الأحد، أغسطس 07، 2011

المرأة مفتاح كل كارثة!


مظلومة هى المرأة...دائما مايلقى على عاتقها كل أسباب الفشل على الرغم من أنها صاحبة فضل على جميع من حولها
أصبحت المرأة هى كلمة السر الوحيدة لكل كارثة تحدث على وجه الأرض وفى اعماق البحار ،
عندما أكل آدم من التفاحة قالوا أن حواء هى السبب فهى التى إستطاعت أن تقنعه وتتسبب فى عصيانه لربه وبالرغم من قول الله تعالى "فوسوس لهما الشيطان"
إلا أن كل الأقاويل والأساطير والحكايات تتهم حواء حتى عصرنا هذا بأنها المتسببة فى نزولها وآدم إلى الأرض ،
وليت هذا فحسب فجميع مشاكل الثأر مثلا والتى تتسبب فى قتل الكثير من الرجال وفقدان العائلات لأبنائها المتهم الأول فيها إجتماعيا وليس قانونيا بالطبع يكون إمرأة على الرغم من أن الجانى يكون رجل وهو من حمل السلاح وأزهق روح المجنى عليه....والتهمة هنا تكون بأنها هى من حرضت على الآخذ بالثأر وأقنعت رجال العائلة به حتى تهدأ نارها...ولكن من الذى نفذ الجريمة؟ فهذا لا يهم
عندما تتزوج الفتاة...أى فتاة....يكون هدفها هو استقرار حياتها مع من تزوجت به وأن تجد السعادة فى بيتها الجديد
ولكن إن حدث وفشلت تلك الزيجة أو دبت المشاكل لاقدر الله يقع عبء الفشل على كتفيها هى فقط بحجة أنها لم تستطع المحافظة على هذا البيت أو ربما يقع العبء على حماتها لأنها إمرأة متسلطة ولم تترك بيت إبنها إلا حطاما أو ربما يقع العبء على أم الزوجة التى لم تلقن إبنتها دروس الحياة الزوجية التى تجعلها زوجة سعيدة ، وسواء كانت هذه أو تلك ففى النهاية ثلاثتهن إمرأة
ومثالا صغيرا أيضا...
عندما يفشل أحد الأبناء فى الدراسة تتجه أصابع اللوم نحو الأم حتى وإن كان الأب على قيد الحياة وعمله لا يعوقه فى مباشرة أبنائه إلا أن كلمة" تربيتك ياهانم" تكون أولى كلمات العتاب والقهر التى تسمعها الزوجة وذلك بإعتبار ان الأم مدرسة وكأن تلك الأقوال والأشعار قيلت خصيصا ليتخلص بعض الرجال من المسئولية
ومن الغرائب عندما نجد رجلا ثريا سقط فى حب إمرأة ثم قتلها بعد ذلك فيقال أنها السبب فى ضياعه على الرغم من أنه الجانى وهى المجنى عليها وهو من قتل وهى من دمرت حياتها على يديه
واخيرا ...عند سقوط أنظمة الدول الكبرى يتم إتهام زوجة الرئيس بأنها السبب الأوحد فى فساد النظام بالرغم من أن الحاكم رجل وهذا ما حدث مع بن على فى تونس ومبارك فى مصر وربما يكون هذا صحيحا ولكن علينا ان ننظر مثلا إلى اليمن فهناك فساد ولكن لاتوجد سيدة اولى نتهمها بالتسبب فى هذا الفساد
وبذلك وفى كل الإحوال أصبحت المراة هى الشيطان المرئى والمفتاح الوحيد لكل كارثة سواء كان ذلك بذنب أو بدون...

هناك 32 تعليقًا:

  1. ذكرتي نماذج واغفلتي اخري

    كذبا قالوا ان السيدة حواء كانت هي السبب

    فمثلا امراة فرعون حين طلبت من الله بناء بيتا لها في اجنة

    العذراء مريم ام المسيح عليه السلام

    السيدة هاجر ام اسماعيل وكيف صبرت وهي في صحراء

    جرداء عي قدر الله حتي تعلمنا منها السعي بين الصفا والمروة

    السيدة العظيمة خديجة وكيف وقفت بجوار رسول الله صلي الله عليه وسلم في رسالته

    ام موسي عليه السلام وكيف كان دورها

    هناك نماذج مشرفة في النساء لايمكن

    التغاضي عن دورهن في الحياة

    وهناك ايضا امراة العزيز بشقيه الطيب والسئ

    ردحذف
  2. سواح فى ملك الله
    طبعا معاك حق فى نماذج كتير طيبة للمرأة كلنا عارفينها
    لكن انا بتكلم فى نقطة ان المرأة فى كثير من الاحيان بتكون مظلومة جدا
    وساعتها محدش بيفتكر الكويس
    كله بيفتكر الوحش
    طبعا مش كل الناس لكن فى ناس كتير كده

    ردحذف
  3. بس بيتقال انها كارثه صنعها الرجل

    نبيل فاروق كتب ييجى عشرين حلقه عن

    المرأه مشكله صنعها الرجل

    هو اللى عملها مشكله من الاول

    ردحذف
  4. the illusionist
    هى مش كارثة ولا حاجة
    بس الرجل احيانا هو بيعملها كارثة علشان يرمى عليها اخطاؤه
    نورت المدونة

    ردحذف
  5. بنورك يا نهى

    بس اعتقد اول دليل

    لما حواء وزت ادم انه ياكل التفاحه

    يعنى ليه الشيطان مراحش لادم الاول

    راح لحواء

    دايما بسال نفسى السؤال ده ؟

    ردحذف
  6. the illusionist
    مين اللى قال ان الشيطان راح لحواء الاول
    ربنا قال فوسوس لهما الشيطان
    مفيش اى دليل على ان الشيطان بدأ بمين فيهم

    ردحذف
  7. السلام عليكم
    اختى العزيزة
    ربما معك جزء من الحق فذاك واقع نراه
    ولكن الاناء ينظر اليه من زوايا عدة
    فالتاريخ سطر صفحات لنساء صنعت عظماء وما أكثرهن منذ بدء الخليقة
    داء المجتمعات يتطلب العلاج بدءا من الافراد لا تعميم الحجة
    راقت لى كلماتك
    دومتى بخير

    ردحذف
  8. "الجنه تحت اقدام الامهات"
    "امك ثم امك ثم امك ثم ابوك"

    تعرفي لماذا قال الله الجنه تحت اقدام الامهات
    وقال الرسول امك ثلاث مرات
    عشان صبرها من عمل الرجال فيها
    عشان هي امراه ضعيفة
    فلبها طيب ورقيق
    فيستغلوها ويحملوها الثقل كله على كتفيها

    فربنا وعدها بالجنه

    ربنا يتولنا برحمته
    مسكينه المرأه دي
    كله عليها


    واذا نجح رجل في حياته قال انا الي ثابرت محدش ساعدني
    لكن بتلاقي وارئه امرأه عظيمة ساعدته ووقفت الى جابنه
    بس هو بيجازيها بانه ينكر انها وقفت معه
    بس طبعا مش كل الرجال

    موضوع جميل جدا
    حبيته

    رمضان كريم
    تقبل الله صالح اعمالك وصيامك وقيامك

    تقبلي مروري ^_^

    ردحذف
  9. المراة العربية هي اللي بتحب كدة وبتحب تلعب دور الشهيدة ولعلمك معظم حالات التشدد في وطنا من المراءة واولها مثلا طهارة الاناث تقوم بها المراءة عن جهل وبغياب الرجل ...لم اري في حياتي واحدة ست عربية تدعو الرجال لغض البصر ولكن ارى المراة التي تدعو للنقاب والقعدة في البيوت .....

    ردحذف
  10. كل سنة و انتى طيبة :)

    من كام يوم كان الدكتور علاء الاسوانى بيكلم عن منظومة القهر فى المجتمع و ازاى المرأه بتنول جزء كبير منها بسبب اللى بيتعرض له الرجل فى الشارع و العمل و بيطلعه عليها هى بالتالى بتقهر الطفل اللى فى النهاية قد يكون عدوانى مع القطة..المهم انها منظومة قهر متكاملة

    Tears

    ردحذف
  11. كل سنه وانتى طيبه
    المراه فى بعض الاحيان بيكون المجنى عليها لكن لا ننكر انها عليها عبء كبير فى كتير من الامور فبيدها سعاده بيتها وبيدها هدمه ولكى ينجح ذلك تحتاج الى طوله بال وصبر واحتمال

    ردحذف
  12. موضوع شيق الطرح ولها أبعاد كثيرة جميلة في حق المرأة رغم العنوان الغريب له .. أعجبتني الفكرة كثيرا سلم فكرك وقلمك

    ردحذف
  13. بوست جميل ودمه خفيف وكلنا او معظمنا علي الاقل بيوقر ويحترم المرأة انما بنحب دايما نلقي اخطاءنا ومشاكلنا علي الاخرين
    كل سنة وانتي طيبة
    تحياتي وتقديري

    ردحذف
  14. بصى بقى المراة اهم من الرجل و هى صاحبة الادوار الاصعب فى الحياة
    المرتة بطبيعتها العطاء و التفانى و الحب و الحنان
    المراة هى الام الام الام الام الام و الزوجة و الابنة و الاخت فكيف نقسو عليهم
    طبعا التاريخ ملىء بنماذج انصفت المراة و انصفها التاريخ

    اما النموذجان اللذان اخترتيهم انصحك بحذفهم لانهم هيخسروكى قضيتك العادلة ههههههههههههههه

    تحياتى
    كل سنة و انتى طيبة

    ردحذف
  15. ابنتي العزيزة نهى ..كلامك جه على الوتر الحساس وفيه فعلاً حاجات كتير في المجتمع بتجرح المرأة ودايما محطوطة في خانة الإتهام الغير منطقي ..باقولك ايه انا سعيدة بفكرك قوي ومستنية اشوف رأيك في الوجبة الدسمة اللي با أقدمها اليومين دول في مدونتي اتمنى تشرفيني بالزيارة ..تحياتي وشكري

    ردحذف
  16. انا مع تيرز دي منظومة متكاملة ومش بس كده ده ساعات ظلم المرأه مش بيبقى من الرجل بس ده بيبقى من مرأه زيها

    ردحذف
  17. بس هى فعلا المسؤولة عن كل حاجة اولادها وزوجها :)

    لفتة جميلة منم

    تسلم ايدك

    تحياتى

    ردحذف
  18. اكنر حاجة صح العنوان المرأة سبب كل بلاء
    سلمتي

    ردحذف
  19. المرأة توعاً ما بتكون مظلومة في أكثر الأوقات فعلاً..

    ربنا يعينكوا :)

    تحياتي ليكي على المدونة اللذيذة دي، يا ريت (تلقي نظرة) على مدونتي : (عين عايزة تشوف)

    www.3een-wants-to-see.blogspot.com

    ردحذف
  20. مدونة رحلة حياة
    بجد بشكرك على رأيك
    بس للاسف مش كل الناس تنظر للاناء من عدة زوايا
    نورت المدونة

    ردحذف
  21. خواطرى مع الحياة
    اتفق معاكى بشكل كبير

    ردحذف
  22. تركيب
    لا طبعا مش كل امرأة بتكون دى مفاهيمها
    ومش كل امرأة بتدعو للقعدة فى البيت
    احترم رأيك بالطبع ولكنى اختلف معك
    نورت

    ردحذف
  23. تيرز
    معاكى حق جدا
    المرأة مظلومة من المجتمع بشدة

    ردحذف
  24. مرمر
    وانتى طيبة
    فعلا عليها عبئ كبير بس لازم حد يشاركها فيه
    لان الاسرة فى النهاية مش هتنجح غير بدعم الطرفين لبعض

    ردحذف
  25. كريمة سندى
    نورتى وشكرا على كلامك
    العنوان يمكن غريب لانى طرحته من وجهة نظر البعض اللى شايفين ان المرأة سبب كل الكوارث:)

    ردحذف
  26. سندباد
    معاك حق ياسندباد دايماده اللى بيحصل

    رمضان كريم

    ردحذف
  27. ابراهيم رزق
    كل سنة وحضرتك طيب
    اكيد التاريخ لم يغفل انجازات المرأة بس الناس هى اللى بتغفل التاريخ ده
    رمضان كريم

    ردحذف
  28. زيزى
    اشكرك على كلامك الجميل
    وبجد حضرتك نورتى المدونة
    رمضان كريم

    ردحذف
  29. lady e
    معاكى حق انتى وتيرز
    وفعلا المرأة احيانا بتظلم المرأة

    نورتى

    ردحذف
  30. كارمن
    فعلا هى مسئولة
    بس مش لوحدها
    نورتى ياقمر

    ردحذف
  31. غير معرف
    شكرا لرأيك الذى احترمه رغم اختلافى معه

    ردحذف
  32. ع.سالم
    نورت المدونة وشكرا على رأيك
    وان شاء الله ازور مدونتك قريبا
    اهلا بيك ورمضان كريم

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)