الثلاثاء، يوليو 31، 2012

سبعة أيام فى الأسكندرية

لم أكن قد ذهبت إلى الأسكندرية من قبل لذلك عندما أتتنى فرصة لقضاء سبعة أيام هناك لم أتردد أبدا
طيلة طريقى إلى هناك وأنا أنتظر تلك اللحظة التى ستعبر فيها السيارة بوابة الدخول وأقرأ عبارة مرحبا بكم فى الأسكندرية.
البحر فى الأسكندرية ساحر ومع وجود الليل يصبح أكثر سحرا، وصوت الأمواج المتلاطمة تأخذنى لعالم آخر وتجعلنى أنفصل عمن حولى ليدور بينى وبين البحر حديث سرى خاص،  كان لقائى الأول مع بحر الأسكندرية لقاء تعارف ولكن سرعان ما إعتاد بعضنا الآخر وأفضيت له بكل أسرارى وطالت جلستى معه حتى الصباح.
لم أتعامل مع الأسكندرية كمجرد (مصيف) فأنا أحببت روح الأسكندرية القديمة التى قرأت عنها الكثير وقررت أن أستحضرها بزياراتى للأماكن التاريخية هناك 
كان لابد أن أزور معالم الأسكندرية الشهيرة التى طالما سمعت وقرأت عنها فقررت زيارة قلعة قايتباى ومكتبة الأسكندرية والمسرح الرومانى 
ولكن الصدفة قادتنى لمكان مختلف لم يدر بخلدى أن أزوره يوما ما، إنه قصر المنتزه
لم اكن أحبذ فكرة دخول القصر من الأساس لكنى وافقت على مضض
لاأدرى ما الذى جعلنى أغرم بهذا المكان وتعجب الجميع بعد ذلك من تكرار زيارتى للمكان أكثر من مرة
قصر المنتزه يعرفه جميع أهل الأسكندرية ولكن الكثير منهم لم يدخلوه من قبل.
من الأماكن التى أحببتها هناك أيضا كوبرى ستانلى وعلى الرغم من إصابتى بفوبيا الأماكن المرتفعة إلا أننى أحببت كوبرى ستانلى جدا.

منذ أن ذهبت للأسكندرية وأنا أفكر فى حادث كنيسة القديسين لذلك تعجبت من الصدفة التى جعلتنى أمر من أمام الكنيسة بلا ترتيب منى أو سؤال عن عنوانها
شاهدت المسجد المجاور للكنيسة التى مازالت معلقة علي وجهتها لافتة بأسماء الضحايا و شاهدت بائع المصاحف الذى قيل انه متواجد هناك دائما..ورأيت المستشفى المجاورة لها والتى إستقبلت بعض الضحايا بعد وقوع الإنفجار
أخذت أسير فى الشارع ذهابا وإيابا عدة مرات،  الشارع ضيق وليس عموميا
مالذى يستدعى وجود تفجيرات إرهابية فيه؟
 اخذت أنظر لشرفات المنازل والمحلات
كل هؤلاء شعروا بالإنفجار فى آن واحد وشعروا بلحظات الرعب وشاهدوا الضحايا
نظرت لباب الكنيسة والرصيف وإسترجعت ماشاهدته من لقطات تلفزيونية عما حدث
هنا سقطت مريم فكرى وشقيقتها ووالدتها وهنا كانت الدماء تغطى الجدران وهنا كانت أم تبكى ولدا فقدته
كان الشارع عاديا مزدحما ولكنى لن أبالغ إن قلت أنه مازال حزينا
شعرت برغبة فى البكاء
بل بكيت بالفعل
 وظللت متأثرة بعدها بفترة.
 وكما كانت هناك مواقف مؤثرة كانت هناك أيضا مواقف طريفة ..فإننى طيلة حياتى أسمع عن الفريسكا
التى تنفرد بها الأسكندرية عمن سواها
كانت الفريسكا هى أولى مقاصدى هناك
ظللت أبحث عنها حتى وجدتها
ولكنها لم تنل إعجابى فى النهاية
كنت أتوقع أنها أفضل من ذلك.
إننى لن أستطيع أن أغفل أبدا الحديث عن أهل الأسكندرية الطيبون
أو كما يقال عليهم دائما (الجدعان)
هم فعلا كذلك أحببتهم جدا
لا توجد كلمات تكفى لكى أصف كم هم مضيافين ومرحبين
كنت أتمنى ان أحدثهم فردا فردا وأقول لهم أننى سعيدة بزيارتى الأولى لمدينتهم.
مرت الأيام السبعة فى عجالة بعد أن إرتبط قلبى بالأسكندرية ولم يكن هناك بدا من العودة لزحام القاهرة
عدت مستسلمة
منتظرة رحلة جديدة لأسكندريتى الحبيبة.

هناك 18 تعليقًا:

  1. ايه ده بقى اااااا

    انتى كنتى فى اسكندريه ومش قولتليلى؟؟

    كنا قومنا معاكى بأجدع وااااجب

    لا بجد زعلت .. كانت هتبقى فررررررصه

    عموما اسكندريه نورت يا نهى .. فعلا.. نظرتك للإسكندريه تعدت البحر بكتييييير

    نظره ياريت كل اللى ينزل اسكندريه يشوفها ويعيشها

    لكن للأسف أغلب الزائرين بيتبعوا سياسه تانيه خالص فى زياراتها لا تتعدى كورنيش البحر ومعاكسة البنات :)

    ردحذف
  2. حمدا لله علي سلامتك

    اسكندرية جميلة احب هذا البلد جدا

    ردحذف
  3. رائعة كالعادة تعبير جميل عن وقت مضي ولم ينتهي ما دام في العمر بقية ادام الله عمرك (:
    جميل ان يرتبط الانسان بمكان فأن لكل مكان سحر وسحر الاسكندرية ليس بأهلها فقط ولكن باسرار بحرها واسرار ارضها

    ردحذف
  4. مها البنا
    معلش سامحينى يامها ماكنش عندى نت ساعتها
    انا انبسطت جدا
    وتتعوض المرة الجاية ان شاء الله

    ردحذف
  5. سواح فى ملك الله
    فعلا اسكندرية بلد اى حد يزورها لازم يحبها

    ردحذف
  6. مجدى حاتم
    شكرا على كلماتك الجميلة:)

    ردحذف
  7. لي في الاسكندرية ذكريات كتييييييييير
    من الطفولة وانا احب الاسكندرية جدا
    لكن احبها اكتر في الشتاء
    والموجة من شدتها بتعدي الشارع

    ردحذف
  8. شمس النهار
    اسمع ان اسكندرية فى الشتا اجمل من الصيف
    هحاول اروح فى الشتا ان شاءالله
    نورتينى

    ردحذف
  9. وووووووووووووووووووواااااااااااااااااااوووووووووووووووو انتى نورتى اسكندريه والله العظيم تلاته يا نهى انا اديتك الجنسيه من حوالى 3 شهور فااااااااكرة ولا لاء ؟؟؟ انت اسكندرانيه الروح حقيقى وكان لازم اسكندريه تحبك اوووووووووووووووووووووى كان نفسى تقوليلى انك جايه وكنا كلنا قابلناكى بس انا متاكده ان الزيارة هتتكرر ان شاء الله :)

    كلامك عن روح اسكندريه جميل يمكن فى بلاد اجمل وانضف بس مش فى روحها ابدا اسكندريه دى حضن عبر التاريخ علشان كدا اغلبنا الاسكندارانيه اللى بجد بيحبوا كل الناس لاننا متعودين على احتضان كل الاديان والانماط والجنسيات هنا كان كل يوم عيد لدين او عيد عند جنسيه هنا الكل اسمه اسكندرانى وبعدين يجى اسم بلدة الاصل

    اسكندريه ريحه فى شوارعها القديمة وبيوت محطه الرمل والمنشيه

    يارب نتلاقى فيها على خير قريب :)

    ردحذف
  10. مارو
    انا والله كنت هفرح اوى لو قابلتكم كلكم
    ان شاء الله المرة الجاية لازم نتقابل
    وطبعا انا اخدت الجنسية السكندرية منك من زمان:)

    ردحذف
  11. حملات التدوين اليومي دي مجابتش غير البلاوي !

    ردحذف
  12. donkejota
    من غير حملة تدوين ولا حاجة البلاوى بتتحدف اهى لوحدها

    ردحذف
  13. صباح الغاردينيا نهى
    يااااه وحشتني مصر ووحشتني الاسكندرية
    انا ليا فيها ذكريات طفولة عمرها ماتتنسي "
    ؛؛
    ؛
    كل سنة وأنتي طيبة
    لروحك عبق الغاردينيا
    كانت هنا
    Reemaas

    ردحذف
  14. ريماس
    صباحك سكر
    كل سنة وانتى طيبة
    ومصر فى انتظارك تنوريها

    ردحذف
  15. تدوينة فيها دفا وصدق جميل :)

    ردحذف
  16. لبنى احمد
    ربنا يكرمك:)

    ردحذف
  17. كل سنة وانتي طيبة بمناسبة عيد الفطر المبارك

    اعاده الله عليكي وعلي اسرتك بالخير والبركة

    ردحذف
  18. سواح فى ملك الله

    كل سنة وانت طيب وعيد سعيد عليك وعلى كل أسرتك

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)