الثلاثاء، يناير 11، 2011

المصريون والقلقاس والفتنة

بعد مرور أكثر أسبوع على حادث تفجير كنيسة القديسين بالإسكندرية
تذكرت قصة كنت قد قرأتها للكاتبة سناء صليحة منذ عدة سنوات
وبالرغم من عدم معرفتى إن كانت تلك القصة من أحداث الواقع أم من درب الخيال
إلا اننى أردت أن أقصها عليكم بإختصار لعلنا نخرج منها بشىء ما
يحكى أنه كان هناك أسرتين مصريتين إحداهما مسلمة والاخرى مسيحية
وكان يجمع بينهما الحب والترابط
فدائما كانت ابواب شققهما مفتوحة على مصراعيها طيلة اليوم
وكانت الاطعمة والحلويات تتنتقل من مطبخ أم جورج لمنزل أم محمد والعكس
وكان الطفلان محمد وجورج صديقان متقاربان جدا
لدرجة أن بعض الناس كانوا يعتقدوا بأنهما أخوين
وظلت العلاقة هكذا بين الاسرتين يغلفها الحب والود والترابط
حتى جاء اليوم الذى تعكر فيه صفو هذه العلاقة وكان السبب هو
القصب والقلقاس....
ولمن لا يعرف فإن القصب والقلقاس يحرص الاقباط على تناولهم فى عيد الغطاس كل عام
وكانت أم محمد هى المسئولة عن انتقاء ثمرات القلقاس وخضرته لجارتها ام جورج
وكانت تحرص على اهدائها بعض اعواد القصب الذى تنتقيه بنفسها أيضا
ولكن فى هذا العام انطلقت شائعة سخيفة تقول ان المسلمين
قاموا بتسميم محصول القصب والقلقاس ليصيبوا اقباط مصر بالتسمم
واغلقت أبواب الشقتين المتجاورتين بعد ان كانت الابواب لاتغلق طيلة اليوم
وبالرغم من انقطاع العلاقة بين الأسرتين
لم تنقطع العلاقة بين الطفلين محمد وجورج
فقد ظلا محافظين على صداقتهما حتى عادت العلاقة طبيعية بين الاسرتين من جديد
وانتهت القصة
أعتقد انها قصة كثيرا ماتتكرر...
لأن هناك دائما من يتربص بالمصريين ويريد إثارة الفتن فيما بينهم
تارة بالشائعات وتارة بالمتفجرات
ولكن سرعان ماتعود العلاقة من جديد كما هى صافية لايعكر صفوها شىء
واعتقد ان اكبر دليل على ذلك هو وقفة المصريين صفا واحدا خلال الازمة الأخيرة
لأننا أبناء وطن واحد
وكل مايحدث فى وطننا نجنى ثماره جميعا سواء كان خيرا أم شرا
فهيا بنا ندعو الله أن يحفظ بلادنا ممن يتربصون بها
ويحفظ شعبها من شر الفتن
لأنه حقا....شعبا طيب.

رابط المقال على ميدان الحرية

هناك 33 تعليقًا:

  1. السلام عليكم
    احب احييكي علي المقال اللي في وقته ده فعلا علاقتنا بالاقباط جيدة جدا وعلاقة تاريخية قوامها الاحترام المتبادل بين الطرفين
    علاقة محمد بجورج او علاقة الاسرتين حتي لو حص حاجة عكرت صفوها هترجع زي ما كانت لأن المصري الاصيل بيظهر معدنه الاصيل في وقت الشدة واعتقد وضح ان المصريين المسلمين بعد حادث الكنيسة ازاي اتكاتفوا مع اخواتهم الاقباط بالقلب قبل اللسان وازاي كانوا موجوعين بجد
    كل واحد فينا له اصدقاء وجيران مسيحيين
    بيزورهم ويبادلهم الهدايا والمعايدات ومهما اتخانقوا هيتصالحوا تاني
    احييكي مرة اخرى
    كنت مارا من هنا فاستوقفني مقالك
    جزاكي الله خيرا

    ردحذف
  2. مصطفى سيف
    اولا اهلا بيك فى المدونة
    وبجد سعيدة جدا برأيك وفعلا علاقة المصريين ببعض مترابطة مهما حصل
    ممكن يكون بيحصل حاجات كتير بس لو اخدنا الموقف على ان كلنا مصريين وماتوقفناش عند الاديان كله هيعدى
    نورت المدونة

    ردحذف
  3. سنظل اخوة دائما وشعب واحد ولن يفلح احد فى تفريقنا كلنا مصريين واخوة
    مقال جميل احتوى قصة واقعية
    تحياتى لكى يا نهى مقالتك كلها جميلة

    ردحذف
  4. والله يا نهى اللى حصل فى اسكندريه ده صعب على الكل

    اللى حصل كان فى منطقه قريبه من بيتنا القديم وأول ما سمعت الخبر إتصلت بمصر وخفت على اصحابنا وجيراننا اللى فى المنطقه يكون حد منهم حصله حاجه جوه او بره الكنيسه وكان قلبى هيقف لو سمعت لا قدر الله خبر حد منهم .. لكن ربنا ستر وطلعوا جميعا بخير

    منكرش ان المصاب صعب ، والصور تقطع القلب .. لكن أكيد كان هيبقى المصاب أصعب لو كنتى تعرفى حد منهم.

    طول عمرنا إخوات بجد وجيران بجد وبيحصل ما بينا زى اللى بيحصل بين اى اخوات وجيران نزعل ونتصالح لكن فى النهايه .. إخوات بلا مبالغه

    أنا مصره مخصش بكلامى ديانه او مله .. لأن مصر مش فيها غير مصريين ولكن بعضهم يصلى بالمساخد وأخرين فى الكنائس

    موضوع فى وقته

    وثقتى فى الله كبيره .. لأن أهل مصر فى رباط إلى يوم القيامه .. مهما حاولوا

    ردحذف
  5. السلام عليكم
    استاذتى اختصرتى وأجدتى
    اللهم احفظ بلادنا من شرور من يتربصون بها
    اللهم احفظ شعبها من الفتن
    اللهم وثق عراهم اللهم اهدهم سبلهم
    اللهم اجعل بأسهم على عدوهم شديد
    تقبلى كلماتى

    ردحذف
  6. الله يانهى هو دااااااااااااااااااا

    جميل جميل جميل بالتلاته هههههههههههههههه

    ردحذف
  7. نهى

    معاكى حق فعلا

    بس المشكله فى مصر اننا شعب يساق الى شئ ، ولا يعقل ابدا وتتحكم فيه العواطف والمشاعر اكيثر من اى شئ اخر
    قد يكون هذا شئ جيد
    الا انه قد ينقلب الى كارثه فى معظم الاحيان وخاصه عندما يستغله احد ممن هم ليس لديهم اى ضمير

    اقرى اخر بوست عندى ، لان فعلا احنا لازم ننشر التنبيه والتوضيح ده

    ردحذف
  8. يا صباح الورود يا نهي
    والله القصة حلوة سواء كانت من الواقع او الخيال
    لانها مكررة جدا في حياة اغلبنا...
    وحتي مع المسلمين بينهم وبين بعض او المسيحين بينهم وبين بعض....
    تسلم ايدك علي نشر القصة

    ردحذف
  9. قد تحدث الفتنة بين الاخوة
    الاشقاء وبعضهم
    الفتنة يااستاذة نها
    بتحصل في اي وقت ومابين اي طرفين
    وليس شرطا ان يكونوا مختفوا الديانة
    قديكون غريبا ما اراد ان يعكر صفوهما

    ردحذف
  10. ماشى ماشى

    ليه جيبتى سيرة القلقاس اصل بموت فيه (:(:

    و لسه منزلتش أجازة و مش هعيد معاهم برضه ):

    عااااااااااا

    (:

    القصة مُكررة كتير جداً فى حياتنا

    تحياتى يا نهى (:

    ردحذف
  11. حبيبتي نهى
    الا ترين بان هناك يد خفية تلعب في الموضوع بتقول في نفسها اضرب عصفورين بحجر واحد ومكان ما اضرب المسلمين لوحدهم اخبطهم مع اخوانهم المسيحيين وبكده اكون خليت الجو وفضلت هي وبس
    انا عرفا اليد دي وانت طبعا
    تحياتي

    ردحذف
  12. السلام عليكم
    جميل انك تذكري هذه الواقعه
    لتوضحي انها ليست السابقه
    الاولي في هذا البلد وان احنا
    تخطيناها بسلام وامان واعطيتي
    املا بأن الامور ستعود كما كانت
    تحياتي وشكري علي طرحك الجميل

    ردحذف
  13. البقاء لله يا نهى
    اللهم إرحمها وإرحمنا يا أرحم الراحمين
    اللهم ندعوك ياكريم يا أرحم الراحمين أن ترحمها رحمة واسعه
    اللهم نقها من الذنوب كما ينقى الثوب الأبيض من الدنس
    اللهم أجعل قبرها روضه من رياض الجنه وأرزقها الفردوس الأعلى
    اللهم بدلها أهل خير من أهلها وداراً خيراً من دارها
    اللهم احشرها في زمرة من حشر مع الأنبياء والصديقين والشهداء
    اللهم أغفر لحينا وميتنا ولوالدينا ولأمة المسلمين
    اللهم أمين
    يارب العالمين

    ربنا يصبركم
    يارب

    ردحذف
  14. قصب ...اوله حرف قاف
    قلقاس...اوله حرف قاف
    ....
    مسلم ومسيحى ومصرى اولهم حرف ميم
    يعنى وااااحد

    تحياتى وتقديرى

    ردحذف
  15. البقاء لله وربنا يجعلها اخر الاحزان
    لله ما اخذ ولله ما اعطي والحمد لله علي كل شئ

    ردحذف
  16. نهى الجميله

    طبعا للقصه الاف المعانى

    اجل الاختلاف ليس نهايه العلاقه بين الاسرتين

    فدائما يعودوا اقوى فى العلاقه

    هنا مربط الفرس غاليتى

    يسلم اختيارك

    ليتهم يفهموا

    اللهم امين

    تحياتى

    ردحذف
  17. فيه مثل جاء فى بالى دلؤتى بعد قراءة موضوعك ومتهيألى أنه معبر جدا
    "حبيبك يبلعلك الزلط وعدوك يتمنالك الغلط"

    ردحذف
  18. اولا انا جايه اعزيكى فى خالتك
    البقاء لله
    ربنا يصبرك يا نهى ويصبر اولادها وبناتها

    ثانيا الخلاف مهما حدث فى النهايه المحبه تكسب
    شئ طبيعى ان كل واحد يغير على ديانته ويدافع عن عقيدته لكن المحبه لا تسقط ابدا
    القصه ممكن تتكرر فى جميع انحاء محافظات مصر لكن فى النهايه كلنا مجرد انسان والكل يحترم ادميه الانسان
    ربنا يرحمنا ويديم المحبه بيننا

    ردحذف
  19. البقاء لله يا نهى
    ربنا يرحمها برحمته ويغفرلها
    ويصبركم يارب

    ردحذف
  20. لا يوجد بيننا من لا يكون له صديق مسيحى او قبطى فكلنا فى هذا الوطن الحبيب اخوه نحن جزء واحد لا تيجزاء ابدا كلنا لنا اصدقاء واحباب وكانا نفرح بفرح بعض ونحزن لحزن بعض لاكن قصتك لها مزاق خاف انها تسرد حكايه اقوى واعمق الا وهيه ان المراءه المسلمه كانت تنتقى الاشياء التى تحبها اختها المسيحيه كى تحضرها لها بسغاده ورضا قصتك جميله ارجو ان تتقبلى مرورى . على فكره انا فمت ان اسم المدونه كلام فاضى المقصود بها ان الكلام الموضود بالمدونه كلام خالى من الكلام الفاضى تحياتى الاحــــــــــــلام

    ردحذف
  21. البقية فى حياتك يا نهى

    ربنا يرحمها

    ربنا يصبركم

    ردحذف
  22. أختى نهى
    البقاء لله
    قلبى معاكى والله
    ربنا يصبرك ويصبر اولادها ويصبر اهلها كلهم
    وربنا يرحمه ويدخلها فسيح جناته
    ويسبتها وقت السؤال


    تقبلى عزائى

    ردحذف
  23. البقاء لله اختي نها ، وان شاء الله بتكون اخر الاحزان ،رحم الله فقيدتكم واسكنها فسيح جناته .. والهم أهلها الصبر والسلوان ..
    وربنا يحمي مصر ويحفظها ويديم وحدة شعبها مسلمين ومسيحيين ..

    ردحذف
  24. ربنا يحمي مصر من كل سوء ويرجع الامور لهدوئها والبقاء لله على ما اصابك وانا لله وانا اليه راجعون
    غفر الله لها واعطاكم الصبر والسلوان على فراقها

    ردحذف
  25. ليس بعد قولك قول حبيبتي
    حمدالله ع سلامتك
    تحياتي لك

    ردحذف
  26. المقال رائع يا نهى قرأته صباحاً بس الوقت لم يسعفني للتعليق
    البقاء لله و ربنا يصبركم و يجعل مثواها الجنه

    ردحذف
  27. البقاء لله
    ربنا يرحمها

    ردحذف
  28. مهما حدث فيسظل الشعب المصري كيان واحد وقلب واحد

    ردحذف
  29. اولا تحياتى ليكى يا نهى

    مقالك جميل فى وقت الكل يستنكر و يستجير

    طبعا المصريين كلهم اخوة

    مين منا ملوش صاحب او جار او زميل يصلى لله و يدعو للمسيح

    الموقف كان صعب على ابناء الوطن الكبير

    الكل خرج قلبه حزين
    و يارب الكل يتكاتف على العدو الغادر الاليم

    ربنا يوفقك فى كتاباتك و يعينك على توضيح الامر الغريب علينا

    ردحذف
  30. السلام عليكم

    حقا أختي نهى.. لو لم يقف العقلاء وقفة صادقة لازداد الرتق.. لكن أحسب أن الله سلم..
    وفعلا.. "كل ما يحدث فى وطننا نجنى ثماره جميعا سواء كان خيرا أم شرا"
    تحياتي أختي الكريمة.

    ردحذف
  31. كلما ازداد الإنسان تديناً كلما ازداد سماحة و عرف حقوق الآخر. أما التعصب المقيت فلا ينم عن تدين بقدر ما يظهر أشخاصاً يعانون من تشوهات نفسية يريدون سترها بقناع تدين زائف. ما ضير أن يذهب محمد إلى مسجده و بطرس إلى كنيسته طالما يعرف كلاهما حدوده و واجباته تجاه الآخر ؟ تقبلي سلامي

    ردحذف
  32. بجد جميل انك بتابعى المواضيع الشائكه دى وبتقرى عنها بجد شىء فرحنى اوى ويارب يلعن كل واحد بيكره بلدنا بجد الف تحيه ليكى تقبلى مرورى واسف ع الغياب

    ردحذف
  33. شكرا للجميع بجد سعيدة جدا بردودكم
    وبعتذر عن تقصيرى فى الردود بس بجد غصب عنى

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)