السبت، مارس 24، 2012

إمنحوهم الفرصة أولا



ما الحكمة فى تعيين بعض الموظفين المحالون إلى التقاعد( المعاش) كمستشارين فى بعض الشركات والوزارات ؟

فى نظرى ليس هناك جدوى من شىء كهذا

فأعتقد أنهم قد قدموا كل ما لديهم طوال سنوات عملهم ولا جديد ليقدموه بعد،

فمن المفترض والطبيعى أن يكونوا قد قدموا كل خبراتهم أثناء السنوات التى قضوها بوظائفهم

ومعروف أن الإنسان بعد بلوغه سن المعاش يفسح المجال لأخرين من الكوادر الأخرى فى العمل

وأيضا للشباب الذى تضيع سنوات عمره فى إنتظار وظيفة

ولكن مايحدث نتيجة للمجاملات وتقديم الصداقة والعلاقات الشخصية على المصلحة العامة

تجعل الكوادر مجمدة فى مكانها ويبقى الشباب عاطلا

أعتقد أن الموظف الكبير الذى يتحول إلى مستشار بعد المعاش لا يحتاج الى وظيفة

خصوصا انها تكون وظيفة شرفية تستنزف المال العام ....

فى حين يطلب من الشاب البحث عن أى عمل حتى لو دون تخصصه وبأى مرتب

وهذا ظلم بين

فالإمتيازات والمكافآت التى يحصل عليها المستشار الواحد من الممكن أن توزع

على مجموعة من الشباب كمرتبات نظير تعيينهم فى وظائف يستحقونها

ولكن حجة المسؤولين أن هؤلاء الكبار خبرة لا يمكن الإستغناء عنها

ولكن

ألم يكونوا هؤلاء الكبار شبابا بلا خبرة فى يوم من الأيام

واكتسبوا الخبرة مع مرور السنوات

ولذلك فليس من العدل أبدا أن تهدر كل تلك الطاقات

بسبب هذا الفساد

لذلك فأعتقد أن من حق الشباب اكتساب خبراتهم بأنفسهم

وبمساعدة مديريهم الفعليين وخصوصا مع التقدم التكنولوجى

فالعمل اصبح فى إحتياج لدماء جديدة لتطوير نظام العمل الذى عفا عليه الزمن

ولكن إن ظل الوضع هكذا فلن يتطور شىء وسيتقدم العمر بالشباب دون فائدة

وليتذكر كل مسؤول كم جريمة إرتكبت بسبب البطالة

وأرجوكم قبل أن تظلموا الشباب وتتهموهم بالكسل والتراخى أفسحوا لهم الطريق أولا

وإنتظروا منهم العمل.




هناك 16 تعليقًا:

  1. ينقصنا في مصر ادارة جيدة

    كلامك مظبوط جدا

    ردحذف
  2. سواح فى ملك الله
    يسعدنى ويشرفنى انك تكون دايما صاحب اول تعليق
    بعد الثورة كان المفروض كل حاجة تتغير
    ده اللى كنا منتظرينه كلنا
    لكن للاسف ماحصلش

    ردحذف
  3. احنا محتاجين ناس خايفة على البلد مستعدة تضحي باي حاجة علشان مصلحة البلد العامة
    محتاجين فتح مجالات اكبر للعمالة الاهتمام بالقطاعات كلها سواء خاصة او عامة و اجبار المستثمرين على قوانين تحمي الشباب
    بصراحة البلد محتاجة تتضرب في الخلاط و يتعاد تشكيلها

    ردحذف
  4. مساء الورد

    أعتقد أنهما خياران لا يمك الإستغناء عنهما فمثلما نحن بحاجة

    للخبرات الكبيرة وهذا مهم نحن بحاجة للدماء الشابة ليسيران

    بالتوازي مع بعضهما ويقدما الأفضل فهذا يستفيد من إندفاع

    الشباب وهذا يستفيد من خبرة السنين فيس من الحكمة

    إلغاء أحدهما على حساب الآخر ...

    تحياتي وإحترامي

    ردحذف
  5. هو فكرة وجود مستشار مش سيئه ومش مفروض انها هتاخد مكان شاب
    ومفروض انها عشان تفيد الشباب انما تنفيذها بشكل مجامله ولا يستفيد منها اي احد وعدد زيادة عن اللزوم او لا فائدة منه اكيد عبء على الدوله وعلى الشباب
    تحياتي

    ردحذف
  6. مصطفى سيف
    بالظبط كده البلد لسة مليانة فوضى
    والفساد الادارى هو اللى مضيعها

    ردحذف
  7. ريبال بيهس
    اكيد محتاجين خبرات بس مش لازم كلهم يكونوا متقاعدين
    اصل الموضوع بيبقى ظاهره حكاية الخبرات دى لكن باطنه مجاملات وفساد

    ردحذف
  8. eng-semsem
    الموضوع بقى زيادة عن الحد ده اى حد فى اى شركة له علاقات بيبقى متشار وهو ماقدمش حاجة اصلا اثناء خدمته
    يبقى ايه اللى هيقدمهبعد كده والامتيازات الى بياخدوها كتير وبتصرف من مال الدولة والمقابل لا شىء

    ردحذف
  9. من اكتر اسباب الرجوع بمصر كلها للخلف.. نمط الادارة الكلاسيكية والتمسك بالاساليب القديمة وعدم مناقشة اسباب المشاكل الحقيقية..
    وكأن المفروض ان نحافظ على ما تسلمناه بدون تفكير في تغييره او تغيير القواعد...!!

    ردحذف
  10. timo
    الفكرة ان الاساليب دى فاتحة مجال كبير للفساد الادارى علشان كده محدش عاوز يغيرها
    نورت المدونة

    ردحذف
    الردود
    1. السلام عليكم
      تحياتى
      هو يعنى انا معاكى بس لو فى وظيفة مستشار بمرتب حوالى 10 ألاف جنيه لى كدا ما فيش مانع .. اشمعنى يعنى اما انا جيت اعمل كدا بتقولوا بلاش والشباب انفع واجدى .. يا ستى بلا شباب بلا بتاع .. خلونى بس مستشار وبعدين شوفى بعدى اعملوا اللى تعملوه .. هى جات على أنا يعنى
      شوفى يا بنتى ..
      حكاية المستشارين دى سبوبه ودايما معظم المستشارين من السلك القضائى او من الهيئات القضائيه عشان يقدروا يسيطروا عليهم ويوجهوهم للى هما عايزينه
      كمان لو فيه مستشار موضوعى متخصص فى الشغل ما فيش مانع بس يكون يا دوب واحد بس عشان الخبره .. لكن اللى بنشوفه ان كل مصلحه بتعين اكتر من 10 مستشارين على الاقل فى 5000 جنيه لكل واحد يتفكوا فى 50 موظف من الشباب
      بس يا بنتى .. ما تفكروش ان الدنيا حتتغير فى يوم وليله .. الاول لما الورق يتكتب حلو ومع الايام حتلاقى مصر حلوه ان شاء الله
      تحياتى .. فشكول

      حذف
  11. مينفعش ان مكاني يتاخد لحد بسبب المجاملات اما ان يقدم جديد او يفسح لي الطريق
    انتِ كمان وحشتينا جداااااااااااااا (:
    لولا

    ردحذف
  12. لو خبرة نااااااااادرة وخسارة يقعد ماشي بس بشرط
    يعلم كوادر جديدة علمه ويدربهم
    لكن علشان محسوبيه وياخد فلوس وبس
    هو ده اللي جايبنا ورا

    ردحذف
  13. عمو فشكول
    نفسى بجد اشوف مصر حلوة
    الفساد لسة عايش فى المؤسسات وبيزداد مع الوقت بمنتهى البجاحة والناس برضه هما السبب
    حضرتك نورتنى

    ردحذف
  14. لولا وزهراء
    عارفة لو فى عدل فى موضوع الوظائف ده
    مش هيبقى فى عاطل واحد
    نورتى يالولا

    ردحذف
  15. شمس النهار
    لو خبرة نادرة مش مشكلة هيبقى فايدته كبيرة
    لكن واحد ماعملش حاجة فى عشرين سنة هيعمل ايه بعد سن المعاش
    بتبقى مجاملات ونفاق ومصالح مش اكتر
    حضرتك نورتينى

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)