alsayes
    المفروض كانوا يراعوا ده بس للاسف ماحصلش
    بانسبة لكود منع النسخ الكود فى الرابط ده
    http://www.2shared.com/document/9d22SI9Q/___online.html

    وفى كود كمان هتلاقيه فى التعليق الخاص بالاستاذ اسماعيل عليوة

    ردحذف
  11. اسماعيل عليوة
    اهلا بحضرتك وسعيدة برأيك فى المدونة ويشرفنى انك تضيفها فى قائمة مدوناتك
    وشكرا على اضافة كود آخر لمنع النسخ

    ردحذف
  12. خطايا عشق
    اهلا بيكى فى المدونة
    ومعاكى حق فعلا فى كلامك لكن لازم يكون فى قانون يحمى حقوق الناس

    ردحذف
  13. من فضلك لا تزعلى ابدا ائلى اتاخد بالعفية ممكن يتاخد
    بالمخ المخ اقوا حاجة فى الوجود فكرى
    تستردى حاجتك
    انا اسف انى اقتحت مملكتك
    حسن الشيخ

    ردحذف
  14. اوعي تزعلى نفسك احنا بنيجي هنا عشان نقرا اللي انت بتكتبيه ولو رحنا اي مكان تاني مش هنلاقي كلامك حتى لو كويس او جميل احنا هندور عليكي انت يا جميل
    تقبلي تحياتي

    ردحذف
  15. حسن
    بشكر حضرتك على نصيحتك وشكرا لذوقك

    ردحذف
  16. eng-semsem
    شكرا لذوقك واتمنى ان مدونتى تنال اعجابكم دايما

    ردحذف
  17. نهى

    ولا يهمك .. لإنها بتحصل كتير .. إحنا هنا للأسف معندناش ثقافة إحترام فكر الغير .. يعنى موضوع بيتلطش عادى .. فكرة بتتاخد وايه يعنى .. إسم مدونة ومالوا

    يعنى بقى شىء عادى جداً .. المهم إن تكون عارفة ومتأكدة غن اللى عايز يقرأ لك إنتى مش حد تانى عارف الطريق وهيلاقيكى .. سواء بقى حد أخد الإسم أو لا ..

    وبعيدن يا حبيبتى الإسم دة خفيف كدة ومتداول شوية .. فتلاقى كان مناسب لشغلهم فى مدونتهم أو كدة ..

    لكن أنا معاكى إن تصرفهم قليل الذوق .. ومكنش فيها حاجة لو غيروا الإسم بإسلوب تانى وليه نفس المعنى بردوا ..

    المهم ولا يهمك ولا تزعلى .. هنا قليل أوى اللى تلاقيهم بيحافظوا على فكر حد :)

    تحياتى

    ردحذف
  18. زهرة
    ربنا يخليكى ليا يازهرة
    ويسلم لى ذوقك
    بعد كل الكلام الجميل ده انا مش ممكن ازعل ابدا:)

    ردحذف
  19. وجهة نظر منطقية جدا
    اولا احييكي على اسلوبك الرائع الذي اعتدنا عليه

    =======

    عندك حق فيما ذكرتي
    يطلبون من الموظف البسيط أنه يكون لديه ضمير مع العلم أنه يتعامل مع عالم لا يحتوي قاموسه على هذا المصطلح !

    =======

    موضوع متميز جدا
    واسلوب سرد ممتع جدا يجذب القارئ

    دائما متميزة
    وفي انتظار المزيد من الابداعات
    تقبلي مروري

    Casper

    ردحذف
  20. موضوع جميل اوي

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)