السبت، يونيو 23، 2012

نمطية


رأيتها معه ذات يوم، كانت تكاد أن تطير من فرط سعادتها تلوح يمينًا ويسارًا بيدها اليمنى ربما لتجعل خاتم خطبتها مرئيا. كانت الصدفة دائما تجعلنى أراها معه يشترى لها الهدايا وينظر لها بحب. لم أكن اعرفها أو أعرفه فقط كانت تجمعنى بهما الصدفة لم تكن جميلة كما أنه ليس وسيمًا ولكن كل منهما كان يرى الآخر أجمل ما فى الكون مرت شهور ولم أرها أو أراه؛ خطر لى أنهما تزوجا وغادرا المدينة. خشيت من التفكير فى أن يكونا قد تفرقا ومضى كل منهما فى طريقه كدت أن أنساهما حتى جاءت الصدفة و جمعتنى بهما مرة أخرى، رؤيتهما أزعجتنى كانا يسيران معا وكأنهما غريبان كانا يسيران بنمطية فقد إنتقل خاتمها من اليد اليمنى إلى اليسرى و لم تعد تلوح بيدها كما كانت تفعل فى السابق فقد كانت تحمل بين يديها صغيرهما وتداعبه بحنان أما هو فكان يسبقها بخطوات ويختلس النظر للأخريات.

هناك 23 تعليقًا:

  1. جميلة يا نهى وحقيقية
    أعجبتني

    ردحذف
  2. جميلة طبعا

    بس ليه النمطية دايما تبدأ مع انتقال الخاتم من اليمني الي اليسرى
    انا حاسس انه سؤال كوني خلاص هههههه

    جميلة الخاطرة دي :)

    ردحذف
  3. لبنى
    انتى الاجمل
    مرورك اسعدنى:)

    ردحذف
  4. عجبتنى جدا علشان ده الواقع
    بس طريقة عرضك شيقة :)

    ردحذف
  5. هيثم
    الناس هما اللى بيعملوا كده فى نفسهم

    نورت المدونة

    ردحذف
  6. أية
    ربنا يخليكى يا أية رأيك أسعدنى
    نورتينى:)

    ردحذف
  7. جميلة جدا و اسلوبك جميل،عبرتي عن حالة ربما لاحظها أو عاشها كثيرون بإيجاز و بجمل بسيطة حملت كل المعنى،في انتظار جديدك..تحياتي

    ردحذف
  8. جميلة جدا و اسلوبك جميل ،استطعتي بإيجاز ان تعبري عن واقع قد لاحظه أو عاشه البعض و بأبسط الكلمات و الجمل التي حملت كل المعنى بوضوح..في انتظار جديدك..تحياتي

    ردحذف
  9. استاذ احمد صالح

    شكرا لرأى حضرتك
    ربنا يخليك
    نورت المدونة

    ردحذف
  10. هو ليه دايما بتطلعوا الراجل ندل و خاين؟
    هههههههه
    التدوينة جميلة جدا على فكرة يا نهى و كتتيها حلو اوي

    ردحذف
  11. أكاد اجزم بأن ده حال كل الرجاله المصرين بعد الجواز

    جميلة اوى يا نهي ياريت حملت التدوين كانت جت من زمان

    عشان نشوفك تانى

    ردحذف
  12. للاسف وهج السعاده بكل شئ بينطفى مع الوقت
    ودى من احدى المواقف
    تسلم ايدك :)

    ردحذف
  13. هو واقع تعيشه كثيرا من السيدات سرد جميل ونهاية شبه متوقعة تحياتي الصادقة

    ردحذف
  14. هو ده حال الدنيا:)للأسف

    ردحذف
  15. جميله وواقعيه الى حد الالم
    رائعه يا نها

    ردحذف
  16. واقع مرير جميلة يا نهى اوى

    ردحذف
  17. انا شايف ان ده مشكله كبيره مهمله لا يتم ذكرها الا بنوع من التهكم بس متاكد ان وضع الخطوبه غير وضع الجواز خالص مسئوليات الرجل بتزيد او بتبدا في الظهور لانه قبل الجواز كان يدوب بيشيل مسئولية نفسه وفي شباب مش بيكونوا شايلنها كامله كمان قبل الجواز وكذلك البنت قبل الجواز ممكن تحضر في يوم غدا او عشا لكن بعد الجواز بتتنقل ليها مسئوليه كبيره وشايف ان لازم نتعلم ونجهز للمسئوليه مبدئيا وبعد كده نحاول نطور العلاقه من نمطيه الى متجدده
    تحياتي وموضوع مهم جدا لتكوين مجتمع قوي

    ردحذف
  18. كلام جميل بس مش حد هيفهم انا قراته بس مش فهماه

    ردحذف
  19. ههههههه هذا حال الدنيا
    والله حبيبتى كل الرجال كده الا من رحم الله منهم
    بيخيلوا دائما انه مادامت الدبلة انتقلت لليد اليسرى انهم ملكوا الامور ولهم ان يفعلوا مايشاءون ففى النهاية الزوجة لازالت بالبيت يعنى مسألة محسومة هههههه


    ما اجمل شرع الله حين يجمل قلوب النساء والرجال ويلتزموا بالواجبات والحقوق

    لكن نعمل ايه بقى رجال عينهم زايغة ههههه
    جميلة جدا حبيبتى تسلم ايدك

    ردحذف
  20. ههههههه اهم حاجة انه يختلس النظر للاخريات
    انا محبش التعميم انما فعلا مظم الرجالة كده ومعظم الستات بعد الطفل الاول بيتحول الزوج من المرتبة الاولي الي المرتبه الثانية مباشرة
    النهاردة بالصدفة وانا في الشغل سمعت حوار بين اتنين واحدة متجوزة والتانية لاء ماكنتش مركز اوي في حوارهم انما بدا بمهند طبعا لحد ما لقيت اللي مش متجوزة بتقول خلي بالك من جوزك بقي لاحسن يتجوز تاني لقيت المتجوزة بتقول في ستين داهية طالما ولادي معايا وهايديني اصرف عليهم -
    تحياتي

    ردحذف
  21. هو ليه دايما بيتهموا الرجاله ان عينهم زائغه

    ردحذف
  22. مساء الغاردينيا نهى
    مؤلم جداً أن يتهم الحب في قفص الزواج ويبدأ بنسيان حرارته ووهج إشتعاله لو كانت الانثى والرجل يحبان بعد الزواج بنفس جنون قبل الزواج لما خفت ضوء الحب أبداً وبقي مشتعلاً بذات الجنون وأكثر "
    ؛؛
    ؛
    رائعة رغم أنها مريرة
    لكن سردك وهبها جمال آخر
    لروحك عبق الغاردينيا
    كانت هنا
    reemaas

    ردحذف
  23. شكرا للجميع...كلماتكم أسعدتنى
    شكرا لكم جميعا

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)