الاثنين، أغسطس 01، 2011

رمضان كريم...اول تدوينات اغسطس

كل سنة ونتم طيبين وبخير
بما ان النهاردة اول يوم فى شهر رمضان ربنا يتقبل منا صيامنا وصلاتنا
وبما ان النهاردة اول يوم فى حملة تدوينات اغسطس
قررت ادمج الموضوعين مع بعض
ممكن اكلمكم عن ذكرياتى فى رمضان؟
وانا صغيرة بدات اصوم من ابتدائى كان صيام ساعة كده ولا اتنين لغاية واحدة واحدة ماكملت اليوم كله
لغاية مابقيت فى رابعة ابتدائى وعرفت اصوم الشهر كله بالكامل
فوانيس رمضان زمان كانت احلى بكتير رغم يعنى انها ماكنتش بتغنى لكن كانت بتنور كل الناس اللى فى سنى يفتكروها
وكان فى كمان الفانوس ابو عصفورة
انا بحب اوى لقمة القاضى وبلح الشام وبحب فى رمضان اكل البفتيك والمكرونة بالبشاميل
زمان رمضان كان مختلف مفيش مسئولية مفيش التزامات مفيش اى حاجة غير اللعب وفوازير نيللى وشريهان وطبعا بوجى وطمطم :)
دلوقتى فى مسئولية والتزامات وناس انا مسئولة عنهم مش بعرف استمتع اوى زى الاول
كمان الدنيا نفسها بقت مختلفة مش عارفة انتوا حاسين بكده ولا انا بس اللى عندى الاحساس ده
بس السنة دى بدأ احساس رمضان يرجعلى وانا شايفة بنتى بتلعب ومبسوطة بالفانوس
انا رغيت كتير اوى والكلام مش مرتب .....مش كده؟
كمان انا مقصرة معاكم لانى تعبانة شوية معلش اعذرونى
انا هسيبكم مع اغنية رمضانية بحبها اوى مش عارفة ليه كل ما اسمعها بعيش فى جو رمضان زمان ...رمضان ايام الطفولة...بعيط لما بسمعها
كل سنة وانتم طيبين ...ورمضان كريم

هناك 27 تعليقًا:

  1. كل عام وأنت وأمة محمد بخير

    ردحذف
  2. انا اسفة ماعرفتش ارفع الاغنية:)

    ردحذف
  3. أولا كل سنة و انت طيبة

    ثانياً كلنا لينا ذكريات جميلة فى رمضان ان شاء الله دايماً ذكرياتك تكون سعيدة

    ميهمكيش كأنك رفعتى الأغنية (:

    ردحذف
  4. كل سنه وانتى طيبه
    ورمضان كريم :)

    ردحذف
  5. نهى أزيك .. افتقدت تدويناتك بينما اتنا فى عالم آخر ..

    جيت أقولك كل سنةو انتى طيبة وبخير ..

    رمضان كريم :)))

    ردحذف
  6. كل سنة وانتي طيبة وبعودة الايام

    ردحذف
  7. سؤال ع الماشي لو مفيهاش غلاسة هو حضرتك في ابتدائي كنتي بتاكلي الاربعة وعشرين ساعة في الاربعة وعشرين ساعة علشان كده بقى صيام ساعة ولا ساعتين دي حاجة مش طبيعية :)
    كل سنة وحضرتك طيبة ورمضان كريم وربنا يتقبل منك صلاتك وصيامك وصالح اعمالك ويجعلك من عتقاء الشهر الكريم
    ويباركلك يا نهى في كل اسرتك ويحفظكم ويسعدكم ان شاء الله

    ردحذف
  8. كل سنة وانت طيبة
    والله يدخل هذا الشهر بمغفرة الذنوب يا رب

    سلام

    ردحذف
  9. السلام عليكم
    كل عام انتم الى الله اقرب
    كل عام انتم بخير
    الف سلامة عليك

    ردحذف
  10. كل سنه وانتى طيبه
    رمضان كريم

    ردحذف
  11. كل سنة وانتى طيبه يا نهى ورمضان كريم يا وحشه انتى نسيانى خالص ومش بتسألى ابدا كده لو مكناش ف رمضان كنت خصمتك على طول بس احنا ف رمضان والمسامح كريم
    ...منه

    ردحذف
  12. كل سنه وانتى طيبه يا قمر
    رمضان كريم

    ردحذف
  13. كريمة سندى
    كل سنة وانتى طيبة

    ردحذف
  14. سواح فى ملك الله
    كل سنة وانت طيب
    رمضان كريم

    ردحذف
  15. رامى
    كل سنة وانت طيب يارامى
    مشكلة الاغنية ان البلوجر بعد لما بنشر البوست مش بيرضى يعدل اى حاجة:)

    ردحذف
  16. بنت من الزمن ده
    وانتى طيبة
    الله اكرم

    ردحذف
  17. زهرة
    ربنا يكرمك
    كل سنة وانتى طيبة
    ورمضان كريم

    ردحذف
  18. تركيب
    كل سنة وانت طيب ورمضان كريم

    ردحذف
  19. مصطفى سيف
    يعنى مش حكاية حاجة طبيعية انى اصوم ساعتين
    بس كان بالنسبة للطفل انه يبقى عارف انه مش هياكل وهو مجبر غير وهو مش عاوز بمزاجه:)
    كل سنة وانت طيب ورمضان كريم

    ردحذف
  20. هيبو
    كل سنة وانت طيب ورمضان كريم

    ردحذف
  21. مدونة رحلة حياة
    كل سنة وانت طيب ورمضان كريم

    ردحذف
  22. عمرو يسرى
    كل سنة وانت طيب
    ورمضان كريم

    ردحذف
  23. منة
    كل سنة وانتى طيبة
    ورمضان كريم
    معلش ماتزعليش لو لاحظتى هتلاقينى مقصرة مع الناس كلها
    ربنا يكرمك
    وكل سنة وانتى طيبة

    ردحذف
  24. مرمر
    كل سنة وانتى طيبة ياقمر
    رمضان كريم

    ردحذف
  25. كل سنه وانتى بالف خير

    ردحذف
  26. blue-wave
    وانت بخير
    رمضان كريم

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)