الثلاثاء، نوفمبر 30، 2010

هنتخب ميييييييييييييين؟؟؟(1)



-هو النهاردة ايه فى ايام ربنا؟
قالها صديقى وزميلى فى العمل الاستاذ حسن وهو يجلس على مكتبه
-النهاردة الخميس ياسيدى ....خير بتسأل ليه؟
-علشان الانتخابات ياأستاذ أمين انت مش عايش معانا فى الدنيا ولا ايه؟
-لا عايش معاكم وعندى بطاقة انتخاب كمان بس يعنى ماليش انا فى حكاية الانتخابات دى
وفجأة تدخل فى الحوار احد المواطنين الذين يأتون لقضاء مصالحهم لدينا
-ازاى كده دى سلبية هى دى مش بلدك وصوتك امانة لازم تدلى بيه فى الانتخابات فين ضميرك الوطنى؟
-؟؟؟؟؟؟؟؟؟؟؟؟؟؟
نظرت اليه متعجبا من تدخله المفاجىء فى الحوار ومنعت نفسى من أن اقول له
-وانت ايه اللى حشرك يارخم
ولكننى قررت عدم الرد إلا ان زميلى الاستاذ حسن تحمس جدا للحوار معه وقال
-فعلا انا عن نفسى مهتم جدا بموضوع الانتخابات ده ولازم اعرف برامج المرشحين وافضل ادور لغاية مااستقر انا هنتخب مين
رد المواطن اياه قائلا
-تمام كده هو ده الكلام الايجابى مش واحد يقول انا ماليش فى حكاية الانتخابات دى.........ده كلام ياراجل برضه
كنت اود ان اقفز من مكانى وأضرب هذا الشخص ولكنى تمالكت اعصابى حتى انصرف وانتهى اليوم وعدت الى منزلى
وبعد تناول الغذاء جلست انا واولادى وزوجتى نشاهد التلفزيون وكان ممتلئا منذ عدة ايام بإعلانات حس المواطنين على الذهاب للانتخاب
وفجأة فاجئنى ابنى الصغيروائل بسؤال
-بابا بابا هو ينفع انتخب ؟
-انت يامفعوص انت عاوز تنتخب مين ان شاء الله...عموما هو ماينفعش..
كنت اود ان اقول له
تنتخب ايه ياواد انت ده ابوك مابينتخبش.... هتنتخب انت ياعيل
وردت علينا ابنتى الكبيرة اميرة
-اسمحلى يابابا هو ليه مش بيخلوا اللى فى سننا ينتخبوا يعنى انا عندى 12 سنة ومن حقى اقول رأيى لان احنا فى عصر الديموقراطية وصوتى امانة وده واجبى واعتقد كمان انه حق من حقوقى الدستورية
-؟؟؟؟؟؟؟؟؟؟؟؟؟؟؟؟؟؟؟
نظرت اليها وانا متعجب....... من اين تأتى بهذه الافكار
وقبل ان اسألها دخلت زوجتى وحرمى المصون بكوبا من الشاى
-ايه ده انا مش قلت لك اعملى لى قهوة؟
ردت عليا بإقتضاب
-نسيت وعملت شاى .....وبعدين الاتنين زى بعض
سكت مرغما وأخذت الشاى لاتناوله حتى سألنى ابنى
-بابا هو يعنى ايه ديمو ديمو ديمو......هى اسمها ايه؟
-اسمها ديموقراطية..
الديموقراطية دى معناها انى اطلب اللى انا عاوزه ومامتك تجيبلى اللى هى عاوزاه
قلت ذلك وانا انظر لزوجتى ولكنها لم تعيرنى اى اهتمام
دخلت لانام قليلا ولكننى لم استطيع حيث ان الفكرة سيطرت تماما على تفكيرى
لماذا لا اذهب للادلاء بصوتى انه فعلا حقى كما تقول ابنتى حتى ابنى يشغل تفكيره بهذا الموضوع فى هذه السن الصغيرة وزميلى الاستاذ حسن ليس افضل منى
حتى هذا المواطن السخيف الذى اثار اشمئزازى ...لماذا لاأذهب للانتخاب؟
ولكن انا لاأعرف أحدا من المرشحين وليس لدى فكرة عن برامجهم الانتخابية
ولكن هناك حل :)
----------------------
تفتكروا أمين هيعمل ايييييييه
هقولكوا المرة الجاية

هناك 40 تعليقًا:

  1. هيختار مرشح الاخوان المسلمين

    ردحذف
  2. الحل انه يرشح نفسه هههه بس حلوه الديمقراطيه دي:)
    أنا عملتلك واجب تدويني هناhttp://hadutamasreya.blogspot.com/2010/11/blog-post_30.html
    تحياتي يا قمر

    ردحذف
  3. eng_semsem
    لسة لما تقرا الباقى هتعرف ان شاء الله
    نورت

    ردحذف
  4. شيرين سامى
    ياريت كان ينفع يرشح نفسه
    هشوف التاج وهعمله ان شاء الله النهاردة قبل ماينزل البوست الجديد
    نورتى ياقمر وشكرا على الواجب

    ردحذف
  5. احمد شريف
    نورت المدونة
    شكرا ليك

    ردحذف
  6. ههههه
    حلوة تفسير الديموقراطية دي
    صحيح بستغرب ليه في سن معين للانتخابات ...؟!
    بيتهيء لي لازم النظام ده يتغير
    طريقة حلوة اووي في الكتابة يا نهي
    وسخريتك من الواقع وكل كلامك بيحصل
    بس انت بتنقليه بطريقة سلسة ولطيفة متخليش اللي بيقرا يحس بالوقت

    ردحذف
  7. هتفرق لو انتخبنا ؟
    مفرقتش حاجة

    ردحذف
  8. أقترح أن ينتخب نفسه ، فالروح أولى من الوالدين زي مابيقولوا في الأمثال الغير ديمقراطية !
    وقد أجدت في نقل صوره لحوار قد يحدث في بيت أي مواطن يمنى بالديمقراطية ولكن على الطريقة المحلية .
    تحياتي لك .

    ردحذف
  9. موضوع متميز وطريقة عرض رائعة
    احييكي على تمكنك من استخدام أدوات الحوار بحرفية شديدة

    =========
    تعليقا على مغزى الموضوع فانا أتفق مع الاستاذ أمين مئة بالمئة : انه مفيش داعي للادلاء بصوتنا لان الديمقراطية ببساطة انه يطلب اللى هوا عاوزه ومراته تجيب له اللى هيا عاوزاه ^_^

    =========

    بالتوفيق دائما
    وفي انتظار باقي الموضوع

    تقبلي مروري
    Casper

    ردحذف
  10. احلي حاجة انها نسيت وعملت الشاي بدل القهوة
    الاتنين واحد
    زي كده ذهابك للانتخاب من عدمه واحدة
    بكرة جميلة واسلوب جميل
    وشر البلية ما يضحك
    تحياتي الخالصة
    تقبلي مروري

    ردحذف
  11. غالبا امين هيروح وهيضعف قدام ال100 جنيه اللي هي
    هتبقي تمتن صوته وهينتخب دافع المائه جنيه
    تحياتي تانها

    ردحذف
  12. وحتى لو عنده برنامج تفتكري حيمشي عليه؟ اذا كان الاخوان اللي عاملين نفسهم ماشيين على الكتاب والسنة كان منهم برضه نواب سرقة العلاج على حساب الدولة...كلهم حرامية اذا كانو وطني او غيره....

    ردحذف
  13. السلام عليكم أختي نهى..

    أحب أولا أن أسجل إعجابي بالمدونة التي رأيتها سابقا، وكنت أود العودة إليها لكن الرابط (راح مني).. وها قد وصلت الحمد لله..

    عامة كل تأخيرة وفيها خيرة!! :)
    --------------

    بالنسبة لصاحبنا.. كنت لسة هتريق عليه لما قارنت بين موقفه المستأسد على المراجع الغلبان، وموقفه المس..... (مش عارف أجيب الاشتقاق المقابل لمستأسد من كلمة قطة..) ممكن يبقى المستقطط!!!

    المهم الراجل ريحني لما وضح بصراحة تعريفه للديمقراطية :)

    عامة أنا أؤيد جدا توصيل المفاهيم (مثل الإيجابية السياسية) من خلال قصة أو موقف طريف، فهذا أمتع في وصول المعلومة الجافة وتجذب القارئ للقراءة (غصبن عنه) :)

    أسلوبك ممتع وجذاب.. وإذا حد قالك غير كده اديله فوق دماغه من باب تأكيد مفاهيم الديمقراطية وحرية الرأي التي كفلها الدستور :)

    تحياتي وموفقة إن شاء الله..

    ردحذف
  14. على فكرة كلامك مش فاضي ولا حاجة...

    ردحذف
  15. نهى

    فكرة البوست حلوة
    والاسلوب جميل
    بس انا ما اعرفش الاجابة
    حاستنى البوست القادم

    تحياتى

    ردحذف
  16. السلام عليكم
    ازيك يانهى
    يارب تكوني بالف خير.
    انا اعتقد هيعيد بتفكيروا ويبطل انه ينتخب
    مش عارفة يمكن
    تقبلي مروري
    سلامي لاجمل نهى.

    ردحذف
  17. انا من رايى انة حيقف فى طابور العيش وينسى
    الانتخابات خالص الرغيف اهم من الانتخابات
    مشكورة ومتبعاكى ونفسى اعرف حيعمل اية

    ردحذف
  18. انا تقريبا كده عرفت

    بس لما اقرا الباقى

    حلوه دايما لتشويقك

    اشكرك

    تحياتى

    ردحذف
  19. هيعمل ايه يا نهى ؟

    اوعي يكون هيعمل قرعه بينهم

    على العموم انا في انتظار البوست القادم عشان اعرف

    ارجو تقبل تعليقي وقبولي كضيفه خفيفه على مدونتك الجميله

    ردحذف
  20. ما شاء الله ابداع دائم ربنا يوفقك دايما كتابتك مميزة دائما متابع بشدة
    ومستني اعرف امين هايعمل ايه امممم

    ردحذف
  21. أنا وحماتى
    نورتى المدونة
    بجد الف شكر ليكى على رأيك اللى اسعدنى جدا

    ردحذف
  22. sharm
    اهلا بيك فى المدونة
    وشكرا لزيارتك
    نورت المدونة

    ردحذف
  23. تركى الغامدى
    الروح اولى من الولدين
    اول مرة اسمع المثل ده
    فعلا غير ديموقراطى خالص وانانى جدا هذا المثل
    بس مشكلة امين انه ماعندهوش اى خلفيات سياسية ورايح ينتخب لانه شعر بالغيرة من اللى حواليه
    متشكرة جدا على رايك فى البوست
    واتمنى ان المدونة تعجبك دايما
    نورت

    ردحذف
  24. casper
    اشكرك ياكاسبر على كلامك
    وسعيدة بيه جدا
    ربنا يكرمك بجد
    نورت المدونة

    ردحذف
  25. سندباد
    طبعا شر البلية مايضحك
    ماهو احنا لازم نضحك اكيد
    وفعلا الشاى والقهوة زى بعض
    شكرا ليك على كلامك بجد
    نورت

    ردحذف
  26. سواح فى ملك الله
    هو الحل موجود فعلا فى تعليق من التعليقات المنشورة
    هتعرف فى الجزء التانى ان شاء الله
    نورت المدونة

    ردحذف
  27. tarkieb
    ممكن يكون فى حد عنده برنامج كويس
    وممكن كمان يبقى ناوى ينفذه
    بس ياإما بيكسل زى ناس كتير بتفرح بالهالة اللى حواليها
    او مش بيلاقى مقومات تساعده ينفذ اللى بيقوله
    نورت المدونة

    ردحذف
  28. ماجد القاضى
    رأى حضرتك شهادة اعتز بيها على طول
    سعيدة جدا بزيارتك لمدونتى
    بشكرك جدا على رأيك
    نورت المدونة

    ردحذف
  29. ماجد القاضى
    الف شكر لحضرتك
    وبكرر تانى ان رأيك شهادة اعتز بها

    ردحذف
  30. sal
    الاجابة ان شاء الله فى البوست الجديد يارب يعجبك
    نورت المدونة

    ردحذف
  31. خواطرى مع الحياة
    ازيك يارشا اخبارك ايه ياقمر
    استنى البوست الجديد يمكن اجابتك تطلع صح:)

    ردحذف
  32. هبة فاروق
    الرغيف اهم من كل حاجة
    شوفى اللى هيحصل فى البوست الجديد ياقمر
    نورتى

    ردحذف
  33. مؤكد ان التجربة التى سيخوضها امين في لجنة الانتخابات ستجعله يلعن من معاميع قلبه الفكرة في حد ذاتها..وربما عاد الي البيت واشاع جو من الديكتاتورية وحظر تجول بين الغرف والصالة واعلان الحمام والمطبخ منطقة كوارث منكوبة ووضع زوجته رهن الإقامة الجبرية عند حماته حتى يفهم أولاده معني الديمقراطية المفقودة حينما يضيقون ذرعا بهذه الأوضاع..!

    ردحذف
  34. جايدا العزيزى
    امممممممم
    كده انا اللى اتشوقت اعرف ايه الحل اللى وصلتى ليه
    نورتى ياجايدا وربنا يكرمك

    ردحذف
  35. DR/walaa salah
    اهلا بيكى يادكتورة
    نورتى المدونة بزيارتك وشرفتينى
    البوست نازل قريب ان شاء الله
    وماتقوليش انك ضيفة ده انتى صاحبة مدونة:)

    ردحذف
  36. غير معرف 1
    اهلا بيك
    شكرا على ذوقك ورأيك
    واكيد متابعتك هتسعدنى جدا
    نورت المدونة

    ردحذف
  37. بيتنا القديم
    احتمال كل ده يحصل بس البوست هيتوقف عند حدث معين لان لو خوضت فى كل الحاجات دى هتقلب دراما :)
    نورت المدونة

    ردحذف
  38. ليه نروح ونتعب نفسنا وهم عارفين احنا هننتخب مين ؟
    هم هيقومو بالواجب وينجحوا اي حد غيره ^_^
    بوست عسول زيك

    ردحذف
  39. بوست جميل جدا انتى اكلمتى بأسلوب مميز جدا واستخدمتى اسلوبك فى السخريه بشكل لافت

    وعلى العموم احنا هنجيب القناه الاولى الديمقراتيه ؟

    وهنتابع فيلم الكرتون الى هيجرا

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)