الجمعة، مارس 25، 2011

أرجوكم إمنعوا هذا البرنامج!!


منذ سنوات ليست بقصيرة إقتحمت شاشات التلفزيون برامج من نوعية الكاميرا الخفية

وكنا قد تقبلناها بالرغم من سخافة البعض منها ومبالغة البعض الآخر

للدرجة التى تجعلك تشعر بأنك تشاهد فيلما سخيفا لا برنامج فكاهيا।

وكانت آخر هذه البرامج برنامج إسمه أرجوك ماتفتيش

يعتمد فى فكرته على مذيعة تتجول مع الكاميرا بالشوارع

وتسأل بعض الناس الذين من المفترض أنها تختارهم بشكل عشوائى

أسئلة عن أشياء لاوجود لها وأشياء مستحيلة الحدوث।

وياللعجب!!

فجميع ضيوف البرنامج يجاوبونها بمنتهى الثقة بإجابات لاتمت للواقع بأى صلة

فأذكر مثلا إحدى الحلقات التى كان السؤال فيها عن الفيس بوك والفرق بينه وبين النوت بوك!

فجاءت الإجابات كلها خاطئة وساذجة وبلهاء ومبالغ فيها بشكل عجيب

فمن منا الأن لايعرف ماهو الفيس بوك؟

وحتى إن كان هناك من لايعرفه...

ألا يوجد شخص واحد فقط يعرف ماهو الفيس بوك على مدار حلقة كاملة؟

هذا ماجعلنى أستشف أن هؤلاء الضيوف مأجورين وغير حقيقيين॥

ولذلك فإن المسؤلين عن البرنامج والقناة التى تبثه يستخفوا بعقول المشاهدين

كما أنهم يسيئوا للشعب المصرى بالكامل ويظهرونه على أنه شعب جاهل وساذج

وإن رأى أحدكم بأننى أبالغ فيما أقول

فعليه أن يتابع إحدى حلقات البرنامج المستفز بأسئلته السخيفة

ليرى بنفسه كيف تتعامل المذيعة الباهتة الأداء مع ضيوفها وكيف تسخر منهم ومن إجاباتهم...

كل تلك الأشياء تجعلك تقف رافعا يديك إلى السماء راجيا من الله تعالى

بألا يشاهد أحد من داخل مصر أو خارجها مشهدا واحدا من هذا البرنامج

إننى أتمنى عدم إذاعة هذا البرنامج مرة اخرى

كما أتمنى عدم إعطاء الحق لأى قناة عربية بأن تقوم ببث هذا البرنامج

فإن كان هناك من يستخف بالمصريين فى الماضى

فلا يصح أبدا الأن أن يستخف أحدا بشعب يصنع تاريخه بنفسه।

هناك 64 تعليقًا:

  1. كفايه الاسم ..
    الفتوى امر شرعي ..
    لا يصح الاستخفاف به
    باي حال من الاحوال ..
    ولاي سبب كان ...
    ناهيك عن الاستخفاف بعقل
    المشاهد ..
    هل هو سخيف الى هذه الدرجه
    لدرجة انه لا يفرق بين الحقيقة
    والزيف والكذب...
    غير ان هدفهم هو ان يبدو
    المواطن العربي غبي..
    ساذج .. سطحي ..
    اي موضوع يخص التكنولوجيا لا يفقه فيه شي ..
    حسبنا الله ونعم الوكيل :(

    ردحذف
  2. pink angel
    اولا احب ارحب بيكى فى المدونة
    ثانيا البرنامج ده ونوعية البرامج التانية بيبقى الغرض الظاهر منها هو الضحك
    انما الغرض الحقيقى هو استفزاز المشاهد والاستخفاف بعقليته
    والبرامج دى انتشرت جدا وتقريبا برامج الكاميرا الخفية فى مصر كلها بالنظام ده
    نورتينى:)

    ردحذف
  3. السلام عليكم
    عندك حق
    فعلا
    انا قدرا شفت بعض المشاهد منه واللى خلتنى استغفر الله بسبب تفاهته وتفاهة معظم البرامج اللى بتقدم ونفسى بس حد يتفرج على شوية برامج من بتوعنا دول من المسئولين يمكن ربنا يفتح عليه ويديلهم قرار ازالة كلهم ويريحنا من السخافة والتفاهة المفروضة علينا او ابيع التلفزيون بتاعى اللى معنديش وقت اشوفه الا قدرا

    ردحذف
  4. كلنا عارفين ان القنوات دي تهدف اولا واخير للربح وعلي فكرة هي لا تحوز اي مصدقية سواء داخليا او خارجيا ولكن هذا لا يمنع اغلاقها لأنها قنوات تسبب عقم فكري
    لفتة رائع منك
    تحياتي لك

    ردحذف
  5. شوفت البرنامج واستغربت ان فيه ناس توافق أصلاً انها تذيع عادى

    وأنا ادعو لإعدام هذه البرامج التى تستخف بمشاعر الناس وليس بعقولها فقط

    ردحذف
  6. من زمان والسخف منهج عام في الاعلام المصري لغسيل عقل الشعب المصري وهذا قليل من كثير
    ولازم كل الحاجات تتغير وتنتهي

    ردحذف
  7. عادي في ناس كتير ما تعرفش حاجة في الكمبيوتر خالص او حتى اي كلام بالانجليزي....واللي بيعمل البرامج دي بينتقي الناس دوول...واللي بيتفرج عارف انهم مش كل دول المصريين ....يعني بلاش نحبكها وكل حاجة نمنعها...

    ردحذف
  8. مدونة رحلة حياة
    ياريت اى حد من المسؤلين يشوف البرنامج ويشوف كم البرامج التافهة اللى بتيجى على قناة موجة كوميدى ويحاول يقننها شوية

    ردحذف
  9. كارمن
    ممكن يربحوا من اى حاجة تانية مفيدة
    البرنامج لو كان اتعمل بأسئلة حقيقية وبشكل طبيعى كان ممكن يبقى افضل

    ردحذف
  10. موناليزا
    ماهو موافقة الناس على الاذاعة هى اللى بتثبت انه مفبرك

    ردحذف
  11. سندباد
    فعلا البرنامج سخيف جدا وعلى فكرة المذيعة دى لها تجربة سابقة مع برامج تانية زى دى كتير

    ردحذف
  12. تركيب
    انا مش ضد الضحك
    بس مش عارفة لو كنت شوفت حلقات من البرنامج كنت فهمت قصدى
    كمان البرامج اللى زى كده بتبقى محل اقبال من القنوات العربية واللى بيشوفه بيفهم ان كل المصريين كده
    وعموما انا بحترم وجهة نظرك جدا

    ردحذف
  13. انا شفت الحلقه بتاعة هينقلوا خط الاستواء وكان فيها ان كل شعب مصر ساذج لو مش هي ده الرساله امال قصدهم ايه؟؟؟؟
    اكيد ان معاكي في الغاء البرنامج اللي فعلا بيظهرنا بمظهر مش حقيقي خالص

    ردحذف
  14. السلام عليكم أختي نهى

    طبعا أراكِ مبالغة.. فعلا يوجد ناس كثيرة جدا والله لا تعرف معنى الفيس بوك ولا حتى النوت بوك... :))

    لكن لو مش عاوزة تبالغي صحيح، أقولك أنا على الحلقة الوحيدة التي رأيتها واستأت منها مثلك تماما:

    كان السؤال عن الديناصور الذي فر من حديقة الحيوان، والكل أيضا يفتي عادي!!!!
    اللي يقول بيقولو مسكوه خلاص..
    واللي يؤكد على خطورة الأمر..
    واللي يقول إنه شافو بنفسه..!!!!!!!!!!

    وأنا والله ناقض أشد شعري!!!!

    معاكي طبعا في ضرورة عمل انقلاب في سياستنا الإعلامية بعد الثورة.. ليصبح إعلامنا متناسبا مع عقلية الشعب الذي رفع العالم كله له القبعة!

    تحياتي أختي الكريمة..

    ردحذف
  15. اول مرة اسمع عن البرنامج ده و مش عارفاه بتذاع امتى و فين بس عموما اى برنامج سخيف مش ح يجيب اعلانات و بالتالى مش ح يتباع لا ح يقدروا يكملوا عرض حلقاته

    ردحذف
  16. مش هينفع نمنع البرامج دي الا لما تتمنع لوحدها .
    تتمنع لوحدها لو قل عدد المستقبلين و المشاهدين .. ساعتها هيتعرف ان البرنامج غير مقبول .
    كمان في السنوات الأخيرة ظهرت برامج كتيرة جدا جدا كلها بنفس المعنى مع اختلاف شكل الفكرة .. و لاقت قبولا لدى الجماهير .. مما أدى الى تعمق ثقافة الاستهزاء .. و دي صورة أخلاقية غير مشرفة في الأساس .

    ردحذف
  17. البرنامج مفبرك و المذيعة سمجة اسمها ريهام الشيخ كانت تعمل مراسلة فى او تى فى و ليها برنامج مفبرك تانى عاملة فيها ملكة جمال و عروسة و الخطاب هيموتوا عليها

    و مع ذلك انا ضد المنع انا مع الفضح لان المنع هيعملهم ابطال اما فضحهم هيريحنا منهم خالص

    خالص تحيانى

    ردحذف
  18. بتفق معاك يا نهي
    انا من خلال دراستي للاعلام فهمت وعرفت ان اغلب الدول العربية دخلت المجال الاعلامي الفضائي من باب " هو لية فلان يعمل قناة فضائية وانا لاء " يعني لية مثلا مصر تعمل قناة فضائية ودبي لاء ....ويلا بقي سبهللة ....قنوات كتيرة بلا مضمون وبلا هدف وبلا مشاهدين وبلا اي شيء ....بجد نفسي منظومات كتير تتغير ومنها الاعلام

    ردحذف
  19. هو البرنامج مستفذ لكن اي كان هوا على قناة خاصة ولو هنمنع يبقى نمنع الاسفاف اولا على مثل هذه القنوات

    خالص تحياتي لفكرك وقلمك
    تقبلي مروري

    Casper

    ردحذف
  20. برافو عليكِ يا اون كلام جميييييل البرامج اللي من النوع ده مستفزة جداً يلا نتغير

    لولا

    ردحذف
  21. ما أعرفه وأتيقن منه أن الضحك يجب أن يكون برشد والجد يجب أن يكون كذلك برشد، والمثال الذي طرحتيه يبتعد كل البعد عن الرشد لهذا أنا أتفق معك عن ضرورة أن يكون هناك العديد من الضوابط لهذه البرامج لنتحصن من سخفها وسذاجتها، وربما بها بعض الصدق لكن حتى وسيلة عرض الصدق يجب أن تكون أرقى بكثير من هذا الأسلوب

    ردحذف
  22. طبعاً البرنامج ده متفبرك واضح جداً و احنا كلنا عارفين بما فينا العرب ان معظم البرامج دي بتبقى للضحك لكن لا تعبر عننا كمصريين عارفه أغنية أشرف عبد الباقي في فيلم رشه جريئه
    عيل صغير عمل صوابعه قال ايه مسدس و قال لصاحبه تريخ تروخ
    أم صاحبه ميت و ساقله فيها و أهله قالوا ده طخوا طخ
    كله في التمثيل...أنا كمان مبحبش كده.
    تحياتي ليكي و متطوليش الغيبه

    ردحذف
  23. السلام عليكم
    الاعلام سيف ذو حدين حد يهدم وحد يصلح ويبني
    فا اسغلينه في توصيل الاراء الزائفة فللاسف سيكون تاثيره سلبيا
    فعلا هذا البرنامج يسيء الى مدى وعي الشعب المصري
    واضم صوتي لصوتك بضروة منعه لانه عار على الاعلاام
    تحياتي

    ردحذف
  24. eng-semsem
    حلقة خط الاستواء دى كانت مهزلة لوحدها
    كفاية البنت اللى كانت بتقول بمنتهى الثقة ان خط الاستواء مرسوم بالقلم الرصاص وازاى مايبقاش عندنا استواء
    حلقة زى دى كفيلة بإغلاق اى قناة تعرض البرنامج ده
    نورت

    ردحذف
  25. ماجد القاضى
    انا ماشفتش حلقة الديناصورات دى
    بس حضرتك معاك حق احنا لازم نعمل انقلاب فى التوجهات الاعلامية كلها
    احنا مش ضد الضحك طبعا بس اكيد ضد التفاهة
    حضرتك نورت المدونة

    ردحذف
  26. تيرز
    لحسن حظك انك ماشفتيش البرنامج او سمعتى عنه
    بس حكاية الاعلانات دى دلوقتى خلاص مع ظهور اعلانات الموبايلات الصينى واللحاف الفايبر
    مش مهم يعلن فى برنامج ناجح المهم انه يعلن وخلاص...دى سياستهم

    ردحذف
  27. شيماء على
    لما الاغانى الشعبية الجديدة ظهرت وكان كلها الفاظ غير لائقة قلنا هنستنى شوية والناس هتمل منها
    وبعدها ظهرت الاغانى وكلها مليانة بأسماء المخدرات والناس بتشغلها فى الافراح
    السكوت على الحاجات دى بيزودها
    وانا متفقة معاكى جدا فى انها صور غير مشرفة بالمرة
    منورانى

    ردحذف
  28. ابراهيم رزق
    المذيعة دى كان لها تجربة كمان فى الربامج اللى زى دى بعنوان اشتغالات على otv
    يعنى كده 3 تجارب فى برامج تافهة من النوعية دى
    بس تفتكر حضرتك الفضح هيجيب نتيجة
    هالة سرحان خرجت من روتانا بالاسلوب ده وهترجع وكأنها بطلة
    نورت المدونة

    ردحذف
  29. رحاب صالح
    متفقة معاكى واحب اقولك كمان ان القنوات دى اكتر برامجها بتبقى من عندنا يعنى اى قناة عربية بتاخد من برامجنا احنا يعنى برامجنا المفروض تكون بتعبر عننا

    ردحذف
  30. كاسبر
    اكيد طبعا لازم نمنع الاسفاف
    من كل القنوات بس ده هياخد وقت احنا بنحاول بس نبدأ:)

    ردحذف
  31. لولا وزهراء
    ربنا يكرمك يالولا
    واكيد كلنا لازم نتغير
    نورتى ياقمر

    ردحذف
  32. أحمد شريف
    اتفق معك تماما
    على فكرة انا لست مع منع اى شىء وكل شىء
    لكن هناك اشياء يجب بترها من البداية حتى لاتنتشر فى المجتمع

    ردحذف
  33. مساء الخير سيدتي

    وموضوع رائع ومدونة جميلة

    سعدت بتواجدي هناا

    ردحذف
  34. شيرين سامى
    حمدالله على السلامة
    ونورتينى من جديد
    البرامج دى منتشرة فى الوطن العربى كله بس عندنا سخيفة جدا بالرغم من خفة دم المصريين المعروفة
    على فكرة انا بحب الاغنية بتاعة الفيلم ده

    ردحذف
  35. شهرزاد شهرزاد
    فعلا الاعلام سلاح ذو حدين فى عصرنا الحالى
    زمان كان كله ثقافة وعلوم وفنون زى ماالاغنية بتقول
    انما دلوقتى كله تفاهة واسفاف
    نورتينى

    ردحذف
  36. د.ريان
    سعدت بزيارتك
    وشكرا على ذوقك

    ردحذف
  37. نهى

    اكيد معاك حق

    احفاد الفراعنه اكيد لا يقبلون بتلك المهزله

    ده استخفاف علنى بالشعب المصرى

    اؤيدك غاليتى

    جزاك الله كل خير عنا

    تحياتى

    ردحذف
  38. انا ادعوا اعدام هذه البرامج
    وموضوع مهم وجاء في وقته

    ردحذف
  39. الأخت الفاضلة :: Noha Saleh ::
    أسعد الله أوقاتك بكل خير
    بوست وكلام جميل وواقعي أتفق معه جملة وتفصيلا
    كثير من تلك البرامج التي تدعي العفوية
    ما هي في حقيقتها إلا كذب وتمثيل رديء
    أبسط عامي يستطيع كشف تلك اللعبة
    نحتاج إلى إعلام صادق ويثبت مصداقيته
    أحلى الأماني

    ردحذف
  40. ناس بلا عقول
    المهم ينتجوا برامج عشان الفلوس
    استغفر الله
    الاسم لو حده كفاية
    تقبلي مروري ^_^
    سلامي لاجمل نهى.

    ردحذف
  41. الأستاذة الفاضلة نهى صالح
    إيه ده ؟!!
    كل اللي معلقين عندك عاوزين يعدموا البرنامج و اللي في البرنامج !! حتى كارولين فاروق كمان !!
    ده الواحد يخاف منك و منهم و يستخبى اليومين دول في أي حتة.
    شوفي ، فيه ناس بتفتي فعلاً ، وكتير ، لكن البرنامج بيجيب اللي بيفتوا و مبيجيبش التانيين ، و لو ركزتي في الحلقات هتلاقي نفس الوشوش لأنها بتسأل اللي بيفتوا كذا سؤال و تقطعهم على حلقات ، كل حلقة بسؤال. أنا بصراحة بضحك من البرنامج ده ،
    أما ألحق أجري قبل المعلقين هنا ميعلقوني على باب المدونة

    ردحذف
  42. مشوفتش البرنامج بس للأسف مش هو بس اللي بيسخر من المصريين في برامج تانيه كتير
    عجبني جدا كلامك وأسلوبك الراقي

    ردحذف
  43. جايدا العزيزى
    فعلا مش لازم نقبل بكده ابدا
    ممكن ناس كتير يشوفوا اننا بنبالغ بس بجد البرنامج سخيف جدا
    نورتينى ياقمر

    ردحذف
  44. كارولين فارق
    ياريت مايتعادش تانى
    وياريت كمان مايبقاش فى برامج شبهه
    نورتى

    ردحذف
  45. محمد سعد القويرى
    فعلا البرامج دى ظاهرها الضحك
    وباطنها الاستخفاف بعقول الناس والسخرية منهم
    للاسف فى برامج كتير بالشكل ده
    اسعدتنى زيارتك ونورت المدونة

    ردحذف
  46. خواطرى مع الحياة
    فعلا علشان الفلوس مش مهم الهدف يكون ايه من البرنامج
    رغم انهم ممكن يعملوا برامج حلوة بس واضح انه اتجاه عام
    نورتى المدونة

    ردحذف
  47. محمد محمود عمارة
    :))
    انا كمان ضحكت زى حضرتك من البرنامج بصراحة
    بس حصلى استفزاز رهيب لما لقيت كل الحلقات كده
    الوشوش بتتكرر على مدار الحلقة الواحدة انا عارفة
    لكن ضيوف كل حلقة مختلفين
    الناس فى البرنامج مش بتفتى دى بتكذب
    كان فى حلقة عن ان الحكومة قررت تاخد رسوم على عبور المشاة فى الاحياء الراقية الاجابات كلها كانت انهم اخذوا منهم رسوم محدش قالها انتى كذابة
    انا فاهمة ان المذيعة بتنقى او المفروض اننا نفهم انها بتنقى الضيوف
    لكن مش قادرة استوعب ان البرنامج مش متفبرك
    ومفيش داعى للاختباء ولا حاجة احنا فى مدونة ديموقراطية:)

    ردحذف
  48. lady E
    فعلا البرامج كتير منهم برنامجين لنفس المذيعة
    بس لازم يبقى فى رقابة على البرامج دى
    نورتى المدونة ومتشكرة جدا لكلامك وذوقك:)

    ردحذف
  49. عن جد البرنامج سخيف كثير والاكثر سخافة انه بتلاحظي كل الضيوف مش فاهمين حاجة ،، ليش هو كل الشعب المصري هيك ؟؟ انا حضرت حلقة كانت بتهيألي عن كلمة بيأثروا فينا وعلاقته بالقصر في الصين ؟؟ تلاعب في الالفاظ والمشكلة انه الكل صار يفتي في الموضوع ،،
    صحيح انه البرنامج ساخر ومضحك ولكن في نفس الوقت مهين لكرامة المصريين وخاصة انه مافيش ولا واحد بيجاوب صح ويقول للمذيعة شو هالهبل اللي بتحكيه ؟؟
    باحس فيه نوع من الاستخفاف في الجمهور وبتذكرني ببرامج اتصل واربح 300000000000 يورو وطلع الفرق بين الصورتين ،، الفرق واضح في الخاتم والكل يقلك في السنسلة ولا في لون الشعر ولا في لون الروج !! عن جد بيستخفوا فينا كمشاهدين ... وبيضحكوا علينا ..
    ياريتت يعملوا تصويت على وقف مثل هيك برامج ..
    تقبل مروري وتحيتي.

    ردحذف
  50. انا فعلا بكره البرنامج ده جدا بحس انو كلو بيهزء كل المصريين وبيسيئ لمنظرنا وبجد عيب قوى وكان ف برنامج تانى كان بيجى ف رمضان على قناة القاهرة والناس بعد الفطار علطول كنت اول لما بشوفو بيتحرق دمى وكمان كنت بحس ان دماغى بتشيط انا مش متذكه اسم البرنامج بالظبط بص على ما اعتقد انو كان المذيع اسمو جورج سمير حاجه زى كده

    ردحذف
  51. برنامج سخيف واسئله اسخف
    واستخفاء بمن يشاهدونه
    انا من رائ البرنامج الغير هادف يبقى قلته احسن
    وحشتينى

    ردحذف
  52. وجع البنفسج
    لا الشعب المصرى مش كده خالص
    وللاسف البرنامج ده مفبرك وبيعطى صورة سيئة عن المصريين
    لكن احنا مش كده طبعا
    اما برامج المسابقات التافهة دى بقى انا محضرة لها بوست هينزل قريب ان شاء الله
    نورتينى:)

    ردحذف
  53. منة
    للاسف البرامج دى كتير جدا
    الكاميرا الخفية بتتعمل بره بمنتهى الرقى ومافيهاش سخرية ودمها خفيف لكن عندنا سخيفة جدا وبتنقل صورة وحشة عننا وللاسف طبعا الصورة دى مش صح خالص
    نورتي المدونة:)

    ردحذف
  54. mrmr
    اكيد يامرمر اى برنامج غير هادف قلته احسن
    ياريت يبقى فيه رقابة اكتر من كده على البرامج
    نورتى ياقمر

    ردحذف
  55. للأسف التفاهات تأخذ وقتها وزيادة ، وفي شتى مجالات الحياة ، ومع ذلك على المتلقي ألا يستسلم بسهولة .
    وفقك الله على طرحك .

    ردحذف
  56. الاسلوب الاستفذاذى التى تقوم عليه هذه البرامج لترويجها هو اسلوب لا يمت للاعلام بصله فالانسان وهو يشاهد هذه البرامج يحس بالاشمئذاذ . اننى اعتقد ان اى انسان تساله عن اى شىء وهو لا يعرفه فمن الطبيعى ان يقول انى لا اعرف لهذا انا اعتقد ان عندكى كل الحق عندما نوهتى انهم ماجورين حقا
    تحياتى لكى ولقلمك تقبلى مرورى وتقبلى تحياتى الاحـــــــــــــــلام

    ردحذف
  57. ههههههههههه ، فعلا المفروض الحاجات دى تتحاش .

    والمفروض علينا كمدونين أن احنا نوعى الناس بالحاجات دى ، الحاجات دى بتلزق فى العقل الباطن وبتودى فى داهية ، لانها بتتحول تدريجيا الى اعتقادات من غير ما نحس ، يعنى لما واحد غلبان يسمع الكلام ده ، مش هيزعل من حد بعد كده لما يقوله المصريين متخلفين .

    أنا بحييكى يا نها

    ردحذف
  58. تركى الغامدى
    متفقة مع حضرتك بأن المتلقى مش لازم يستسلم بسهولة للتفاهات دى
    اشكرك ونورت المدونة

    ردحذف
  59. الاحلام
    مرحبا بك فى المدونة
    البرامج التافهة طبعا مالهاش علاقة بالاعلام لان وظيفة الاعلام هى الارتقاء بفكر المجتمع
    نورت المدونة

    ردحذف
  60. محب روفائيل
    بحييك على رأيك اللى اسعدنى جدا لان ده كان قصدى فعلا من كتابة البوست
    الف شكر ليك
    نورت المدونة

    ردحذف
  61. بحييكى على صراحتك يا نهى و تفكيرك فى مستقبل مصر بعد الثورة
    ولو كان تفكير الاعلام بهذه السذاجة قبل الثورة فعلا لازم يتغير بعد الثورة
    لان العالم اجمع على ثقافة و قدرة المصرى و تحضره حتى فى وقت الازمات
    بضم صوتى لصوتك لايقاف مثل هذه البرامج حتى ولو كانت على سبيل المداعبة و الجميع يعلم انها متفبركة

    ردحذف
  62. محمد السيد
    الموضوع مالوش علاقة بالثورة على قد ماله علاقة بالاستخفاف بعقلية المصريين واظهارهم على انهم مجرد سذج
    نورت المدونة يامحمد:)

    ردحذف
  63. ارخم برنامج انا شفته فى حياتى من حيث الفكره والتقديم والمذيعه ذات نفسها
    انا عمرى ماهقدر اصدق ان مصر فيها شخصيات زى اللى الهانم بتستضيفهم
    مش للدرجادى يعنى يستخفو بعقولنا
    سواء خصخصه نهر النيل ولا حتى وفاه عم دهب
    http://tech-ta1k.blogspot.com

    ردحذف
  64. البرنامج ده بيستفزنى جداااااااا
    بيحسس الواحد ان الناس كلها اغبياء ومش فاهميين اى حاجه
    مش متخيله ان فى ناس بترد بالاجابات دى بجد
    ومصدقين الاسئله اللى بيسمعوها دى

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)