كلام فاضى

_________

2012-02-03T18:47:00.001+02:00

الشوارع خايفة وحزينة

لكى الله يامصر

كيف تحب وطنك؟

2011-12-07T03:05:00.002+02:00

عندما يطلب منك أن تتحدث عن وطنك لن تستطيع أبدا أن توفيه حقه مهما كان مدى عشقك له، وإن سألك أحدهم عن مدى وطنيتك فلن تستطع الإجابة لأن الوطنية ليس لها وحدة قياس ، فليس معنى الوطنية أن تكون سياسيا مخضرما لك منصب هام فى الحكومة وهى لاتعنى أيضا أن تكون حادا مع كل من يختلف معك فى الرأى وأن تلقى بالإتهامات جزافا على الأخرين

ربما فى صمتك تكون أشد حبا لوطنك من كل هؤلاء فحب الوطن هو شعور داخلى وربما يكون شيئا فطريا يولد معك فلن يستطيع أحد أن يسلب منك وطنيتك

فأنت وحدك فقط من يعرف كيف تحب وطنك؟

اجازة قصيرة من التدوين

2011-10-19T18:33:00.001+02:00

ازيكم جميعا

يارب تكونوا بخير

بعتذر جدا عن تقصيرى معاكم

ومع مدونتى

فى شوية حاجات كده شاغلانى

ان شاء الله قريب ارجع اتواصل معاكم تانى

اشوفكم على خير دايما ان شاء الله

مشروع نقابة المدونين!!

2011-10-07T00:24:00.009+02:00

كل مدون بيحلم بحفظ حقوقه الادبية والفكرية

كل مدون بيحلم انه مايلاقيش تدوينته منشورة بإسم شخص تانى بعد ماتعب فيها
إحنا كمدونين من حقنا يكون فى جهة تحمى حقوقنا الادبية والفكرية من السطو عليها

الجهة دى لازم تكون نقابة
ايوة نقابة للمدونين ماتستغربوش
دى مجرد فكرة بدأت بحوار عادى ببين اخواتى المدونين
مصطفى سيف صاحب مدونة
طير الرماد
ورحاب الخضرى صاحبة مدونة
فتافيت ربع قرن
ونهى صالح صاحبة مدونة
كلام فاضى
وتحولت لحلم كبير بنحلم بيه ونفسنا نحققه علشان نحفظ حقوقنا بشكل محترم

لو الفكرة عجبتكم انشروا البوست ده فى مدوناتكم ...
ولو انتشرت الفكرة ولاقت ترحيب ساعتها هنقدر ننشر التفاصيل وندخل فى تنفيذ الفكرة
مش هنقدر ننفذ فكرتنا لوحدنا شاركونا أرائكم وأفكاركم وأى استفسارات لكم....على أى مدونة من المدونات التلاتة
كلام فاضى
طير الرماد
فتافيت ربع قرن

(يمكن الفكرة تكون مستحيلة بس لو حاولنا مع بعض هنقدر نحولها لواقع)

وهنا الفان بيدج ॥إضغط॥بتاعة المشروع
شاركونا

حظك اليوم!!!

2011-10-01T23:30:00.001+02:00

عندما تستيقظ صباحا وتقع فى يدك جريدة تبحث فيها عن باب حظك اليوم فإن هذا ربما يعد أمرا من أمور التسلية والترفيه لأنك غالبا لاتصدق ماجاء فيه ولا تهتم به

ولكن إن كنت تجلس أمام شاشة التلفزيون تبحث عن برامج الفلك وتفسير الأحلام وتوقع المستقبل فإعلم أنك تسقط فى بئر السراب وتتبع الاوهام ،

منذ بضعة أيام كنت أتجول بين المحطات التلفزيونية باحثة عن شىء أشاهده فوجدت برنامجا على أحد القنوات الخاصة التى إبتلينا بها مؤخرا

كان البرنامج مخصص لعالم الفلك ويستضيف إمرأة من هؤلاء الذين يطلقون على أنفسهم علماء

كانت السيدة تتحدث عن الفلك والمستقبل وتتنبأ بأحداث المستقبل لبعض المتصلين...وعلى ذكر المتصلين فقد هالنى هذا الكم العجيب من الإتصالات التى تلاقاها البرنامج على مدار ربع ساعة تابعته فيها ونوعية الاسئلة التى يطرحها المتصلين وكذلك إجابات تلك السيدة عليها

فأذكر مثلا على سبيل المثال إتصال أحد الأشخاص ليستفسر عن مستقبل علاقته بزوجته ومدى تأثير الأبراج عليها خصوصا أنهما منتميان لبرج فلكى واحد

فجاء الرد المعجزة من السيدة العالمة بمجريات الأمور بأنه كان من الواجب أن يتحرى الدقة قبل أن يختار زوجة تنتمى لنفس البرج الفلكى المنتمى هو إليه وأخبرته بأن زيجتهما فاشلة مهما طال العمر وأن نهايتهما معا ستكون الطلاق لامحالة

إتصال آخر جاء من رجل يستفسر عن حلم ترى فيه إبنته بأن والدتها حامل على الرغم من أن عمر امها فى الحقيقة تخطى الخمسون عاما

فكان رد السيدة وبكل ثقة بأن زوجته ستصبح حامل بالفعل فى القريب العاجل، ولا أدرى على أى أساس قامت بتفسير هذا الحلم...

ماهذا الهراء؟

سيدة عادية جدا تحكم على علاقات الناس بالفشل والنجاح وتتنبأ لهذا بزواجه القريب وذاك بطلاقه العاجل

وللأسف أعتقد أن من يقرر الإتصال بمثل هذه البرامج يكون مهيأ تماما لتنفيذ ما يرد له من إجابات وإن لم يفعل فعلى الأقل سيتذكر ماسمعه فى كل مشكلة تواجهه

فعموما نجاح أو فشل تلك البرامج يعتمد على كثافة الإتصالات الهاتفية الواردة له فمنذ سنوات قليلة كان المخصص لما يسمى بعلم الفلك عبارة عن فقرة صغيرة لا تتجاوز الربع ساعة ضمن فقرات متعددة فى أى برنامج منوعات ومع زيادة المهتمين به من الجمهور بدأت الفكرة تتسع لتصبح برامج كاملة بل هناك أيضا بعض الخطوط التليفونية المفتوحة دائما وعلى مدار اليوم لتلقى الإتصالات من المهتمين بهذه الأمور وهم للأسف كثيرين

ولكننى لا أعرف ماهو السبب تحديدا لإنتشار هؤلاء المنجمين

فهل السبب مثلا هو البعد عن الدين وإنتشار الجهل وتراجع ثقافة المجتمع؟

ام السبب ربما يكون أن الناس الأن أصبحوا يبحثون عن أسباب يرجعوا إليها أسباب فشلهم فى بعض نواحى الحياة

عموما إن كان السبب يرجع لأى سبب من تلك الأسباب فلابد فى النهاية أن نعلم أن الغيب لايمكن لأحد معرفته أو التنبأ به ولا يعلمه إلا الله سبحانه وتعالى

وإن حدث وتنبأ أحدهم بشىء ما وتحقق من قبيل الصدفة ........ فعلينا ألا ننسى أبدا:

كذب المنجمون ولو صدقوا

نكرههم...ولكن؟

2011-09-11T08:04:00.000+02:00

لا نختلف كمصريين بجميع الفئات والطبقات على كراهية إسرائيل

بل ونتمنى أن تمحى تماما من الوجود

ولكن بالرغم من ذلك إلا أن الأغلبية كانت ضد إقتحام السفارة الإسرائيلية يوم الجمعة

نظرا لعدم مسؤلية هذا التصرف الذى يعد انتهاكا للقانون الدولى

فمن حق الشعب أن يعبر عن غضبه كما يشاء ولكن دون إنتهاك للقوانين وهذا ليس دفاعا عن إسرائيل بالطبع ولكن دفاعا عن مصر التى وضعت فى موقف حرج أمام العالم

وهذا الكلام لاينطبق على سفارة إسرائيل فحسب فإن مصر عليها حماية أى سفارة على أرضها سواء كانت تلك السفارة سعودية أو أمريكية أو لأى دولة

وكذلك أى دولة فى العالم عليها أن تحمى السفارات على أرضها

هكذا يقول القانون

إن إسرائيل بالفعل لاتحترم القوانين وترتكب ممارساتها القذرة فى حق الفلسطينيين

ولم تحترم المعاهدة على الحدود مع مصر

ولكن حدث إقتحام السفارة تحديدا أعطاهم الفرصة لإستغلال الموقف

فرئيس وزرائهم تحدث عن أنهم تعاملوا مع الموقف برجاحة عقل

أى رجاحة عقل هذه ؟

أين كانت رجاحة العقل هذه من قبل على الحدود وأين كانت مع أطفال فلسطين

ولكن تلك هى إسرائيل فهم لن يفوتوا فرصة أن يظهروا أمام العالم كأصحاب حق ومعتدى عليهم وملتزمون بمعاهدتهم معنا ونحن من يتسم بالهمجية وسوء التصرف...إنها لعبة السياسة التى يلعبوها بإجادة وإحتراف ونحن للأسف لم نتعلم شىء من التاريخ

ربما يكون السبب فيما حدث هو عدم تلبية مطالب المتظاهرين بطرد السفير ردا على حماقات الجيش الإسرائيلى على الحدود

فبدأ الأمر بهدم الجدار المستفز الذى كان قرار بناؤه قرارا خاطئا

حقا علينا حماية السفارات ولكن ليس ببناء جدران أمامها

ولكن هناك تساؤل

ما كل هذا التهاون من قبل الأمن

كان من المفترض أن يقوم الأمن بالتحرك قبل تفاقم الوضع

فلا فائدة حدثت من إقتحام السفارة...فالفائدة ستكون لإسرائيل التى تسير بالمثل المصرى القائل(ضربنى وبكى وسبقنى وإشتكى)

ربما كان تكريم أحمد الشحات الذى قام بإنزال العلم الإسرائيلى للمرة الاولى من فوق السفارة أثرا فى نفوس البعض مما جعل بعض الشباب يصعد للسفارة مرة أخرى لإنزال العلم والحصول على تكريم مماثل

كان قرار تكريم الشحات قرار خاطئا ايضا

فإن جاء التكريم من الشعب فهذا طبيعى لأن الشعب المصرى يرى بعض الراحة والتشفى فى إحراق العلم الإسرائيلى مثلا فما بالك بإنزاله من فوق سفارتهم

ولكن عندما يأتى التكريم من الحكومة فيعد ذلك تشجيع للمزيد من تلك الأفعال فى ظل وقت حرج جدا يمر على البلاد

لم نستفد بأى شىء من أحداث إقتحام السفارة ومديرية أمن الجيزة ووزارة الداخلية سوى ضياع حق شهدائنا على الحدود

وتفعيل قانون الطوارىء

كم أتمنى أن نقف جميعا كمصريين صفا واحدا فى وجه من يريد إسقاط الثورة

حتى تمر تلك الفترة العصيبة وتصبح جزءا من التاريخ.

حد فاهم حاجة؟؟؟؟

2011-09-10T02:11:00.003+02:00

هو ايه اللى بيحصل بقى بالظبط؟

كل سنة وانتم طيبين

2011-08-31T03:09:00.002+02:00

كل سنة وانتم طيبين

وعيد سعيد عليكم جميعا

يارب كلكم تفرحوا

وتكونوا مبسوطين وفرحانين بالعيد

انتم وكل اللى بتحبوهم ياااااااااارب

لو فى حد زعلان من حد يسامحه ولو فى حد مزعل حد يصالحه....تنفع اغنية على فكرة:)

كل سنة وانتم طيبين

وأشوفكم على خير:)

لماذا يدافعون عنه؟

2011-08-13T03:55:00.005+02:00

منذ قيام الثورة وهناك انقسامات فى أراء المصريين حول محاكمة مبارك...هناك من يرغب فى محاكمته بأقصى سرعة ممكنة
وهناك من يرى بأن المحاكمة بلا جدوى فهو رجل طاعن فى السن وإقتربت نهايته

فلماذا نحاكمه وهو سيكون بين يدى الله ربما قبل إنتهاء محاكمته؟

هناك الكثير من المصريين مؤيدون لمبارك فيخرجون فى مظاهرات للهتاف بإسمه

أو ربما يصل الأمر للاشتباك بالإيدى مع المعارضين له وهذا الأمر فى حد ذاته لا يتفق أبدا مع الديمقراطية التى قامت لأجلها الثورة

فالمعارضين يرون أن المؤيدين لمبارك هم من أنصار الحزب الوطنى أو كما يطلق عليهم(فلول النظام)
ولكننى لاأعتقد ان جميع مؤيدى مبارك من الحزب الوطنى وفلول النظام
ربما فكرت فى الامر كثيرا ووجدت تصورا أعتقد أنه ربما يكون قريب بعض الشىء من الحقيقة

مع إحترامى بالطبع لجميع الأراء المؤيدة للنظام السابق

...فبعض المؤيدون لمبارك لم يتجرعوا من نظامه كؤوس الظلم

لم يستيقظ احدهم وفتح صنبور المياه فى منزله فوجد مياه الصرف الصحى بدلا من المياه النظيفة

لم يتعب فى إيجاد وظيفة لإبنه الذى صرف لأجله كل مايملك وربما إستدان من الناس ليصبح إبنه شخص متعلم

ربما لم ينم ليالى طويلة يفكر كيف يساعد إبنه المقبل على الزواج فى إيجاد شقة بسيطة

لم يتأثر بالغلاء وإرتفاع أسعار السلع
كما أنه لايعرف أحد شهداء الثورة معرفة شخصية

فلماذا يطالب بمحاكمة مبارك؟

البعض الآخر من المؤيدين هم أشخاص بسطاء جدا ولكن تغلبت عليهم العاطفة

على الرغم من الضرر الذى أصابهم من نظام مبارك

فهم يرون أنه أخذ جزاؤه ويكفى ما ألم به من إهانة فإن كانت هناك له سيئات فإنه أيضا له حسنات وعلى الشعب مسامحته نظرا لسنه الكبيرة وإنجازاته العظيمة

بالطبع كل رئيس له إنجازات وله من المميزات كما له من العيوب

ولكن إن كنا سنعفى مبارك من المحاكمة نظرا لأنه أصبح طاعن فى السن

فعلينا ان نسأله أولا لماذا لم يترك الحكم عندما شعر بأمراض الشيخوخة ؟

لماذا لم يهتم بشكاوى البسطاء ؟

وظيفة الرئيس...أى رئيس أن يهتم بشعبه ويحاول تحسين حياته والظروف المحيطة به

أعلم أن الفقر لم ولن يختفى والفقر ليس إهانة لأصحابه وعموما أعظم دول العالم مكتظة بالفقراء

فليس من العيب أن يعيش المرء فقيرا ولكن كل العيب ان يعيش بدون آدميته

وأن يرى أبسط حقوقه تهدر أمامه

ويرى من الإهانة مايكفى إن خرج عن صمته وطالب ببعض من هذه الحقوق

ولذلك فربما نرى معظم من هم معارضين مبارك يستمتعون بما يحدث له

ونظرات الشماتة فى عيونهم واضحة كالشمس

أرى أنه يجب أن تكون هناك محاكمة عادلة لمبارك

حتى وإن لم يكن مبارك مذنب فى كل مانسب إليه من إتهامات
فعلينا ان نحاكمه لأنه لم يهتم بشكوى الناس

وترك حاشيته تعيث فى الأرض فسادا

سنحترم كلمة القضاء

لكن لن يستطيع من لديه ثأر لدى مبارك ان يراه طليقا دون حساب عما فعله به من قبل

المهم فى كل ذلك أن يكون حكما عادلا

لا يظلم مبارك ولا يظلم اصحاب الحقوق

المرأة مفتاح كل كارثة!

2011-08-07T01:45:00.002+02:00

مظلومة هى المرأة...دائما مايلقى على عاتقها كل أسباب الفشل على الرغم من أنها صاحبة فضل على جميع من حولها

أصبحت المرأة هى كلمة السر الوحيدة لكل كارثة تحدث على وجه الأرض وفى اعماق البحار ،

عندما أكل آدم من التفاحة قالوا أن حواء هى السبب فهى التى إستطاعت أن تقنعه وتتسبب فى عصيانه لربه وبالرغم من قول الله تعالى "فوسوس لهما الشيطان"

إلا أن كل الأقاويل والأساطير والحكايات تتهم حواء حتى عصرنا هذا بأنها المتسببة فى نزولها وآدم إلى الأرض ،

وليت هذا فحسب فجميع مشاكل الثأر مثلا والتى تتسبب فى قتل الكثير من الرجال وفقدان العائلات لأبنائها المتهم الأول فيها إجتماعيا وليس قانونيا بالطبع يكون إمرأة على الرغم من أن الجانى يكون رجل وهو من حمل السلاح وأزهق روح المجنى عليه....والتهمة هنا تكون بأنها هى من حرضت على الآخذ بالثأر وأقنعت رجال العائلة به حتى تهدأ نارها...ولكن من الذى نفذ الجريمة؟ فهذا لا يهم

عندما تتزوج الفتاة...أى فتاة....يكون هدفها هو استقرار حياتها مع من تزوجت به وأن تجد السعادة فى بيتها الجديد

ولكن إن حدث وفشلت تلك الزيجة أو دبت المشاكل لاقدر الله يقع عبء الفشل على كتفيها هى فقط بحجة أنها لم تستطع المحافظة على هذا البيت أو ربما يقع العبء على حماتها لأنها إمرأة متسلطة ولم تترك بيت إبنها إلا حطاما أو ربما يقع العبء على أم الزوجة التى لم تلقن إبنتها دروس الحياة الزوجية التى تجعلها زوجة سعيدة ، وسواء كانت هذه أو تلك ففى النهاية ثلاثتهن إمرأة

ومثالا صغيرا أيضا...

عندما يفشل أحد الأبناء فى الدراسة تتجه أصابع اللوم نحو الأم حتى وإن كان الأب على قيد الحياة وعمله لا يعوقه فى مباشرة أبنائه إلا أن كلمة" تربيتك ياهانم" تكون أولى كلمات العتاب والقهر التى تسمعها الزوجة وذلك بإعتبار ان الأم مدرسة وكأن تلك الأقوال والأشعار قيلت خصيصا ليتخلص بعض الرجال من المسئولية

ومن الغرائب عندما نجد رجلا ثريا سقط فى حب إمرأة ثم قتلها بعد ذلك فيقال أنها السبب فى ضياعه على الرغم من أنه الجانى وهى المجنى عليها وهو من قتل وهى من دمرت حياتها على يديه

واخيرا ...عند سقوط أنظمة الدول الكبرى يتم إتهام زوجة الرئيس بأنها السبب الأوحد فى فساد النظام بالرغم من أن الحاكم رجل وهذا ما حدث مع بن على فى تونس ومبارك فى مصر وربما يكون هذا صحيحا ولكن علينا ان ننظر مثلا إلى اليمن فهناك فساد ولكن لاتوجد سيدة اولى نتهمها بالتسبب فى هذا الفساد

وبذلك وفى كل الإحوال أصبحت المراة هى الشيطان المرئى والمفتاح الوحيد لكل كارثة سواء كان ذلك بذنب أو بدون...

رمضان كريم...اول تدوينات اغسطس

2011-08-01T01:50:00.004+02:00

كل سنة ونتم طيبين وبخير

بما ان النهاردة اول يوم فى شهر رمضان ربنا يتقبل منا صيامنا وصلاتنا

وبما ان النهاردة اول يوم فى حملة تدوينات اغسطس

قررت ادمج الموضوعين مع بعض

ممكن اكلمكم عن ذكرياتى فى رمضان؟

وانا صغيرة بدات اصوم من ابتدائى كان صيام ساعة كده ولا اتنين لغاية واحدة واحدة ماكملت اليوم كله

لغاية مابقيت فى رابعة ابتدائى وعرفت اصوم الشهر كله بالكامل

فوانيس رمضان زمان كانت احلى بكتير رغم يعنى انها ماكنتش بتغنى لكن كانت بتنور كل الناس اللى فى سنى يفتكروها

وكان فى كمان الفانوس ابو عصفورة

انا بحب اوى لقمة القاضى وبلح الشام وبحب فى رمضان اكل البفتيك والمكرونة بالبشاميل

زمان رمضان كان مختلف مفيش مسئولية مفيش التزامات مفيش اى حاجة غير اللعب وفوازير نيللى وشريهان وطبعا بوجى وطمطم :)

دلوقتى فى مسئولية والتزامات وناس انا مسئولة عنهم مش بعرف استمتع اوى زى الاول

كمان الدنيا نفسها بقت مختلفة مش عارفة انتوا حاسين بكده ولا انا بس اللى عندى الاحساس ده

بس السنة دى بدأ احساس رمضان يرجعلى وانا شايفة بنتى بتلعب ومبسوطة بالفانوس

انا رغيت كتير اوى والكلام مش مرتب .....مش كده؟

كمان انا مقصرة معاكم لانى تعبانة شوية معلش اعذرونى

انا هسيبكم مع اغنية رمضانية بحبها اوى مش عارفة ليه كل ما اسمعها بعيش فى جو رمضان زمان ...رمضان ايام الطفولة...بعيط لما بسمعها

كل سنة وانتم طيبين ...ورمضان كريم

معلم أنت أم سفاح؟

2011-06-28T02:24:00.000+02:00

لم أكن قد شاهدت مقطع الفيديو المتعلق بمدرس زفتى المتهم بضرب تلاميذه الصغار فلم أستطع مشاهدة المقطع نظرا لفرط بشاعة ماسمعت عن قسوة المدرس وأسلوبه وكذلك هلع الصغار منه...

ولكن اليوم وبالصدفة شاهدت هذا الفيديو الذى كان معروضا فى أحد البرامج لمناقشة الأمر مع متخصصين فى شئون التربية ...عندما شاهدت هذا المدرس وهو يضرب فتاة صغيرة ربما لم تتعدى الثالثة من عمرها بمنتهى الوحشية تخيلتها إبنتى ....تخيلت أن هذا السفاح يضرب إبنتى لا قدر الله لأنها أخطأت فى كتابة كلمة أو قراءة معلومة وإعتصر قلبى الألم والحزن عندما وضعت نفسى فى مكان والدة الطفلة المسكينة هذه...أعتقد أننى لو كنت فى موقف الأم لم أكن سأكتفى بإيقاف المدرس عن العمل أو مجازاته أو محاكمته أو حتى إعدامه ولكننى أعتقد بأن الذى سيرضينى قبل هذا كله هو أن أجعله يتجرع من نفس الكأس وكنت سأصر على أن أقتص بنفسى لهذه الطفلة الصغيرة ولكرامتها المهدرة وأجعله يشعر بالمهانة أمام تلاميذه مع كل ضربة سأعطيها له من العصا التى أهان بها الطفلة

لو كنت أعرفه شخصيا لسألته ما الذى إستفاده من تلك الجريمة التى إرتكبها فى حق أطفال غادروا منازلهم طالبين العلم؟

وما المتعة التى شعر بها فى كل مرة ضرب تلميذ وجعله يكره التعليم؟

أريد أيضا أن أسأل أولياء أمور التلاميذ...ـألم يأتى لكم أبنائكم ذات مرة ليشكوا لكم أفعال معلمهم؟

ألم تأخذوا شكواهم ولو لمرة واحدة على محمل الجد وتصدقوهم أم أن لديكم ماهو أهم من أبنائكم...أم أنكم ترون أن هذه هى الطريقة المثلى لتوصيل المعلومة وترسيخها فى عقول الصغار؟؟؟

المعلم فى المدرسة هو بمثابة الأب فيجب أن يكون عطوفا حنونا ويجب أيضا أن يكون حازما فى بعض الأحيان ولكن ليس بهذه الطريقة الوحشية لأن دوره الحقيقى هو تقديم أجيال نافعة للمجتمع بعد أن يزرع فيها المبادىء والأخلاق الحميدة بالإضافة إلى العلم الذى يقدمه لهم

ربما الكثير والكثير من جرائم مثل هذه إرتكبت فى حق الصغار من التلاميذ ولكن لحسن حظ مرتكبيها أنها لم تكن جرائم مصورة كهذه الجريمة

ولذلك فيجب من الأن عدم قبول أى شخص كمعلم إلا بعد إجراء إختبارات نفسية وتحديد ما إذا كان سيصلح كملعم من عدمه

حتى يكون على دراية بكيفية فصل حياته الشخصية عن العمل ولا يتخلص من مشاكله الخاصة وإخراجها بصورة عنيفة على تلاميذه تؤدى بهم لكراهيته وكراهية كل المعلمين بل وكراهية العلم ذاته

هناك أمرا هاما ايضا حتى لا نعتمد على الصدفة فى كشف مثل هذه الجرائم من خلال المواقع الإلكترونية فأعتقد أنه يجب وضع كاميرات مراقبة فى كل الفصول للكشف عن أى إعتداء على حقوق التلاميذ

ولكل معلمى ومعلمات هذا الوطن إتقوا الله فى تلاميذكم ....وعاملوهم كأبنائكم.

الديكتاتور الذى بداخلك!!!

2011-06-24T00:23:00.000+02:00

هل تعلم أن بداخلك ديكتاتور؟

نعم...بداخلك يوجد ديكتاتور..إننى لا أظلمك

بالفعل بداخل كل منا ديكتاتور يسكن فى أعماقه ويتحكم فيه قبل أن يجعله يتحكم فى الآخرين فالديكتاتورية الأن سمة أساسية من سمات هذا العصر على الرغم من أن الجميع ينادى بحرية الرأى ولكن فى واقع الأمر الديكتاتورية هى التى تحكم ودعنى أعرض عليك بعض أنواع الديكتاتورية لتختار بنفسك أى من تلك الأنواع تمارسه أو يمارس عليك:

-الديكتاتورية السياسية: هذا النوع من الأنواع الخطيرة التى تدمر شعوبا وبلدان فالحاكم الديكتاتور يستبد برأيه ولا يتقبل أى أراء أخرى وفى سبيل تنفيذ رأيه الذى ربما يكون خاطىء يصدر أوامره التى لاتخدم سوى أفكار عقله المحدود ضاربا عرض الحائط بمصالح الشعب والبلاد..

-الديكتاتورية الأبوية:هذا النوع تتعرف عليه منذ طفولتك حيث يختار لك أبويك ملابسك وألعابك وأصدقائك ومدرستك وماذا تأكل ومتى؟ وربما يفرضون عليك الذهاب لزيارة بعض الأقارب الذين تبغضهم وفى خطة تنفيذ مستقبلك يحدث الصدام نظرا لإختلاف الأراء ولأن أبويك يريدونك تنفذ ما يرونه صحيحا حتى وإن كان ضد رغباتك....وبالتبعية ولأن هذا النوع يعد وراثيا تبدأ أنت فى ممارسة الديكتاتورية هذه مع أبنائك غير عابئا بشكواهم لأنك ترى أن تفكيرك هو الأفضل وانت الأعلم بمصالحهم وبذلك تتسلم انت الراية وتسلمها لأبنائك من بعدك لأن هذا النوع من الديكتاتورية تتوارثه الأجيال

الديكتاتورية التعليمية:ربما ماتتعلمه فى الصغر يؤثر على حياتك بعد ذلك بشكل كبير ولذلك فإن دور المعلم له أهمية قصوى فى حياتك ولكن إعلم جيدا وكن على يقين بأن المعلم وبدون قصد يدس لك وجهة نظره فيما ينقله لك من علم ناهيك عن كم الواجبات الدراسية التى تتحمل عبئها وحدك بعد يوم دراسى شاق خوفا من كميات التهديد التى تخشاها إن لم تقم بإنهاء واجباتك

الديكتاتورية الزوجية:وهذا النوع تحديدا نستطيع ان نجزئه لفرعين نظرا لأهميته ولأنه الصراع الأبدى الذى لاينتهى:-

-ديكتاتورية الزوج: الزوج فى مجتمعنا ديكتاتور بطبعه نظرا لنشأته التى أقنعته بأنه سى السيد الذى لاترد كلمته ابدا

أحيانا يمارس ديكتاتوريته منذ الصغر على شقيقته مثلا ببعض الطلبات الخفيفة المغلفة ببعض الكلمات من الأم (اسمعى كلام اخوكى- شوفى طلبات اخوكى-انتى البنت وهو الولد) فينمو عقل هذا الطفل على فكرة أنه الأفضل ويجب على كل من حوله من (الحريم) تلبية طلباته فى لمح البصر

ومن بداية زواجه يبدأ فى ممارسة الضغوط على زوجته للتأكد من حصارها تماما ولكى تؤمن بأنه الشخص الأعلم بمجريات الأمور وأن ليس لها أدنى حقوق المناقشة متخذا من بعض الأيات القرآنية والأحاديث الشريفة سندا لأفعاله فقط لأنه لا يفهم معناها

وإن كان كل من يتخذ كلام الله ورسوله يفهمون المعانى جيدا ماكان وصل الأمر بالبعض لقطع الأرحام مثلا فى بعض الأحيان نظرا لأنه يكره حماه أو حماته أو أحد أشقاء الزوجة

-ديكتاتورية الزوجة: هذا النوع ربما يكون هو الأطرف على الإطلاق فالزوجة ربما لاتمتلك حق إصدار الأوامر المباشرة ... فطبيعة معظم الرجال لاتتقبل أبدا الإنصياع لأوامر زوجاتهم على الرغم من أنه ربما ينصاع لأوامر إمرأة أخرى لو كانت رئيسته فى العمل مثلا

ولكن الزوجة تعرف كيف تنفذ ماتريد بعقلها وليس بصوتها فهى تستطيع ان تحصل على أى شىء تريده بطريقتها الخاصة وكل إمرأة لها أسلوب فهناك من تستخدم سلاح الدموع وهناك من تتدلل وهناك أيضا أسلوب الإلحاح الذى يسميه الأزواج(الزن) ولكنها فى النهاية لاتغلب

وبذلك أعتقد أنك عرفت أن هناك ديكتاتور بداخلك فعلا ....وعليك أن تحدد من أنت فى كل هؤلاء!!!

حاجة لازم أعتذر عنها قبل ما أرجع أكتب تانى

2011-06-07T01:26:00.001+02:00

طبعا كلكم متفقين معايا ان مش عيب اننا نعتذر على حاجة غلط عملناها

خصوصا لو كانت الحاجة دى ناس كتير بتشوفها وممكن تقتنع بيها

انا قبل ما أرجع أكتب تانى كان لازم اعتذر عن تدوينة كنت كتبتها أيام الثورة

التدوينة كانت عن وائل غنيم لو تفتكروها

كتبتها بعد ما ظهر مع منى الشاذلى فى الحلقة الشهيرة

اللى بكى فيها وكل الناس تقريبا تعاطفت معاه

انا كنت واحدة من اللى تعاطفه معاه

وبسرعة كتبت تدوينه للاسف وصفته فيها بأنه بطل

طبعا مع احترامى لكل الناس اللى شايفاه بطل انا خلاص مابقتش شايفاه بطل لان فى حاجات كتير سمعتها وعرفتها شككتنى فى حكاية البطولة دى

والاختلاف فى الرأى لا يفسد للود قضية

انا بعتذر عن التدوينة دى وحذفتها كمان

انا شايفة انه كان عيب اوى انى افضل محتفظة بالتدوينة على صفحات المدونة

أشوفكم على خير

انا جيت

2011-06-03T23:30:00.002+02:00

ازيييييييييييييييييييييييكم يامدونين ومدونات البلوجر

وحشتونى ووحشتنى مدوناتكم وتدويناتكم

يارب تكونوا جميعا بخير انا رجعت الحمد لله بعد اجازة طويلة

كنت زعلانة انى بعيد عن المدونة بس غصب عنى لانى كنت تعبانة شوية

ان شاء الله مش هبعد عن مدونتى تانى ابدااااااااا

ايه الاخبار وايه الجديد؟

عاوزة كل الاخبار بسرررررررررعة جدا لانى متهيألى انى كنت غايبة كتير

اشوفكم على خير:)

اعذرونى وماتزعلوش!

2011-04-04T23:04:00.003+02:00

ازيكم

اخباركم ايه؟؟؟

انا مش هعرف ادخل المدونة كام يوم ومش هعرف اتابعكم لفترة

بس ان شاء الله تكون فترة قصيرة

انا عارفة انكم هتعذرونى

اشوفكم على خير:)

أرجوكم إمنعوا هذا البرنامج!!

2011-03-25T15:25:00.000+02:00

منذ سنوات ليست بقصيرة إقتحمت شاشات التلفزيون برامج من نوعية الكاميرا الخفية

وكنا قد تقبلناها بالرغم من سخافة البعض منها ومبالغة البعض الآخر

للدرجة التى تجعلك تشعر بأنك تشاهد فيلما سخيفا لا برنامج فكاهيا।

وكانت آخر هذه البرامج برنامج إسمه أرجوك ماتفتيش

يعتمد فى فكرته على مذيعة تتجول مع الكاميرا بالشوارع

وتسأل بعض الناس الذين من المفترض أنها تختارهم بشكل عشوائى

أسئلة عن أشياء لاوجود لها وأشياء مستحيلة الحدوث।

وياللعجب!!

فجميع ضيوف البرنامج يجاوبونها بمنتهى الثقة بإجابات لاتمت للواقع بأى صلة

فأذكر مثلا إحدى الحلقات التى كان السؤال فيها عن الفيس بوك والفرق بينه وبين النوت بوك!

فجاءت الإجابات كلها خاطئة وساذجة وبلهاء ومبالغ فيها بشكل عجيب

فمن منا الأن لايعرف ماهو الفيس بوك؟

وحتى إن كان هناك من لايعرفه...

ألا يوجد شخص واحد فقط يعرف ماهو الفيس بوك على مدار حلقة كاملة؟

هذا ماجعلنى أستشف أن هؤلاء الضيوف مأجورين وغير حقيقيين॥

ولذلك فإن المسؤلين عن البرنامج والقناة التى تبثه يستخفوا بعقول المشاهدين

كما أنهم يسيئوا للشعب المصرى بالكامل ويظهرونه على أنه شعب جاهل وساذج

وإن رأى أحدكم بأننى أبالغ فيما أقول

فعليه أن يتابع إحدى حلقات البرنامج المستفز بأسئلته السخيفة

ليرى بنفسه كيف تتعامل المذيعة الباهتة الأداء مع ضيوفها وكيف تسخر منهم ومن إجاباتهم...

كل تلك الأشياء تجعلك تقف رافعا يديك إلى السماء راجيا من الله تعالى

بألا يشاهد أحد من داخل مصر أو خارجها مشهدا واحدا من هذا البرنامج

إننى أتمنى عدم إذاعة هذا البرنامج مرة اخرى

كما أتمنى عدم إعطاء الحق لأى قناة عربية بأن تقوم ببث هذا البرنامج

فإن كان هناك من يستخف بالمصريين فى الماضى

فلا يصح أبدا الأن أن يستخف أحدا بشعب يصنع تاريخه بنفسه।

أعداء الثورة الحقيقيين!!

2011-03-23T20:20:00.000+02:00

إنتشرت فى الآونة الأخيرة على مواقع الانترنت قوائم تمتلىء بأسماء المشاهير

تحت إسم اعداء الثورة.. ربما لأنهم لم يتحدوا مع الثورة منذ البداية॥ولكننى أعتقد أن هؤلاء ليسوا أعداء الثورة الحقيقيين فإن كان لهم رأى مختلف فعلينا ان نتقبل الرأى والرأى الأخر لأننا نريد أن نطبق الديموقراطية كما ينبغى॥ولكننى ارى ان هناك آخرين يستحقون لقب أعداء الثورة عن جدارة...

ولن اطيل حديثى وسأقص عليكم الأن واقعة حدثت لى جعلتنى أكتشف ان هناك من لايعبأ بالثورة ولا يحاول ان يغير من نفسه ليواكب مايحدث من تطورات وربما ايضا لايهتم بارواح الشهداء.

ذهبت امى لشراء قطعة ملابس من متجر كبير وإكتشفت بعد ذلك أن بها عيب صغير ولكنه ليس ببسيط

فذهبت معها فى اليوم الثانى لإستبدال القطعة بأخرى مشابهة

وبالطبع لم يمانع صاحب المتجر ولكنه أنبأنا بأن تلك القطعة كانت الاخيرة

وعرض علينا ان نختار شيئا من البضاعة المعروضة

وبالفعل اخذنا فى البحث عن شىء ملائم

ولكننا لم نجد خصوصا وأننا إكتشفنا أن معظم البضاعة لديه بها عيوب

وهذا جديد علينا لأننا نتعامل معه منذ زمن فلم يكن أمامنا إختيار أخر سوى أن نسترد النقود

ولكن صاحب المتجر رفض بشدة أن يعطينا النقود بحجة أنه قام بتقييد قيمتها فى دفاتره

ودار بيننا الحوار التالى:

- انا مش هينفع ارجعلكم الفلوس لانى خلاص سجلتها عندى

- أيوة بس هو مش فى حاجة اسمها سياسة المستبدل والمرتجع؟

- لا مفيش انا معنديش حاجة اسمها كده

- ازاى اذا كنت انت سمحتلنا اننا نبدلها من الاول يبقى اكيد من حقنا اننا نرجعها

- لا مش من حقكم لانى بشترط على الزبون ان مفيش حاجة بترجع المحل تانى

- طيب يبقى حضرتك كنت حطيت يافطة علشان نعرف الكلام ده

وبمنتهى الحدة كان رده:

- يافطة॥يافطة ايه؟ انتى مش هتعلمينى شغلى مفيش حاجة بترجع المحل

واخذ يردد بانه لن يقبل أن يرد لنا اموالنا....

حافظت على هدوئى معه على عكس عادتى تماما ربما لاننى صاحبة حق

وكنت اعلم جيدا ماذا سأفعل إن خرجنا من المتجر بدون النقود

ويبدو انه قرأ أفكارى فوجدته يقول

- بصى انا هديكى فلوسك

اخذنا النقود وانصرفنا وأنا على يقين تام بأنه اعطانا النقود

نظرا لخوفه من لجوئى لجهاز حماية المستهلك لأننى أعرف حقوقى।
كما انه يستغل عدم وجود الامن وغياب الرقابة ويبيع بضائع معيوبة وبها تلفيات بأسعار باهظة

بالرغم من انه فى الماضى كان لديه أفضل البضائع ولكنه إختار الطريق الاسهل للربح।

هؤلاء هم أعداء الثورة الحقيقيين الذين لم يتغيروا وضمائرهم الخربة تمثل خطرا على الثورة...

وهؤلاء هم الذين ينبغى علينا أن نحاربهم ونقطع عليهم الطريق بحيث لايستطيعون إفساد ثورة شباب مصر।

أمى...أجمل كلمة

2011-03-21T15:30:00.001+02:00

امى الحبيبة...

اننى لم اعرف معنى هذه الكلمة جيدا إلا عندما اصبحت اما.....

وعرفت كم تعبتى من اجلى وكم كنت طفلة سخيفة وعنيدة ومتعبة

كل عام وانتى بخير يا امى

اريد ان اقول لكى اننى سعيدة جدا لان الله انعم عليا بكى انتى تحديدا كى تكونى أمى أنا

فحقا أنا محظوظة

أمى الجميلة

أدام الله عليكى نعمة الصحة وأدام عليا نعمة وجودك.

عزيزى المنتحر تحديث(رد للرسالة) من الاستاذ محمد محمود عمارة

2011-03-13T10:52:00.001+02:00

عزيزى المنتحر

تحية طيبة وبعد,

لا أعلم إن كان من اللائق أن أسألك عن أحوالك

ولكننى على يقين تام بأنها ليست على مايرام ..

ولا تسألنى ماالسبب الذى جعلنى أفكر الأن فى ان أرسل تلك الرسالة إليك

بالرغم من عدم تيقنى من أنك ستقرأها أم ستلقى بها بعيدا

لأنك الأن لست فى حاجة لكلمات العطف والمواساة
ولكننى فقط أريد ان أسألك لما فعلت ذلك؟
وكيف هانت عليك حياتك هكذا

وإتخذت من الموت ملاذا للهروب

أعلم بالطبع أنك ستجيبنى بأن السبب هو متطلبات الحياة التى زادت عن الحد

وربما تصارحنى بأنك قاسيت بما فيه الكفاية

من التعب والبحث عن لقمة العيش أو عن العمل
او حتى معاناتك فى توفير متطلبات الزواج
ويأست للدرجة التى جعلتك تترك الدنيا بقرار شخصى منك وبكامل إرادتك

أليس كذلك ياصديقى؟

ولكن

إسمح لى ياصديقى بأن أقول لك انك شخص جبان

نعم...

لا تتعجب من كلماتى هذه

فليست الشجاعة فى أن تترك أبناءك وعائلتك

يواجهون تلك الحياة بدونك بعدما ضعفت أنت من مواجهتها

صدقنى إن وجودك معهم ضروريا

حتى وإن كنت فقيرا لا تجد قوت يومك

ولكن دعنى أسألك

هل أنت سعيد بما فعلته الأن؟
وهل حدث ماكنت تريده وقتلت نفسك من أجله؟
إننى لن أقول لك بأن الله حرم قتل النفس

وأن من يقتل نفسه مخلد فى النار

لأننى أعلم جيدا أنك تحفظ ذلك عن ظهر قلب

بل ومن الوارد أنك رددته لنفسك مرارا وتكرارا

قبل أن تقوم بفعلتك هذه من أجل حفنة قليلة من الجنيهات

حقا يالسذاجتك ..لقد تركت مكانك فى الحياة لآخر ربما لا يستحقه

ولكنه فقط لديه القدرة على المقاومة
لأنه ربما يعلم أن الحياة ليست سوى تعب وربما يبتلينا الله ليختبر إيماننا
ونحن فيها نعيش أحيانا سعداء وأحيانا أشقياء

صديقى فى نهاية رسالتى لك أريد ان أخبرك بأنك تعجلت الموت

وخسرت دنياك وآخرتك
لأنك شئت أم أبيت كنت ستموت لامحالة..

ملحوظة:كنت كتبتها ايام لما كترت حوادث الانتحار قبل الثورة وكنت هنشرها يوم २५ يناير الصبح ولما الثورة حصلت بقى انتوا عارفين الباقى

تحديث:

دى رسالة وصلتنى من الاستاذ محمد محمود عمارة كتبها ردا على رسالتى عجبتنى جدا وحبيت انكم تشوفوها معايا

رسالة من منتحر

عزيزتي نهى

وصلتني رسالتك و قرأتها على عجل لأن وقتي لا يسمح فيومي كله (و الذي لا أعرف مساحته الزمنية لأن اليوم عندنا غير عندكم) أقضيه في ممارسة طقوس انتحاري ، و كنت قد ألقيت بنفسي من شرفة منزلي فلما صرت إلى ما صرت إليه وجدت عقابي في انتظاري ، وجدت ملائكة غلاظ شداد ، صوتهم كالرعد و نظراتهم كالبرق ، صرخوا في : لما قتلت نفسك و أنهيت عمرك ؟ أيأس من رحمة ربك أم قنوط ؟ ثم جروني إلى مكان مثل الجبل الشاهق و أمروني أن أتسلقه و كلما وصلت إلى قمته أمروني أن ألقى بنفسي إلى هاويته ثم جائني صوت من بعيد هذا عذابك إى أبد الآبدين। عزيزتي نهى أرجو منك ، بل أتوسل إليك أن تنقلي رسالتي لكل قانط ويائس حتى لا يناله ما نالني من سوء الخاتمة

التوقيع /

واحد منتحر

كالقطار

2011-03-11T08:56:00.004+02:00

من الان فصاعدا سأصبح كالقطار لن يستطيع احد إيقافى وإن حاول أحدهم فمن المؤكد أننى.......

سأدهسه.

انا زعلانة

2011-03-09T23:30:00.001+02:00

انا زعلانة من نفسى اكتر ماانتم زعلانين منى
مقصرة فى حق مدونتى وحق مدوناتكم وحقكم كلكم
بجد الوقت ملخبط معايا جدا
سامحونى ان شاء الله ارجع قريب وبشكر كل الناس اللى سألت عليا

اشوفكم على خير

الشعب يريد إسقاط النظام...(سلسلة ازمة ضمير)

2011-02-26T20:29:00.001+02:00

-سمعتوا عن المظاهرات اللى هيعملوها يوم التلات الجاى؟

هذا هو السؤال الذى سأله لنا زميلنا الأستاذ حسن وهو ينظر لنا من خلف نظارته الطبية

رد عليه زميلى الأستاذ خليل

-ايوة ياسيدى الواد ابنى قاللى انه نازل هو واصحابه

سألته متعجبا

-ايه ده وهتسيبه ينزل؟

أيوة ودى فيها ايه ياأستاذ أمين وبعدين احنا هنفضل كاتمين على انفاس العيال

لغاية امتى يعنى هنبقى احنا والزمن عليهم ثم انه يعنى ايه اللى هيحصل دول

هينزلوا يقولوا شوية شعارات ويروحوا بيوتهم

- ماشى ياخليل انا معاك انها شوية شعارات بس يعنى شوية العيال

دول وشعاراتهم لاهتقدم ولاهتأخر يبقى ايه لزوم العطلة بس

-اهه بقى يفك عن نفسه شوية ده ياعينى لاعارف يشتغل ولا عارف حتى يعمل مشروع صغير

يبقى يوم ماييجى يفك عن نفسه بكلمتين فى الشارع عاونى اقوله لا؟

عدت الى منزلى وقضيت يوما عاديا مع أسرتى لم أكن مهتم بالمظاهرات المنتظرة

لاننى على قناعة أنها مظاهرات عادية لن تأتى بجديد كالعادة...

ولكن ماحدث لم يكن متوقع أبدا حيث كانت المفاجآت تتوالى واحدة تلو الأخرى بشكل عجيب

حتى ظهر الرئيس فى خطابه الثانى وأعلن عن عدم ترشحه للرئاسة مرة اخرى

وفى أثناء متابعتنا لردود الافعال على الخطاب على إحدى القنوات الإخبارية

قالت ابنتى:

بجد يعنى انا مش فاهمةالناس دى عاوزة ايه بالظبط الريس قال مش هيترشح

تانى وكمان قبلها أقال الحكومة عاوزين ايه تانى؟

رد عليها ابنى الصغير وائل بمنتهى الحماس

-اييييييه يابنتى الجهل اللى انتى فيه ده ازاى فاهمة ان الناس اللى فى التحرير دول هيمشوا قبل التنحى

هما كانوا طالعين رحلة دى ثورة يابنتى افهموها بقى

تدخلت أمه فى الحوار

-انت ياواد يامفعوص انت بتجيب الكلام ده منين مالناش دعوة احنا بالكلام ده

-يعنى ايه ياماما هو انا مش مصرى ولا ايه ؟

وبعدين الاستاذ علاء قالنا نقول رأينا بحريتنا لاننا جيل المستقبل

وكان ضروريا أن اتدخل انا ايضا لاعرف من هو الاستاذ علاء هذا وكيف يبث هذه الافكار فى عقول ابنى

وسألته:

مين بقى ياحبيبى الاستاذ علاء ده وقالك ايه بالظبط؟

-يابابا ده المدرس الجديد وهو بيكلمنا فى كل حاجة واحنا بنحبه اوى وهو دلوقتى زمانه فى التحرير وقالنا ان كل واحد فينا يقول لباباه ولاخواته الكبار انهم ينزلوا...

هو احنا هننزل امتى يابابا؟

-نزلت فى حفرة يابعيد

قالتها أمه وهى فى غاية الغضب ثم أكملت

-اخرس ياواد هى ناقصاك قولتلك مالناش دعوة وبعدين انت لسة صغير

بكى ابنى متأثرا وانهمرت دموعه وهو يتكلم

-ماليش دعوة انا عاوز انزل ده زمان اصحابى هناك مع الاستاذ علاء

قلت له بعد ما مللت من حديثه

-الاستاذ علاء ده زمانه فى امن الدولة دلوقتى بيتمرجح وهو متعلق من ودانه

وقوم نام انت واختك دوشتونى

وفى حوالى الساعة الثالثة بعد منتصف الليل وجدت زوجتى تصرخ وتنادينى من الشرفة

حيث أننى كنت أقف فى نوبات الحراسة مع جيرانى

-ياأمييييييييييين...يأميييييييييين الحقنى ياامين

هرولت مسرعا انا والجيران ظنا منا بأن هناك احدهم اقتحم منزلى

ولكننى علمت من زوجتى

ان ابنتى لديها الم شديد بالبطن

بالطبع انصرف جيرانى وهم ساخطين على زوجتى وابنتى واللصوص والنظام وعلى هذا الفزع اللامعقول ولم ينسوا أن يوجهوا نظرة إشمئزاز الينا قبل ان ينصرفوا

-بقى ندهانى علشان بسلامتها عندها مغص طيب اندهى بالراحة حرام عليكى انا هلاقيها منك ولا من الحرامية اللى انا مستنيهم.... منك لله ياشيخة

-يوه..........ايه ياراجل مش تيجى تشوف بنتك

- هو انا دكتور ياولية...وبعدين بقى فى الست دى يارب ارحمنى بقى

واتجهت الى ابنتى بالسؤال

-انتى اكلتى ايه يابنتى

قالت وهى متألمة

-مفيش يابابا ده حتة البسبوسة اللى كانت فى التلاجة

-!!!!!!!!!!!!!!!!!!!!!!!!!

-اكلتى نص كيلو بسبوسة لوحدك يامفترية اجيب منين دكتور دلوقتى فى حظر التجول ده

-اعمل ايه يابابا كنت جعانة اوى

طلبت من زوجتى ان تعد لها مشروبا دافئا وتعطيها مسكنا حتى نذهب للطبيب فى الصباح

وفى الصباح ازدادت حالة ابنتى سوءا وكان لابد من البحث عن طبيب فى اسرع وقت لاننا اكتشفنا انها لم تكتفى بالبسبوسة بل انها قامت بتناول بعض ثمرات التفاح وعدد من ساندويتشات الجبنة

اصطحبت ابنتى وزوجتى لنذهب الى الطبيب وقبل ان نغادر المنزل اوصيت ابنى بعدم فتح باب الشقة لاى شخص مهما كان

استغرقنا حوالى ساعتين فى مشوارنا هذا وعندما عدنا وفتحنا باب الشقة لم نجد وائل بالداخل

بحثنا عنه فى جميع الغرف دون جدوى

وبدأت امه فى البكاء

-ابنى اتخطف...الحرامية خطفوه

-ياستى وهيخطفوه يعملوا بيه ايه (ده لو قعد معاهم ساعة هيسلموا نفسهم).....

اهدى كده خلينا نفكر

-لالالالا انا عارفة بقول ايه ابنى اتخطف ياامين...هاتلى وائل انا عاوزة وائل

بلغ البوليس ياامين

-بوليس ايه مفيش بوليس دلوقتى

تركتها ودخلت الغرفة لأفكر بهدوء

وذهبت ابنتى لمشاهدة التلفزيون ولم تعبأ بصراخ امها ووصفها لها بالبلاهة لانها لاتهتم بإختفاء اخيها

وفجأة

-يالهوووووووووووووى

هرولت خارج الغرفة لكى افهم سبب صراخ زوجتى

-الحق ياامين ابنك فى المظاهرات وطالع فى التلفزيون

-؟؟؟؟؟؟؟؟؟؟؟؟؟؟؟؟؟؟؟

ردت عليها ابنتى

-مظاهرات ايه ياماما ده تلاقيه راح ياكل كنتاكى

لم أدرى بنفسى الا وانا فى الشارع استقل سيارة ذاهبا لميدان التحرير

كنت احدث نفسى اثناء الطريق

-كده ياوائل تنزل ابوك المظاهرات هو انا بتاع الكلام ده.......طيب والله لاجيبك من قفاك يابتاع الكنتاكى

ومان ان وصلت لميدان التحرير اخذت ابحث عن المحروس ولكننى شعرت وقتها شعورا عجيبا

فالمتظاهرين منظرهم رائع حقا
ولكننى لم أرى وجبات كنتاكى هناك

تمنيت أن اظل معهم

ولكنى حدثت نفسى

-ايه يا امين انت ضميرك الوطنى هينقح عليك ولا ايه اعقل كده وخد ابنك وروحوا

استمريت فى البحث عن وائل ...بحثت عنه طويلا وسط جموع المتظاهرين وفجأة وجدته كان يحمله أحدهم وهو مندمج فى الهتاف

بدأت اقترب منه لتلقينه درس عمره

وعندما رآنى لم يهتز أو يرتبك أبدا بل أنه

أشار الى بالانضمام والهتاف معهم

اقتربت اكثر واكثر الى ان وصلت للمجموعة التى يقف معها

ووجدت نفسى اشاركهم الهتاف

- الشعب يريد اسقاط النظام

______________

النهاردة عيد ميلادى:)

2011-02-23T10:12:00.003+02:00

النهاردة عيد ميلادى

مش دايما بقول للناس وبعرفهم بيوم ميلادى

يمكن كل سنة احساسى بيبقى متناقض اوى ناحية اليوم ده بفرح بيه جدا

وفى نفس الوقت بزعل ان فى سنة مرت وتقريبا لسة ماعملتش حاجة

كمان بفضل افتكر ذكرياتى وانا صغيرة

دايما بفتكرها وعندى حنين ليها

لكن السنة دى مختلفة لان السنة دى مصر كلها بتحتفل معايا

كمان ده اول عيد ميلاد ليا وانا معاكم

بتمنى من ربنا انه يكرمنى ويرضى عنى

بتمنى من ربنا انه يخليلى اسرتى الكبيرة امى وابويا واخواتى

واسرتى الصغيرة جوزى وبنتى

بتمنى من ربنا انه يحفظ مصر

وبتمنى كمان انه ينصر ليبيا وكل الشعوب العربية

آمين

مدونتى على الفيس بوك

2011-02-19T05:19:00.001+02:00

مدونتى اسمها كلام فاضى

ازيكم اخباركم ايه؟

اللى فوق ده لينك صفحة المدونة على الفيس بوك

هستناكم هناك

واشوفكم على خير:))

اتكلموووووووووووووا

2011-02-11T21:14:00.003+02:00

من النهاردة فى كلام يتقال

قولوا اللى عاوزينه

اتكلموا

___________

2011-02-10T23:59:00.000+02:00

مفيش كلام يتقال

الكابوس الذى لم نفق منه بعد!

2011-02-04T17:59:00.000+02:00

نعيش الأن أياما عصيبة تمر علينا وكأنها كابوسا مفزعا لانستطيع الاستيقاظ منه

بدأت منذ الأسبوع الماضى مظاهرات سلمية لشبابا مصريون يطالبون بالإصلاح الديموقراطى

والقضاء على الفساد وتحقيق العدالة الإجتماعية

شعرنا جميعا بالفخر

لأن فى بلادنا شبابا كهؤلاء ظهروا ليمحوا كل الإتهامات الموجهة لهم بالسطحية والتفاهة

ولكن سرعان ماإختلطت الأمور وحدث مالم يكن متوقع حدوثه

فإنتشر العنف بصورة مفزعة واحترقت اقسام الشرطة والمصالح الحكومية

وإشتعلت النيران بالمتاجر والسيارات

وتوالت المفاجآت وإختفت الشرطة

أصبحت البلاد بلا شرطة تحميها وتأمنها

وهرب المسجونين وأصبحوا طلقاء..

وكأنها قيامة سياسية ظهرت علاماتها الكبرى بلا مقدمات

وانتشرت القوات المسلحة بالشوارع وفرض حظر التجول

وانتشرت اعمال العنف والسرقة والبلطجة

وإنعدم الامان...

فكيف لنا أن نشعر بالأمان وهناك المئات من المجرمين ينطلقون فى الشوارع

وتحول كل فرد إلى حارس مسلح أمام منزله

يمسك بعصا أو سكين أو أى شىء يدافع به عن شرفه وأبناؤه وماله

ربما ماحدث لم يكن لأحد ان يتوقعه

وربما ايضا لم يكن يستطيع أعظم الكتاب الروائيين أن يخطوه فى رواياتهم

وحتى إن إستطاع احدهم لكانت سقطت روايته وفشلت لعدم معقولية أحداثها.

كان غريبا موقف الحكومة من تلك الأحداث وكذلك موقف الحزب الوطنى

والأغرب كان موقف الرئيس الذى كثرت الأقاويل عن هروبه وعائلته خارج البلاد

حتى ظهر على الشاشات ليلقى علينا خطابه الاول

حتى الان لاأستطيع تصديق ان ماحدث وما يحدث هو واقع ملموس نعيشه ونعاصره

يتفق الشعب الان بجميع فئاته على شيئين

أولهما حزنه على الأرواح والدماء التى أسيلت

وثانيهما هو اهتمامه الان بالسياسة ومتابعة قنوات الأخبار وانصرافه عن قنوات الاغانى والافلام

الشعب المصرى قبل الثورة التى حدثت كان شغله الشاغل

هو البحث عن لقمة العيش ولم يكن يهتم سوى بأخبار العلاوة وزيادة المرتبات

ربما لأن النظام أخطأ فى غرس الشعب بمشاكل الحياة وأنساه حقوقه الدستورية

ظنا منه بأنه لن يهتم بإجراء إصلاحات سياسية من عدمه

هناك الكثير من الشعب لا يعرف شيئا عن مواد الدستور المصرى

بالرغم من أنه كان من المفروض أن يتم تدريس الدستور فى المدارس

كمادة إجبارية على مدار السنوات التعليمية المختلفة

حتى يعرف كل فرد من الشعب حقوقه وواجباته.

إننى فقط وقبل ان أكتب رأيى فى مظاهرات جمعة الرحيل

أريد أن أؤكد أننى لا أنتمى لأى أحزاب سياسية

ولا أدافع عن أحد بل على العكس تماما

فأنا أرى ان النظام كان به الكثير من الأخطاء

وكان هناك الكثير من الفساد والفاسدون

لا.. بل والمفسدون

خصوصا فى ظل فترة وجود حكومة نظيف

ولكن إنتظروا..

هل سمعتم كم التصريحات المستفزة للبيت الأبيض والدول الاوروبية

الجميع ينتظر أن نسقط

ولن يمد لنا أحد يد العون ليساعدنا كى ننهض من جديد

هل رأيتم كم تأثر إقتصادنا فى هذه الايام القليلة؟

لن ينفعنا العناد...فكلها شهور قليلة

لماذا لا نصبر قليلا ونحقن الدماء ونحفظ أرواحنا؟

معا سننهض

معا سنقاوم

علينا ان نتحد ونعود شعبا واحدا مترابطا

ليست القضية فى إسقاط النظام وليست القضية فى بقاء مبارك

فالنظام زائل ومبارك غير باق

ولكن مصر الأن هى التى تذرف دموعا ودما

هل مصر لاتستحق أن نتروى قليلا؟

المخطىء لابد من حسابه ولابد له من أن يدفع الثمن

ولكن كى يحدث ذلك يجب ان نهدأ قليلا ونعطى فرصة

فقط فرصة واحدة

ليس من أجل مبارك

ولا من أجل الحكومة

بل من أجلنا نحن

من أجل من سيموتون فى الشوارع

من أجل أمننا وسلامة مصر

من أجل ألا يتدخل أحد فى شئوننا الداخلية

من أجل ألا يشمت فينا شامت ولا يفرح فينا حاقد

من أجل ألا نندم ..أرجوكم لاتتركوا مصر للضياع

فكروا جيدا قبل ان نصبح عراقا جديدا.

مدينتى الحبيبة...السويس

2011-01-27T13:25:00.006+02:00

كم يعتصر قلبى حزنا وانا أراكى هكذا يامدينتى الصغيرة

حزينة انا لما يحدث لكى الان

ولا أستطيع ان احتمل سماع مايحدث فى شوارعك الهادئة التى كم أشتاق إليها

وأحن دوما لذكرياتى فيها

أرجوكم

لاتخربوا فى المدينة الجميلة الهادئة

طالبوا بما تريدون ولكن لا تخربوا فى مدينتى الحبيبة

لاتخربوا فى السويس

دعاء بظهر الغيب

2011-01-25T12:38:00.000+02:00

السلام عليكم ورحمة الله وبركاته

أخوانى وأخواتى المدونيين

تعلمون ولا يخفى عليكم ..... أثر الدعاء في رفع البلاء .

وخاصة دعاء المسلم لأخيه في ظهر الغيب .

نسألكم الدعاء لأخونا وئام (ويكا) صاحب مدونة بصراحه

وصاحب فكرة بيت المدونيين .

نحن نعلم مدى إحتياجنا لبعض وخاصة للدعاء وقت الكروب والشده.

فبادر فاأخوك وئام في حاجتك وحاجة لدعاءك .

( أرجى الدعاء دعاء الأخ للأخ بظهر الغيب ).

قال رَسُولَ اللَّهِ صَلّى اللهُ عَلَيْهِ وسَلَّم : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم .

( لا اله إلا الله الحليم الكريم لا إله إلا الله العلى العظيم ).

( لا إله إلا الله رب السماوات السبع ورب العرش العظيم ).

(الله لا إلَه إلا هُو الحَيُّ القَيّومُ).

يعز من يشاء ويذل من يشاء وهو على كل شيئ قدير

(ألهي أني أدعوك بأسمك الأعظم الذي إن دعيت به أجبت فرج كربه وأدفع عنه ما حل به من بلاء وكل ضراء مضره

وأنزل به السكينه وأغشه برحمتك وألطف به بلطفك الخفي )..

( لا إله إلا أنت سبحانك إنا كنا من الظالمين) .

اللهم يا مفرج الكروب فرج الكرب عن الحاج وئام وارجعه الينا سالما غانما معافا.

اللهم أميييين

جزاكم الله كل الخير

المصريون والقلقاس والفتنة

2011-01-11T02:55:00.003+02:00

بعد مرور أكثر أسبوع على حادث تفجير كنيسة القديسين بالإسكندرية

تذكرت قصة كنت قد قرأتها للكاتبة سناء صليحة منذ عدة سنوات

وبالرغم من عدم معرفتى إن كانت تلك القصة من أحداث الواقع أم من درب الخيال

إلا اننى أردت أن أقصها عليكم بإختصار لعلنا نخرج منها بشىء ما

يحكى أنه كان هناك أسرتين مصريتين إحداهما مسلمة والاخرى مسيحية

وكان يجمع بينهما الحب والترابط

فدائما كانت ابواب شققهما مفتوحة على مصراعيها طيلة اليوم

وكانت الاطعمة والحلويات تتنتقل من مطبخ أم جورج لمنزل أم محمد والعكس

وكان الطفلان محمد وجورج صديقان متقاربان جدا

لدرجة أن بعض الناس كانوا يعتقدوا بأنهما أخوين

وظلت العلاقة هكذا بين الاسرتين يغلفها الحب والود والترابط

حتى جاء اليوم الذى تعكر فيه صفو هذه العلاقة وكان السبب هو

القصب والقلقاس....

ولمن لا يعرف فإن القصب والقلقاس يحرص الاقباط على تناولهم فى عيد الغطاس كل عام

وكانت أم محمد هى المسئولة عن انتقاء ثمرات القلقاس وخضرته لجارتها ام جورج

وكانت تحرص على اهدائها بعض اعواد القصب الذى تنتقيه بنفسها أيضا

ولكن فى هذا العام انطلقت شائعة سخيفة تقول ان المسلمين

قاموا بتسميم محصول القصب والقلقاس ليصيبوا اقباط مصر بالتسمم

واغلقت أبواب الشقتين المتجاورتين بعد ان كانت الابواب لاتغلق طيلة اليوم

وبالرغم من انقطاع العلاقة بين الأسرتين

لم تنقطع العلاقة بين الطفلين محمد وجورج

فقد ظلا محافظين على صداقتهما حتى عادت العلاقة طبيعية بين الاسرتين من جديد

وانتهت القصة

أعتقد انها قصة كثيرا ماتتكرر...

لأن هناك دائما من يتربص بالمصريين ويريد إثارة الفتن فيما بينهم

تارة بالشائعات وتارة بالمتفجرات

ولكن سرعان ماتعود العلاقة من جديد كما هى صافية لايعكر صفوها شىء

واعتقد ان اكبر دليل على ذلك هو وقفة المصريين صفا واحدا خلال الازمة الأخيرة

لأننا أبناء وطن واحد

وكل مايحدث فى وطننا نجنى ثماره جميعا سواء كان خيرا أم شرا

فهيا بنا ندعو الله أن يحفظ بلادنا ممن يتربصون بها

ويحفظ شعبها من شر الفتن

لأنه حقا....شعبا طيب.

رابط المقال على ميدان الحرية

كل سنة وانتم طيبين+المصرى اليوم+تحديث مقالة اخرى

2010-12-29T00:39:00.005+02:00

بعد ساعت قليلة هنبدأ عام جديد

عام 2011

سنة 2010 خلصت بسرعة جدا

متهيألى الوقت بيجرى وبيعدى بسرعة اوى اكتر من زمان مش كده

اهم حاجة حصلتلى فى 2010 هى معرفتى بيكم من خلال المدونة

دى اهم واجمل حاجة حصلت بجد

يارب نفضل دايما سوا على طول

واتمنى لى وليكم سنة سعيدة مليانة خير وحب وسعادة ونجاح

وعاوزاكم تحكولى ايه اكتر حاجة مهمة حصلت لكم السنة دى

وايه امنياتكم فى السنة الجديدة؟

وبالمرة بقى ده رابط اول مقالة تتنشرلى فى جريدة المصرى اليوم

المقالة دى كانت موجودة فى المدونة قبل كده لو تفتكروها

ده رابط المقالة على المصرى اليوم

وهنا رابط مقالتى الاسبوعية على ميدان الحرية

كل سنة وانتوا طيبين

وطبعا موضوع تكرار الاعتذار عن تقصيرى معاكم ده

بقى بايخ اوى انا عارفة والله

ويارب يصلح الاحوال وادخل تانى بإستمرار

مقالتى الجديدة +اعتذار واجب جدا

2010-12-21T01:42:00.005+02:00

جبتلكم مقالتى الجديدة على مجلة ميدان الحرية

والمرة دى انا هحطها كاملة علشان لو اى حد مش عارف يشوفها

وكمان الرابط هيكون موجود علشان لو تحبوا تعلقوا هناك

سى السيد
لم تكن شخصية سى السيد التى كتب عنها الأديب الكبير
نجيب محفوظ من درب الخيال ...
نعلم جميعا أن سى السيد متواجد بيننا فى كل عصر وكل زمان
وربما يكون هناك سى السيد فى كل بيت ولكن بنسب متفاوتة
سى السيد هو الشخص الحاكم بأمره فى المنزل
يعتبر كلمته حكم واجب النفاذ على من حوله
ربما لايوجد سى السيد بالشكل المتعارف عليه فى عصر
لا تسمح فيه المرأة بأن تكون أمينة ..
الكثير من الرجال يعتقد بأن المرأة خلقت خصيصا لخدمته
وعليها القيام بكل الأعباء التى يستحى هو من القيام بها
والتى يرى أن تربيته الشرقية لاتسمح له
بالقيام بتلك الاعمال النسائية على حد قوله
فالمرأة سواء كانت عاملة أم لا تعمل عليها ان تقوم بترتيب المنزل
وإعداد الطعام وتنظيف الملابس ومراجعة الدروس مع الأبناء
أما هو فيكتفى للخروج إلى العمل فى الصباح ثم يعود لينام قليلا
ويستيقظ لمشاهدة البرامج أو الخروج مع الإصدقاء مثلا
بينما الزوجة فى عمل مستمر طيلة اليوم
لايفكرأن يساعدها أبدا أو حتى يسألها إن كانت تحتاج لمساعدته
على الرغم من أنه دائما يذكر أن الرجال قوامون على النساء
ولكنه للأسف لايعرف المعنى الحقيقى للقوامة
وعلى الرغم من معرفته أيضا بأنه لايوجد نص قرآنى
أو حديث شريف يلزم المرأة
بأن تفعل كل ذلك وحدها ويحرم فعله على الرجال
فإن الرسول عليه الصلاة والسلام كان متعاونا مع اهل بيته..
أليس لكم فى رسول الله أسوة حسنة؟
للاسف يرى بعض الرجال ان مساعدتهم لزوجاتهم ستجلب لهم العار
على الرغم من أن الزوجة تقوم بتلك الأعمال من أجله هو
وبمنتهى الحب
وتتمنى سماع ولو مجرد كلمة تقدير فلا تجد
أيها الرجل
إن كنت لاتريد ان تعين زوجتك على المجهود الجبار الذى تقوم به
من اجلك فهذا من شأنك على الرغم من ان مساعدتك لها لن تنقص من قدرك أبدا
ولكن من فضلك لاتقلل مما تفعله لأن فى ذلك إهانة لها
فإن ماتفعله الزوجة ليس بقليل وإعلم انها ليست خادمتك
بل هى شريكة لك وأنت شريكا لها.

هنا رابط المقالة

اعتذار واجب جداااااا:انا عاوزة اعتذر لكم لانى مش بدخل على مدونتى ومش بعرف اعلق على مدوناتكم

غصب عنى والله وفى اول فرصة ان شاء الله كل ده هيتظبط

بس على فكرة انا متابعة كل اللى بتكتبوه:)

اشوفكم على خير

وماتزعلوش منى

الجنس فى المدارس..مقالتى الجديدة

2010-12-14T11:27:00.002+02:00

ازيكم

اخباركم ايه

جبتلكم رابط مقالتى الجديدة فى مجلة ميدان الحرية

عاوزة رأيكم

الرابط هنا

نظرتى للحياة بعد عامين من الزواج

2010-12-12T01:08:00.001+02:00

قبل مااكتب البوست ده فكرت كتير اوى اكتبه بالعامية او باللغة العربية

وقررت اكتبه بالعامية علشان مش عاوزة حد يعتبره تدوينة

ممكن تسموها فضفضة او اعترافات أو رغى

او ممكن نسميها كلام فاضى:)

بعد كام يوم من النهاردة انا هحتفل بعيد زواجى الثانى

اه والله سنتين بحالهم

السنتين دول لما فكرت فى احداثهم شوية كده لقيت ان فى تغيرات كتير جدا حصلت لى فيهم

سواء فى نمط حياتى او فى افكارى

انا حبيت انى اكتب التطورات دى على شكل عناوين وكل عنوان يبقى معاه موجز بسيط كده

البداية

عادى يعنى زى أى اتنين بيتعرفوا ويتخطبوا

طبعا انا ككل البنات كنت فاهمة الحياة انها رومانسية طول الوقت

وافلام عربى وافلام هندى وان الحياة هتفضل بمبى والسما هتمطر قلوب على طول

طبعا اكتشفت ان الكلام ده غلط فى غلط

يعنى مش هنبقى على طول شادية وعبد الحليم حافظ

لا طبعا

الحياة الحقيقية مختلفة يعنى مش دايما بيبقى فيه رومانسية

وبصراحة لو الدنيا رومانسية على طول هتقلب بمسلسلات تركى من اللى انا مش بحبها

الموضوع ده كان صدمة فى الاول

تليفونى

من فترة وانا بقلب فى تليفونى اكتشفت ان تليفونى مليان

بأسماء ناس عمرى ماكنت اتخيل انى ممكن اسجلهم عندى
لقيت نمرة السوبر ماركت وبتاع الخضار وبتاع الفراخ ودكتور الاطفال

زمان تليفونى كان عليه ارقام صاحباتى والناس القريبين منى وبس

دلوقتى تليفونى مليان ارقام ناس ماعرفهاش بس مهمة جدا بالنسبة لى

صديقاتى

لما كانت واحدة من صاحباتنا بتتجوز وبعدين تختفى مرة واحدة

كان بيكون فى صدمة كبيرة بسبب بعدها عننا

وكان الشيطان يوسوس لنا انها يعنى مش عاوزة تعرف صحابها تانى

او مثلا غيرانة على جوزها او يعنى ممكن تكون خايفة تتحسد ولا حاجة

لما اتجوزت اكتشفت انى ببعد عن صحابى غصب عنى وهما كمان لما اتجوزوا بعدوا

كلنا بعدنا عن بعض مابقيناش قريبين زى الاول بس ده مش

علشان اى سبب من الاسباب الهايفة اللى قولتها دى

انما بالعكس بيبقى نفسى امسك التليفون وافضل اكلم حد من صحباتى

زى زمان بس للاسف اللى بياخدنا من بعض هو الوقت

يعنى انا ماعنديش وقت اتكلم ولا صاحباتى اكيد هيبقى عندهم وقت

ازمات

فى كل جوازة فى البداية كده بيبقى فى ازمة ...

دايما بيقولوا ان السنة الاولى بتبقى صعبة

وهى فعلا بتبقى صعبة علشان الطباع المختلفة

والعادات المختلفة وحاجات كتير بين الطرفين

بالنسبة لى الازمة كان لها جانب ايجابى وجانب سلبى

هبدأ بالجانب السلبى

طبعا غير توتر الجو والحاجات دى

اكتشفت ان فى ناس بتشمت

اه والله ناس بتشمت وتتمنى الشر

اما الجانب الايجابى هو انى عرفت ناس كتير على حقيقتها

وعرفت اميز بين السىء والجيد

يعنى حصل عندى حاجة كده ممكن نسميها نضج فجائى

والاهم من ده كله ان الازمة عدت الحمدلله

الامومة

حاجة كده ماينفعش تتوصف بوصف

نعمة من ربنا لما يكون عندك حاجة صغنتوتة ماتعرفش تعمل حاجة من غيرك

معتمدة عليك اعتماد كلى

ورغم الزن والسهر وقلة النوم والراحة

الا انها حاجة من اجمل الحاجات اللى فى الدنيا

زمان كنت بستغرب ان ماما وبابا بيقولوا انهم بيفرحوا لما يشوفونا فرحانين

كنت بستغربهم اوى

بس لما كبرت عرفت ان كلامهم صح

ربنا يكرم كل الناس بالذرية الصالحة

ويبارك فى كل الاطفال

الاهل

دايما شايلين الهم

محدش يفتكر انه لما بيكبر ويتجوز اهله بينسوه

لااااااااااااا ابدا ده كل مدى بيزيد الهم

اكتشفت ده لما كنت كل مرة بستنى بنتى تكبر شوية علشان ارتاح

وكل مابتكبر كل مابفرح بيها وكمان كل ماتعبى وقلقى بيزيدوا

زوجى

حبيت اتكلم عنه اخر حاجة علشان اتكلم براحتى

رغم انى كنت محضرة كلام كتير اوى الا انه كله راح منى لما جيت اكتب

مش عارفة ليه

بس انا عاوزة اقول انه

احنا زى اى اتنين بيتخانقوا ويتصالحوا

والحاجات دى كل الناس عندها مشاكل

لكن احقاقا للحق طبعا هو

بيشجعنى دايما انى اكون احسن

ودايما بيساعدنى احقق طموحى

على فكرة هو اللى عامل تصميم المدونة

وهو اللى عامل تصميم الصورة الجديدة

وكمان مفيش بوست بينزل غير لما باخد رأيه فيه

ربنا يهدينا ويبعد عننا كل حاجة وحشة

اشوفكم على خير ان شاء الله

لغتنا الجميلة...المظلومة دائما

2010-12-09T20:30:00.000+02:00

كل شعب من شعوب العالم بلا إستثناء يعتز باللغة الخاصة به

كل شعب من شعوب العالم يتباهى بلغته ويتفاخر بها

إلا نحن...

نعم الشعوب العربية لاتتباهى بلغتها

لغة القرآن الكريم

نتسابق لمعرفة وتعلم لغات أخرى بل نتسابق لننسى لغتنا الاصلية

حقا انها مأساة

كنت سألتمس لنا العذر ان كنا نسعى لتعلم لغات أخرى حتى نستفيد وتزيد مجالات

معرفتنا بقراءة كتب بلغات مختلفة مثلا او محاكاة شعوب تتكلم بلغة مختلفة

ولكننا للاسف الشديد نسعى لتعلم لغات أخرى فقط من أجل التباهى

لكى نقوم بدس بعض الكلمات المختلفة داخل الجمل العربية التى ننطق بها

وكل منا حسب اجتهاده فهناك من يسعى لتعلم الانجليزية

وهناك من يسعى لتعلم الفرنسية لأنها لغة(شيك) كما يطلقون عليها

وهناك من يتعلم الأسبانية مثلا على سبيل التجديد

ولكن أكثرهم انتشارا بالفعل هى اللغة الانجليزية

يسعى الجميع لتعليم ابنائه اللغة الانجليزية

وهذا لأجل المستقبل حيث انه لاعمل الأن لمن لايمتلك أكثر من لغة

لكن ما الحكمة فى تعليم الابناء (حشر) الكلمات الانجليزية فى احاديثهم اليومية

بل وتعنيفهم إن قاموا بإستخدام اللغة العربية أحيانا

فمثلا أجد ان الأم تعلم ابنها بأن هذا الحيوان اسمه cat

وان أخطأ فى يوم وأطلق عليها قطة

ستعنفه امه بشدة

وتكون النتيجة خروج جيل بارع فى اللغات الاجنبية

وفاشل بجدارة حتى فى أن يكتب إسمه باللغة العربية

ظاهرة اخرى انتشرت وتستفزنى كثيرا

وهى الكتابة على طريقة الـ (franco)

مثلا ان اكتب كلمة مساء الخير هكذا

(masa2 el5eer)

كنت اظن أن من يكتب كذلك لديه مشكلة فى جهاز الكمبيوتر الخاص به

إلى أن وجدت يوما ما فتاة تتكلم مع أحد الأشخاص على الفيس بوك

بخصوص موضوع كان محل جدل ونقاش

وتلفت نظره إلى أن من يكتب باللغة العربية هو شخص(local)

استفزتنى جدا كلماتها وأحزنتنى

ألهذه الدرجة نكره لغتنا الأصلية؟

ولهذه الدرجة نرى أنه من العار أن نتعامل بها

ليس العيب فى أن نتعلم لغة أو لغتان أو ثلاث

ولكن العيب فى أن لا نحترم لغتنا

من لايحترم لغته لن يحترمه العالم

باركولى وهنونى أو هنونى وباركولى المهم تشاركونى

2010-12-07T01:43:00.004+02:00

يانااااس

ياعاااالم

يااااابشر

ياصحابى

ياأصدقائى

انا فرحانة

فرحانة اوى

ولازم تفرحوا معايا

النهاردة اول مقالة ليا

تنزل فى مجلة ميدان الحرية

والحاضر يعلن الغايب

وتعالوا خدوا الجاتوه

والحاجة الساقعة

وعاوزة اقول ان وشكم كان وش السعد عليا

ده رابط المقال

كل سنة وكلكم طيبين

2010-12-06T16:43:00.002+02:00

كل سنة وكلكم طيبين وبخير

بكرة اول يوم فى العام الهجرى الجديد ان شاء الله

ربنا يجعلكم كلكم سعداء وفرحانين ومبسوطين

ربنا يكتر من مناسباتنا السعيدة دايما

ياترى بتحتفلوا باليوم ده ازاى؟؟؟

واجب.......من شيرين سامى

2010-12-04T08:00:00.001+02:00

فى عالم التدوين انتوا عارفين ان موضوع الواجبات ده انتشر

انا عموما مش بيجيلى واجبات كتير لان مدونتى لسة ماكملتش سنة يعنى مدونة نونو

بس لما بتجيلى بلتزم ان انا اعملها

شيرين سامى صاحبة مدونة حدوتة مصرية بعتتلى واجب لذيذ اوى بيتكون من سؤالين (ياسلام لو كانت واجبات المدرسة زمان من سؤالين وبس:))

انا بقى عملت الواجب اهه وعاوزة التصحيح والدرجة النهائية ونجمة المتفوقين كمان:)

السؤال الاول

هل انا فضولية وبحب اتدخل فى شئون الاخرين؟

انا مش فضولية ولا حاجة

بالعكس انا مش بحب اتدخل فى شئون حد علشان محدش يتدخل فى شئونى

بس المشكلة ان عندنا ناس بتبقى فضولية من بعيد لبعيد يعنى ممكن تعرف حاجات عنك من الناس المحيطين بيك

انا مش بحب ادخل نفسى فى شئون اى حد

لكن فى ناس بيبقى التدخل ضرورى فى حياتهم

يعنى طبعا انا فضولية جدا وحشرية جدااااااا فى اى حاجة تخص جوزى

يعنى لازم اعرف ادق التفاصيل عن اى حاجة

وطبعا ده طبع معظم الزوجات:)

والحمدلله هو مش بيزعل او بينزعج من الحكاية دى

وطبعا فضولية مع بابا وماما واخواتى

انما مع الاصحاب مثلا انا ممكن اسالهم من باب الاطمئنان واللى يحب يحكى هو حر لكن مش بتحايل على حد

السؤال الثانى

ماهى الاسئلة التى تستفزنى؟

انا عادة ماعنديش مشكلة مع الاسئلة

لان الطبيعى ان الناس تسألك

لكن انا اللى ممكن يستفزنى الطريقة بتاعة السؤال

يعنى فى طرق للاسئلة تتعب الواحد وتجيبله العصبى

وكمان اللف والدوران فى الاسئلة مش بيعجبنى

كان فى سؤال وانا صغيرة بيغيظنى اوى

ياترى بتحبى ماما اكتر ولا بابا

السؤال ده كان بيخلينى متغاظة اوى

يعنى ايه بحب مين اكتر

طبعا الاتنين بحبهم اوى

وبعدين ايه الاحراج ده اصلا واساسا ايه الفايدة من السؤال يعنى

ولسة السؤال ده بيضايقنى لغاية دلوقتى لما حد بيساله لاى طفل

ممكن نقول انها عقدة منذ الطفولة:)

فى كمان سؤال تانى

كنت بستغربه شويتين

ياترى بنتك شبهك ولا شبه باباها؟

اكيد يعنى شبه حاجات مننا احنا الاتنين

زى اى طفل فى العالم

بس انا دلوقتى بقى اللى بقيت أسأل

هى شبه مين

وبفرح اوى لما بيقولوا انها شبهى

وبفرح برضه لما بيقولوا انها شبه باباها

معادلة صعبة مش كده

طبعا اسئلة كتير تانية بتغيظ

زى سؤال هتخاوى بنتك امتى

متهيالى دى حاجة خاصة محدش ليه دعوة بيها

بس عموما الفضوليين فى حياتى مش كتير والحمدلله

انا خلصت اجابات بقى خلاص

واحب اوجه الواجب اللذيذ الظريف الجميل الصغنن ده

لرحاب صالح صاحبة مدونة حياتى ومش حرة فيها

ومها البنا صاحبة مدونة الطير المهاجر

وwise صاحبة مدونة احلام على ورق ومدونة انها حقا عائلة محترمة

كان نفسى اوجه التاج ده لناس كتير بس انا عارفة ان فى ناس كتير عملته

والدعوة مفتوحة يعنى اللى عاوز يكتب الواجب يكتبه

اشوفكم على خير ان شاء الله:)

هنتخب ميييييييييين؟؟؟(2)

2010-12-01T04:25:00.001+02:00

نعم انا وجدت الحل

اعتقد ان الاستاذ سعيد جارنا مهتم بتلك الاشياء ومؤكد انه سيفيدنى

وفى صباح يوم الجمعة وبعد انتهاء صلاة الجمعة تحديدا

تقابلت مع الاستاذ سعيد اثناء خروجه من المسجد

وجلسنا سويا على احد المقاهى القريبة من منازلنا

-والله يااستاذ سعيد انا كنت عاوز اروح انتخب السنة دى

رد الاستاذ سعيد بحماس

-هايل يأستاذ امين ده صوتك امانة ده حقك الد........قاطعته لاننى لست بحاجة للمزيد من هذا الكلام ...

-ايوة لكن انا معرفش حد خالص فياريت يعنى لو ترشحلى انت حد انتخبه

رد عليا الرجل بحدة مبالغ فيها

-ايه ده ياراجل انت بتقول ايه ارشحلك حد هو احنا بنشترى طماطم ياامين دى انتخابات يعنى انت اللى لازم تختار اللى هيمثلك فى المجلس

شوف.... انا ممكن اخدمك برضه انت ممكن تسألنى على اى مرشح وانا اقولك رأيى فيه وفى برنامجه وبعد كده انت حر ..اختار اللى يعجبك

اعجبتنى الفكرة رغم انها سخيفة الى حد ما وسألته عن احد المرشحين ...كانت لافتاته معلقة امام المقهى
رد علي قائلا

-والله هو مش قد كده يعنى...انا مستحيل انتخبه...بس انت حر

غادرنا المقهى وانا طوال الطريق اتساءل مارأيك بفلان واشاور على اللافتات المعلقة بالشوارع

وكانت اجاباته تأتى هكذا متوالية

-انتخبناه السنة اللى فاتت ومعملش حاجة..

-لالالا بلاش الراجل ده انا عارفه شخصيا...بلاش...بلاش

-ياعم بلاش الناس دى مانتتخبش حد منهم

كنت قد مللت من الاسئلة فقررت ان اسأله سؤالا اخير

-هو انت هتنتخب مين؟

وكأنه كان ينتظر السؤال

أخذ يكلمنى عن احد المرشيحن ويمدح فيه ويذكر صفاته الجميلة وفى النهاية قال

- ده احسن واحد فيهم وانا هنتخبه وكل الناس هتنتخبوا

وقتها كنت وصلت لقمة الملل وكان لسان حالى يقول

-ياشيخ منك لله ماكان من الاول بدل ماسمعتنى الكلمتين اياهم دول...ده انت راجل ممل وماعندكش ضمير والله

تدوخنى كل ده علشان برضه انتخب اللى انت عاوزه...انا اللى غلطان من الاول

وصلت بيتى وقد استقريت على المرشح الذى سينتخبه سعيد

وفى يوم السبت ذهبت لعملى وفى اثناء ركوبى للميكروباص

سمعت احد الركاب يتكلم عن الانتخابات وعن احد المرشحين

الذين سألت عنهم الاستاذ سعيد ولكنه لم يشجعنى على انتخابه

ووجدت كلامه عنه مختلف تماما ويقول

انه رجل نزيه ومحترم وهو افضل المرشحين فعلا

زادت حيرتى ولكنى قررت ان انتخب هذا الرجل

خصوصا واننى شعرت بأن الاستاذ سعيد له مصلحة ما عندما ينجح الشخص الذى سينتخبه

وفى صباح يوم الانتخابات استيقظت مبكرا وارتديت ملابسى وجلست مع اسرتى

كان اولادى سعداء جدا وفرحين بأن والدهم شخص ايجابى وسيذهب لأداء واجب وطنى

وهذا ماجعلنى أشعر بأننى جندى ذاهب الى معركة او مناضل قومى وكنت فخور بنفسى جدا

وفى ساعة الصفر وضعت بطاقتى الانتخابية بمحفظتى و نزلت الى الشارع متجها الى اللجنة الانتخابية

كانت الساعة تعدت الثانية ظهرا وكانت الشوارع مزدحمة

كنت أريد ان يعرف جميع الناس اننى ذاهب للانتخاب

وما ان اقتربت من اللجنة حتى وجدت سيارة اسعاف تقف امام الباب

وبعض الاشخاص يحملون رجلا ويضعونه فيها

توقفت قليلا قبل ان اقترب اكثر لأجد ماذا يحدث

وجدت الشرطة تقبض على رجلا وتضعه فى سيارتها

وهناك مشاجرات وسباب وزحام شديد

فى تلك اللحظة دار حوار بينى وبين نفسى

او بمعنى اوضح دار حوار بينى وبين ضميرى

-ايه ياأمين واقف كده ليه ؟ ماتروح تنتخب وتخلص نفسك

-اروح فين ده هناك ولا يوم القيامة ده الناس الاسعاف بتشيلهم

-وانت مالك هو انت هتتخانق انت هتنتخب وتمشى

-ياسلالالالالالالالالالام هو انا هستنى لما اخد كرسى فى دماغى ولا ضربة من اى حد

- طيب والمرشح اللى انت رايح تنتخبه ده وصوتك اللى كنت هتديهوله

-يعنى هو كان من باقية اهلى ولا صوتى اللى كان هينجحه؟

لو له نصيب هينجح ان شاء الله

-طيب وولادك اللى مستنيينك فى البيت وفرحانين هتقولهم ايه؟

-اااااااااه هما دول المشكلة!!!!!!!!اعمل معاهم اييييه؟

سكت قليلا افكر فى موقف اولادى منى بعدما يعرفوا ان والدهم شخص جبان

ولكن بعد لحظات خطرت على بالى فكرة جهنمية

استدرت مرة اخرى عائدا الى المنزل

ودخلت احد المكتبات واشتريت زجاجة حبر احمر

وقمت بإغراق إبهامى فيها

ثم تخلصت من الزجاجة

ووصلت المنزل

-وجت سليمة الحمدلله:)

هنتخب ميييييييييييييين؟؟؟(1)

2010-11-30T05:15:00.001+02:00

-هو النهاردة ايه فى ايام ربنا؟

قالها صديقى وزميلى فى العمل الاستاذ حسن وهو يجلس على مكتبه

-النهاردة الخميس ياسيدى ....خير بتسأل ليه؟

-علشان الانتخابات ياأستاذ أمين انت مش عايش معانا فى الدنيا ولا ايه؟

-لا عايش معاكم وعندى بطاقة انتخاب كمان بس يعنى ماليش انا فى حكاية الانتخابات دى

وفجأة تدخل فى الحوار احد المواطنين الذين يأتون لقضاء مصالحهم لدينا

-ازاى كده دى سلبية هى دى مش بلدك وصوتك امانة لازم تدلى بيه فى الانتخابات فين ضميرك الوطنى؟

-؟؟؟؟؟؟؟؟؟؟؟؟؟؟

نظرت اليه متعجبا من تدخله المفاجىء فى الحوار ومنعت نفسى من أن اقول له

-وانت ايه اللى حشرك يارخم

ولكننى قررت عدم الرد إلا ان زميلى الاستاذ حسن تحمس جدا للحوار معه وقال

-فعلا انا عن نفسى مهتم جدا بموضوع الانتخابات ده ولازم اعرف برامج المرشحين وافضل ادور لغاية مااستقر انا هنتخب مين

رد المواطن اياه قائلا

-تمام كده هو ده الكلام الايجابى مش واحد يقول انا ماليش فى حكاية الانتخابات دى.........ده كلام ياراجل برضه

كنت اود ان اقفز من مكانى وأضرب هذا الشخص ولكنى تمالكت اعصابى حتى انصرف وانتهى اليوم وعدت الى منزلى

وبعد تناول الغذاء جلست انا واولادى وزوجتى نشاهد التلفزيون وكان ممتلئا منذ عدة ايام بإعلانات حس المواطنين على الذهاب للانتخاب

وفجأة فاجئنى ابنى الصغيروائل بسؤال

-بابا بابا هو ينفع انتخب ؟

-انت يامفعوص انت عاوز تنتخب مين ان شاء الله...عموما هو ماينفعش..

كنت اود ان اقول له

تنتخب ايه ياواد انت ده ابوك مابينتخبش.... هتنتخب انت ياعيل

وردت علينا ابنتى الكبيرة اميرة

-اسمحلى يابابا هو ليه مش بيخلوا اللى فى سننا ينتخبوا يعنى انا عندى 12 سنة ومن حقى اقول رأيى لان احنا فى عصر الديموقراطية وصوتى امانة وده واجبى واعتقد كمان انه حق من حقوقى الدستورية

-؟؟؟؟؟؟؟؟؟؟؟؟؟؟؟؟؟؟؟

نظرت اليها وانا متعجب....... من اين تأتى بهذه الافكار

وقبل ان اسألها دخلت زوجتى وحرمى المصون بكوبا من الشاى

-ايه ده انا مش قلت لك اعملى لى قهوة؟

ردت عليا بإقتضاب

-نسيت وعملت شاى .....وبعدين الاتنين زى بعض

سكت مرغما وأخذت الشاى لاتناوله حتى سألنى ابنى

-بابا هو يعنى ايه ديمو ديمو ديمو......هى اسمها ايه؟

-اسمها ديموقراطية..

الديموقراطية دى معناها انى اطلب اللى انا عاوزه ومامتك تجيبلى اللى هى عاوزاه

قلت ذلك وانا انظر لزوجتى ولكنها لم تعيرنى اى اهتمام

دخلت لانام قليلا ولكننى لم استطيع حيث ان الفكرة سيطرت تماما على تفكيرى

لماذا لا اذهب للادلاء بصوتى انه فعلا حقى كما تقول ابنتى حتى ابنى يشغل تفكيره بهذا الموضوع فى هذه السن الصغيرة وزميلى الاستاذ حسن ليس افضل منى

حتى هذا المواطن السخيف الذى اثار اشمئزازى ...لماذا لاأذهب للانتخاب؟

ولكن انا لاأعرف أحدا من المرشحين وليس لدى فكرة عن برامجهم الانتخابية

ولكن هناك حل :)

----------------------

تفتكروا أمين هيعمل ايييييييه

هقولكوا المرة الجاية

كيلو اللحمة ب14 جنيه

2010-11-28T04:55:00.005+02:00

ياااااااااااااااااه الايام بتجرى بسرعة اوى....العيد الكبير خلاص فاضل عليه كام يوم ربنا يستر بقى من طلبات العيال وامهم

لما اشوف كده ايه اخبار النهاردة ولو ان الجرايد اخبارها كل يوم زى ماهى.......

وقبل ان ابدأ بقراءة اول خبر

"يلقى زوجته من البلكونة بسبب لحمة العيد"

-ياساتر يارب هو فيه كده؟

-ياآميييييييييييييييييين......

استر يارب كده تبقى عاوزة حاجة..........ايوة ياستى ماتوطى صوتك ده شوية ولا انتى فرحانة بالاسم

وخرجت حرمنا المصون من المطبخ وجلست بجوارى

-ايه بقى هتجيب لنا كام كيلو لحمة السنة دى:)

لم التفت لها واكملت قراءة الخبر بصوت عالى(يمكن تخاف وترجع المطبخ تانى)

-ألقى عامل بزوجته من الطابق الثاني بسبب مطالبتها له بأموال لشراء لحمة العيد.....

-انت هتهزر ياراجل

قالتها زوجتى وهى تضحك واكملت

-قول بجد هتجيب كام كيلو لحمة..........

اسمع ياآمين

وكلمتنى بنبرة حادة

-انت لازم تكتر الكمية السنة دى ده العيد ولازم يكون الاكل كتير

مش لازم كل سنة العيال يتخانقوا مع بعض على الاكل العيال لازم تفرح

-يعنى عاوزانى ادبح لكم عجل... انتى مش عارفة الكيلو بقى بكام ؟

مانجيب على قدنا وخلاص

-امين........ اتصرف انا ماليش دعوة ولا انت عاوزنى اكلم اخواتى وهما يتصرفوا معاك بطريقتهم

-خلالالالالالالالالالالاص هى حصلت اخواتك ...حاضر هتصرف

وفى اليوم الثانى ذهبت لعملى لم استطع التركيز طلبت فنجان قهوة سادة من فرغلى لعله يستطيع ان يبعد عنى الصداع وجلست افكر بصوت عالى

- هتعمل ايه ياامين اجيبلهم منين لحمة وهدوم للعيد وكمان عاوزين يخرجوا

لا وكمان قال عاوزين ياكلوا بره ........يعنى هو علشان نعيد لازم نصرف اللى معانا كله وبعدين انا مهما عملت ومهما اخدت من الناس اكراميات مش هيكفى طلبات الهانم وعيالها

-مالك يااستاذ امين انت بتكلم نفسك؟

-اعمل ايه يافرغلى انت عارف بقى زنقة العيد واللحمة اللى بتغلى كل ربع ساعة

ده انا قريت ان الكيلو وصل ل100 جنيه فى بعض المناطق.

-لالالالالا يااستاذ امين سيبك من الاسعار دى

الكلام ده عند الناس اللى معندهاش ضمير والحرامية انما عند الحاج محى الكيلو ب14جنيه ولحمة ايييييييه ماقولكش عليها

-14جنيه يافرغلى؟؟؟؟؟؟؟؟؟؟؟؟!!!!!!

-اه والله الحج محى ده اصله جوز اختى وراجل عارف ربنا ويكره الجشع والطمع والنصب راجل مستقيم وبتاع ربنا وضميره صاحى

عنوانه فى الكارت ده روح عنده وقوله انك من طرفى ..وادعيييييلى

مع حماس فرغلى تشجعت وذهبت للحاج محى الجزار بعد انتهاء العمل ولم اصدق نفسى فعلا كيلو اللحم ب14 جنيها والزحام شديد جدا...استطعت الوصول للحاج محى واشتريت منه كمية كبيرة ولم انسى شراء الكبدة وبعض اللوازم الاخرى ...وصلت البيت وفرحت زوجتى جدا حتى انها لم تسألنى من اين جئت بثمن كل هذه الكمية!

وفى صباح يوم العيد وتحديدا بعد انتهاء صلاة العيد قامت زوجتى بإعداد الكبدة واكلناها كوجبة افطار وكانت رائعة لدرجة ان ابنى الصغير قال وفمه ممتلىء بالطعام

-حلوة اوى الكبدة دى يابابا دى احلى كبدة كلتها فى حياتى ابقى هات منها على طول

حمدت الله وشكرته وانا طوال الوقت ادعوا لفرغلى وللحاج محى

وبعد الافطار قامت زوجتى لاعداد الشاى وجلست اتابع ماكتب فى صفحة الحوادث

ووجدت خبرا جعلنى اقفز من مكانى

"القبض على جزار يبيع لحم الحمير قبل العيد"

حدثت نفسى قائلا:

-ايه ده بقى....معقول يكون هو...الخبر بيقول انه فى المكان اللى فيه الحج محى بس مش شرط يعنى ماالجزارين كتير

وبعدين احنا كويسين اهه وقاعدين الحمدلله وام العيال بتحضر الغدا فى المطبخ ...مفيش حاجة... مفيش حاجة ....اعوذ بالله من الشيطان

ظللت جالسا اترقب زوجتى واولادى حتى بدأ المغص يتسلل الينا واحدا تلو الاخر وقام الجيران بإستدعاء الاسعاف ودخلنا المستشفى

ورغم الامى وغيظى من اننى اكلت كبدة حمار

الا اننى كنت سعيد جدا لاننا قضينا العيد بالمستشفى وتخلصت من مصروفات التنزه ليلا وشراء طعام اضافى واقنعت نفسى بأن وجودنا فى المستشفى (تغيير جو وفسحة من نوع جديد)

اما فرغلى

انا هخرب بيته بس لما ارجع له

ـــــــــــــــــــــــــــــــــــــــــــــــــــــــــــــ

البوست الجاى ان شاء الله هيكون مع امين والانتخابات...بس اعرف رأيكم الاول لان تقريبا دى بالنسبة لى تجارب اولية فى كتابة حاجات زى كده يعنى رأيكم يهمنى وهيفيدنى جدا

اشوفكم على خير:)

أزمة ضمير

2010-11-27T01:05:00.000+02:00

السلام عليكم

ازيكم جميعا اخباركم ايه يارب تكونوا طيبين وبخير

انا مش عاوزة حد يكون زعلان منى علشان انا مقصرة معاكم جدا

بس والله الوقت عندى ملخبط اوى اليومين دول

والحمد لله على كل حال

فاكرين استاذ امين

اللى كان الشخصية الرئيسية فى بوست يوم الضمير العالمى

انا نويت اكملها واخليها سلسلة هيكون اسمها ازمة ضمير

ان شاء الله هبدأ انزلها قريب جدا

اتمنى تعجبكم ان شاء الله

اشوفكم دايما على خير

أرض زيكولا

2010-11-25T23:00:00.003+02:00

مدينة زيكولا

اغرب مدينة ممكن تسمعوا عنها او تشوفوها

مدينة بتتعامل بالذكاء مفيش نقود او عملات

كل معاملاتها بوحدات الذكاء

يعنى الذكاء هو مصدر الثروة

وكل سنة يتم ذبح افقر من فى المدينة

مدينة زيكولا دخلها شاب مصرى وعاش فيها لمدة سنة كاملة

كان واحد من اهلها

دخلها وهو مش عارف انه هيدخلها وهيعيش فيها

لو عاوزين تعرفوا دخلها ازاى؟

وليه كان مضطر يعيش فيها لمدة سنة

وايه اللى حصل معاه هناك

وتعيشوا مع رواية من اجمل الروايات

رواية فيها الخيال والرومانسية والتشويق فى الاحداث

اقرأوا رواية أرض زيكولا

لمؤلفها الدكتور عمرو عبد الحميد

وهنا

رابط مدونة دكتور عمرو

كل سنة وكلكم طيبين وبخير

2010-11-16T05:34:00.001+02:00

ازيكم جميعا كل سنة وكلكم طيبين وبخير

يارب تكونوا كلكم مبسوطين

ويسعدكم ويجعل كل ايامكم اعياد ان شاء الله

انا طبعا بعتذر عن الغياب الطويل ده بس انا مسافرة حاليا

ومش بعرف ادخل على النت كتير

وكمان مش بعرف ارد على تعليقاتكم عندى او حتى اعلق فى مدوناتكم علشان مشكلة التعليقات رجعت تانى

والمشكلة دى هى اللى بتقابلنى كل مرة بسافر فيها علشان بستعمل اللاب توب وتقريبا سببها الusb modem

انا بشكركم كلكم على تعليقاتكم الجميلة انا فرحانة بيها جدا جدا

وان شاءالله لما ارجع هرد على كل التعليقات الجميلة اللى فرحتنى

كل سنة وكلكم طيبين

وربنا يحقق لكم كل اللى تتمنوه

ونكون كلنا السنة الجاية من حجاج بيت الله الحرام

اشوفكم على خير

كنت عاوزة ارفع لكم صورة حلوة

بس النت مش عارفة بقى بطىء كده ليه

كل سنة وانتم طيبين

وعيد سعيد:)

يوم الضمير العالمى

2010-11-09T14:34:00.003+02:00

انا اسمى امين بشتغل موظف فى مكان ما

مش مهم تعرفوا هو فين ولا حتى بعمل فيه ايه

المهم ان الشغل ده انا واحد من المسؤولين فيه عن خدمة المواطنين(حبايبى)

انا متزوج وعندى 3 ابناء فى مراحل مختلفة من التعليم

بحاول على قد مااقدر انى اوفرلهم حياة كريمة واخليهم احسن منى

انا بصلى الحمدلله وبصوم وبعمل اللى يقدرنى عليه ربنا من العبادات

وعودت ولادى كمان انهم يصلوا ويصوموا

والحمدلله عايشين

بصحى من بدرى اروح شغلى وارجع اخر النهار ارتاح فى بيتى

وفضلت الحياة ماشية على كده

لغاية مافى يوم من الايام صحيت ومالحقتش افطر فى البيت

لان ام العيال كانت عاوزة المصروف

مديت ايدى فى جيبى واديتها اللى فيه النصيب

الولية اول مامسكت الفلوس فى ايدها راحت مصوتة

-حرام عليك ياراجل هو انت ماعندكش ضمير انت مش عارف كيلو الطماطم بقى بكام والفراخ بكام وال....

-خلاص ياولية انسدى

وطبعا زودتلها الحصيلة

خوفت اتأخر اكتر من كده قمت اشتريت سندويتشات فول واخدتها معايا الشغل

ودخلت قعدت على المكتب ولسة هاخد اول لقمة لقيت واحد داخل عليا من المواطنين (حبايبى)

- لو سمحت عاوز اخلص الورق ده

- طيب ثوانى حضرتك

الراجل راح مكشر مرة واحدة

-ثوانى ايه.........اكيد طبعا عاوزنى استنى سعادتك لما تفطر

هو مفيش ضمير المفروض حضرتك بتيجى هنا تشتغل مش تاكل

انت ماعندكش ضمير؟

انا سمعت الكلمة دى فين قبل كده...

طبعا بعد الكلمتين دول انا نزلت الساندويتش تانى على المكتب

-يافتاح ياعليم يارزاق ياكريم

هات الورق ياأستاذ ...

عملت له اللازم وسيبته يمشى

الراجل الرذل بعد ماخلصتله ورقه وسد نفسى على الصبح

الا ماطلع من جيبه ورقة بخمسة وحطهالى فى الدرج

حسبى الله ونعم الوكيل...قال ويقول ان انا اللى ماعنديش ضمير

طبعا انا دماغى صدعت طلبت شاى من فرغلى فراش المكتب

ماهو يعنى مش هيبقى جوع وقلة مزاج كمان

واول ماحطيت الكوباية على بقى حسيت انى عاوز ارجع

-انت يافرغلى

-ايوة يااستاذ امين

-مش تغسل الكوبايات يافرغلى ايه القرف ده

-جرى ايه يااستاذ امين الكوباية مغسولة وزى الفل والله....هو انا هجيبها مش مغسولة ليه يعنى ...حد كان قالك انى ماعنديش ضمير؟

- تاااااااانى...ضمير تانى...هو فيه ايه؟

وعدى اليوم على اقل من مهله

والمواطنين(حبايبى)عمالين يتوافدوا على مكتبى

و طول ماانا شغال عمال اشوف ايه موضوع الضمير ده اشمعنى انا يعنى اللى عاوزنى يبقى عندى ضمير ماهو كل الناس ماعندهاش ضمير... السواق اللى ركبت معاه الصبح لهف الاجرة ونزلنى قبل مكان شغلى بكيلو..

الجزار اللى جبت منه اللحمة امبارح مقطعلى اللحمة ونصها دهن ....العيش امبارح اشتريته ولقيت فيه مسمار

الفكهانى بيغشنى فى الميزان....وفرغلى مش بيغسل الكوبايات ......حتى حرمنا المصون بتخنسر من مصروف البيت....اشمعنى انا يعنى اللى هيبقى عندى ضمير هو الضمير هيأكلنى عيش...

وقبل ميعاد الانصراف بخمس دقائق

دخلت علينا واحدة ست شيك ورقيقة جدا ومبتسمة عاوزة تخلص كام ورقة كده بس هياخدوا وقت

-معلش يامدام احنا اسفين ميعاد الانصراف والله حضرتك ممكن تيجى بكرة

وكأنى شتمتها وتحولت الابتسامة الى تكشيرة وانعدمت الرقة وبدأت وصلة ردح من النوع الفاخر

-نعععععععععم بكرة ده ايه ياخويا ده انتوا عمالين تلففونى من الصبح على مكاتبكم.... اييييييييييييييييييييه هو خلاص مابقاش فى ضمير

وبعدين يعنى فى كلمة ضمير دى

-ياست حضرتك احنا خلاص دقيقة وهنروح

-ماليش دعوة انتوا لازم تشتغلوا لغاية اخر دقيقة انا مش ماشية غير لما اخلص ورقى.

بصراحة انا بقى طلبت معايا انى مش مخلص لها ورق لولا ان الست دى فى اخر لحظة رجعت لانسانيتها ورقتها تانى واديتنى فى الخباثة كده ورقة بخمسين جنيه ...وانتوا عارفين بقى........ انا راجل عندى ضمير ولازم اعمل شغلى للمواطنين (حبايبى) ما هو انا هنا أساسا علشان اخدمهم ومفيش حاجة لما أخلص للست حاجتها...ولا ايه؟

خلصت شغلى وركبت الاتوبيس وانا معايا حصيلة اليوم.....400 جنيه..........

واول مادخلت البيت لقيت ام العيال بتقولى ان ام سحر عدت علينا وعاوزة الجمعية.

ولسة بدخل ايدى فى جيبى لقيت نفسى بصرخ واقول.......

-يانهااااااااار مش فايت انا اتسرقت ......سرقنى واحد ماعندوش ضمير.

كتاب مالوش اسم

2010-11-07T18:46:00.003+02:00

اجمل حاجة واحلى حاجة لما بشترى كتاب واقرأه والاقى ان فلوسى ماراحتش على الفاضى

بكون فرحانة اوى بالمعلومات اللى بعرفها او حتى لو اخدت عظة من رواية جديدة

انما الفرحة الكبيرة بقى لما كتاب يغير حاجة من جوايا ساعتها ممكن يبقى احساس ان الفلوس اللى دفعتها فى الكتاب مش كفاية وانه يستحق اكتر من كده

انا بحب القراءة جدا ومن وانا صغيرة متعودة عليها

بس علشان استفيد اكتر عودت نفسى انى كل شهر لازم اشترى كتاب

وهو وحظه معايا بقى لو عجبنى يبقى هخلص قرايته اكتر حاجة فى 3 ايام

لو مش قد كده يبقى مش بقراه كله او بياخد معايا وقت طويل

واخيرا اشتريت كتاب احمد العسيلى اللى سماه كتاب مالوش اسم

طبعا انا عارفة انى اخر واحدة فى مصر اشترت الكتاب

لانى اشتريته فى الطبعة السادسة

اشتريت الكتاب لما سمعت من ناس كتير انه كتاب هايل

انا كنت مستغربة جدا من اسم الكتاب

ايه الفكرة يعنى ان الكتاب مايبقاش له اسم

الكتاب من اول حرف شدنى جدا

مكتوب باللغة العامية انما بشكل عبقرى

الكتاب مش بيتكلم عن فكرة واحدة

انما بيتكلم عن حاجات كتير بتشغل بال ناس كتير اوى

بيتكلم عن علاقتنا بربنا وعن الصلاة وعن الموت

وعن الضمير وعن الاطفال وحاجات تانية

انا خلصت قراية الكتاب فى 3 ايام فعلا

ولو الوقت كان سمحلى انا كنت خلصته فى يوم واحد

اختلفت مع الكاتب فى بعض حاجات

بس اتفقت معاه فى حاجات كتير

منها ان ماينفعش نقتل شقاوة اطفالنا لانهم بيضايقونا

وكمان طريقة تعاملنا مع الحشرات المزعجة بقتلنا لهم

رغم ان ربنا خلقهم هما كمان علشان يعيشوا

وحاجة تانية بقى كمان الكتاب ساعدنى انى افهمها

التأميم..........اعترف انى ماكنتش فاهمة التأميم اوى

يعنى قصدى مش فاهمة ليه فى ناس معاه وناس ضده

ليه ناس بتحب عبد الناصر وليه ناس بتكرهه

لما قريت الكتاب فهمت وكمان اقتنعت برأى العسيلى جدا

احلى حاجة عملها معايا الكتاب ده هو انى خلانى اتعامل مع الحياة بأسلوب بسيط اكتر شوية من الاول

ولما خلصت الكتاب ساعتها عرفت انه كان صعب ان الكتاب ده يكون له اسم غير كتاب مالوش اسم وانه فعلا لازم كل واحد قرأه هو اللى يسميه على مزاجه كما ذكر احمد العسيلى فى نهاية الكتاب

الحاجة الغريبة اللى قابلتنى وعرفت بعد كده انها حصلت مع ناس كتير

هى انى كل ماكنت بقرأ الكتاب كنت بسمع صوت احمد العسيلى فى ودانى

كأنه بيتكلم فى برنامجه .......غريبة مش كده؟

حماية عناوين المدونات....عند مين؟(البوست اللى لينكه اترفع)

2010-11-06T15:22:00.004+02:00

ده البوست اللى كان نازل والرابط بتاعه اترفع

المفروض الواحد لما ياخد حاجة مش بتاعته يعترف بكده ويرجع الحق لاصحابه

خصوصا لو الموضوع ده يتعلق بمصداقيته قدام الناس...مش كده؟

انما لما يكون اى واحد اعتدى على حق غيره وكمان مش عاوز يعترف بكده او يعتذر حتى بجد فعلا بتكون حاجة تزعل.

الكلام ده انا بقولوا ليه بقى؟

قولتولى ليه

انا احيانا بحب اعمل بحث على جوجل بإسم المدونة واشوف ايه اللى هيطلعلى

من كام يوم لقيت جروب بإسم المدونة بتاعتى على الفيس بوك وطبعا انا لسة ماعملتش كده

يبقى الجروب ده منيييييييييييييييين؟

دخلت اشوف ايه الموضوع

لقيت مدونة لسة معمولة فى شهر اكتوبر بنفس اسم المدونة (كلام فاضى)

عاملها مجموعة اشخاص

بصيت فيها لقيتها حلوة يعنى ومحتواها جيد

بس انا مشكلتى معاهم الاسم

طبعا كتبت لهم تعليق حييتهم فيه على مدونتهم عادى لان دى الصراحة ولفت نظرهم ان فى مدونتين ملكى بالاسم ده وسيبت الروابط مع التعليق

وبعدين بعدها بكام ساعة قلت اشوف ايه الاخبار

بصيت لقيتهم مسحوا التعليق ولا كأن حاجة حصلت

انا زعلت طبعا مش بس علشان مسحوا التعليق..انا زعلت علشان كان المفروض يقدروا الاسلوب اللى انا خاطبطهم بيه كان المفروض يردوا بنفس الطريقة

غير كده كمان انا ماطلبتش منهم انهم يغيروا الاسم تانى فى التعليق انا بس كنت حابة انهم يعرفوا ان الاسم ده موجود من قبل مايعملوا مدونتهم وحكاية تغيير الاسم دى راجعة لذوقهم

انا طبعا رديت عليهم تانى وقلت لهم ان كده عيب وانا عارفة انهم عارفين ان اسم كلام فاضى موجود على البلوجر وهما بيسجلوا

عموما الاسم موجود كده كده ومثبت فى المدونة القديمة انها شغالة من مايو 2009 وفى المدونة هنا من مايو 2010

المهم البوست ده كان نزل هنا وانا رفعته تانى علشان اشوف ردهم على التعليق الجديد علشان برضه مابقاش بظلم حد

المهم بعد كده دخلت تانى لقيتهم ردوا على التعليق الجديد وقالولى انهم مسحوا التعليق علشان كان فى روابط مدونات تانية

وان الساحة تسعنا احنا الاتنين وان رابط مدونتى غير رابط مدونتهم

عموما انا ماطلبتش من حد يغير اسامى (رغم ان ده حقى)

انا مش هطلب من حد كده لانها راجعة لتقديرهم

مدونتهم فعلا حلوة بس كان المفروض طالما عرفوا ان فى مدونة بإسم تانى كانوا غيروا الاسم

وغير كده كان لازم يردوا ويوضحوا هما ليه حذفوا التعليق

انا ماعنديش مشكلة معاهم بس نزلت البوست هنا فيه الحكاية كاملة لان فى ناس دخلت تقراه ومالقتهوش

انا كل اللى عاوزة اعرفوا دلوقتى ان لما واحد يتعب ويختار اسم لمدونته مين اللى يحمى حقه لو صحى من النوم لقى واحدة تانية بنفس الاسم..حد بقى يجاوب على السؤال ده!!!!!!!!

اشترك معانا...ممكن+تحديث(لينك بيت المدونين)

2010-11-05T02:32:00.001+02:00

فى الاول بس عاوزة اعتذر للناس اللى دخلت تشوف موضوع سرقة وبجاحة ومالقتهوش

لان الموضوع ده له ظروف خاصة هقولهالكم البوست الجاى ان شاء الله اللى هينزل النهاردة او بكرة بالكتير

المهم بقى البوست ده كل الناس المشاركين فى بيت المدونين عارفينه تقريبا لانه منول من هناك بس ياريت بقى الناس اللى لم تشترك فى بيت المدونين معانا تشترك وتشوف الموضوع وياريت كمان اللى لسة مانقلهوش ينقله عنده فى مدونته.

اشوفكم على خير قريب جدا ان شاء الله:)

سالخير عليكم .....
اولاً ومن هذا المنبر الجديد احب ان امرر خالص شكرى واعتزازى وتقديرى و .......
.... ايه الدخله دى .........
لا لا لا ...... انسوا الكلام اللى فوق فى اولاً ده ....... احنا مش كده خالص .....

احنا هنا اصحاب وزملاء ..... احنا هنا قرايب وعزوه .............
يعنى لا فيه رسميات ولا هو موقع عام بيتكلم بشكل رسمى او بصوره مرسومه مسبقاً وهيكل واطار وبرواز وتشكيل وتبــــ ....... برده الكلام كبر منى تانى .........

لا بقى بصوا ...... انا هقول تانى بس بالشكل بتاعنا اللى كلنا هنتفق عليه الا وهو ......
اننا هنا مش عاملين موقع رسمى او مؤسسه وده واجهتها ....... لا خاااالص ...... ابسلوتلى ........

يا اخوانا هنا زى ما قلنا بيت المدونين ...... يعنى كل الناس اللى هنا اعضاء فيه ..... بدون طلب اشتراك او التحاق ........

ده بيت معمول عن طريق مجموعه من وسطنا ..... بهدف نتلم ونتقابل فيه ....... حاجه كده زيها زى التجمعات التدوينيه ..... لا بيبقى فيها ريس ولا بيبقى فيه برنامج مفروض ........

بمعنى أصح وأقرب للفهم ...... هنا بمثابة تجمع تدوينى ، بس بدل ماهو بشحمنا ولحمنا ....... هيبقى بقلمنا وكيبوردنا .......

لان مش كل الناس بتعرف تحضر التجمعات ..... مش كل الناس بسهوله تقدر تتواجد فى كل الأماكن .......
لكن هنا كله يقدر يتواجد فى نفس الوقت من اى مكان او زمان ......... من اسكندريه لاسوان ...... صحره كان او بستان ..... حلوه الـ (وان دى ) ....
حتى ولو عايش برا مصر هيقدر يتواصل ........ هنقدر نتكلم وندردش ....... هنقدر نتبادل الحوار والنقاش .......
هنقدر نقترح على بعض افكار كتير ومواضيع اكتر واكتر ..............

احنا هنا بنعتقد ان المدونين فى مصر بدأوا يبقوا فى الصوره ..... بدأو يبقوا كيان مؤثر فى المجتمع والاعلام ......

لقد قال نابليون بونابرت يوماً :
"لا أخشى ألف مدفع وألف جندي بقدر ما أخشى لسان صحفي أو مقال جريدة. ... "

فالصحافه هى الطابور او السلطه الرابعه ..... وهى المؤثر والمحرك للمجتمع ........
علشان كده قلنا نحاول نتجمع.....
نعمل مكان نتلم فيه ومن بعض نسمع ........
اكيد هتفرق كتير معانا ...... اكيد هتفرق مع المجتمع .......

تخيلوا لو مثلاً ...... المكان ده فعلاً بقى بيلتقى فيه اكبر عدد مننا ..... وبقينا نتفق على حاجات مع بعض من خلاله .....
وبقى كل الناس عارفاه ... القاسى منهم والبادى ..... ومثلاً مثلاً .......
جينا على تجمع زى بتاع التبرع بالدم اللى خالد همس الاحباب بيدعى ليه ده ........ وجينا معلنين هنا وقولنا "يا جماعه عايزين الايام الجايه دى كلها كل المدونين يعلنوا عندهم على التجمع حتى اللى مش هيجوا يعلنوا ..... لان التجمع مش مقتصر على المدونين بس ............... "
وفعلا الناس كلها عجبتها الفكره واعلنت ............... متخيلين رد الفعل ؟!!!!

متخيلين الفكره دى (التجمع ) ممكن تعجب ناس تانيه اد ايه وممكن يعملوها فى محافظاتهم ازاى ؟! وعلى ذلك قيسوا امثله كتيره ......
متخيلين مدى تأثيرنا هيبقى عامل ازاى فى المجتمع ؟!!

ده من جهه ...... وفيه جهات تانيه او افكار تانيه كتيره هى هدفنا هنا برده ..............

زى ايه ؟!!
زى اخبارنا اللى احنا بننشرها كل يوم دى ..... فلان اتجوز، فلانه اتجوزت ...... فلان عيد ميلاده امتى ...... فلانه غسلت المواعين ولا لسه ؟!
فلان اتخنق من مراته ...... فلانه قتلت جوزها ..............
طبعا كده بقى الموضوع جرسه وشرده ........... لا مش كده .....
لان بكل بساطه ...... احنا هنا مش هنذيع او ننشر اى خبر الا من خلال صاحبه ..............
صاحبه فقط هو اللى هيقولنا عليه وننشرهوله ...... مش هننشر شئ الا ما صاحبه هو اللى يقول او يوافق مسبقاً ..... لان بكل بساطه .....
الخبر هيتنشر وصاحبه هو اللى بنفسه هيجى يعلق عليه ويرد على تعليقات الناس ............
بمعنى اصح هيبقى فيه تواصل اكتر ومشاركه اكبر ........ هيبقى فيه ود وترابط وتراحم ......
لان الموضوع مش هيبقى عباره عن "موقع بينشر اخبار" (موقع اخبارى) لا .............. احنا هدفنا هنا اجتماعى ......
برده زى خبر مدونه جديده اتفتحت ، ممكن نعلن عنها ، لمزيد من الانتشار ومساعده للمدونين الجدد انهم يجوا وينتشروا وسطينا بدون مجهود كبير ووقت طويل ....
زى برده اننا نحط لنكات كل المدونين المتواجدين معانا ومش متواجدين .... بنحاول نضيف كل اللى نعرفه .... (طالما ان محتوى مدونته فى اطار مقبول ... طبعاً) ...

فيه افكار تانيه برده كتيره عندنا وعندكم ممكن تقولولنا عليها ونناقشها .......

يعنى على سبيل المثال ....... عندنا فكره جديده هقترحها عليكم دلوقتى ...... ونتناقش فى كيفيه تنفيذها ..... زى ما اتناقشنا فى الشعار بتاع بيتنا هنا واختارناه فعلا على حسب اقتراح الاغلبيه وقد كان والحمد لله ............

وان كان انا نفسى بعترف ان الشعار فيه حته كده عايزه تتغطى ......................... (بس ان شاء الله هنغطيها ونلبسها نقاب كمان ان شاء الله ....... ههههه ) . بس يا جماعه والله ما حد فينا يعرفها الست دى ..... دا احنا لقيناها كده فى وسط الجماعه اللى واقفين واتكسفنا نمشيها ..............

المهم
نرجع لموضوعنا وفكرتنا ................ الا وهى :

هنستضيف كل فتره معينه (ثابته او متغيره.... للنقاش برده ) ، مدون من المدونين ......
حاجه كده هتبقى زى التاج .... بس المره دى فيها ميزتين ...... الاولى انه هيبقى معمول له هو بعينه .... والتانيه هيبقى فيه تفاعليه اكتر ..... ليه ؟! ..... لان .....

لان ايه ؟!

لان احنا هنتفق مع المدون ده الاول زنبلغه انه مرشح للبوست اللى جاى علشان يتعمل معاه حوار ..... ولو وافق ....
هننزل خبر فى بوست نقول:
"ان المدون اللى هيتعمل معاه الحوار القادم يا اخوانا هو ..... فلان ......
وبالتالى الناس فى صفحة التعليقات تبدأ تكتب الاسئله اللى عايزين يسألوهاله ........ (طبعاً فى المعقول يعنى ..... ) ، واللى هيبعتوا الاسئله ممكن يبعتوا بالاسم بتاعهم او لو محرجين ممكن يبعتوا باسم غير معروف .............
من ضمن الاقتراحات برده ...... ان التعليقات فى البوست بتاع الاسئله ده بعينه (الاسئله المقترحه) هتبقى معمول لها اشراف ، بحيث ما احناش ضمنين الظروف برده ......
واحد زى على علوكه او اشرف كوخه ممكن يدخلوا بغير معروف ويسألوا اسأله كخه .... ونبقى اتسببنا فى احراج للراجل او الراجله اياً كان .......

عموماً الموضوع بين اديكم ....... الفكره كلها اتعرضت ...... (اقصد فكرة البيت نفسه ) .... والفكره بتاعت الحوار برده اتعرضت ...... مستننين ارائكم ومقترحاتكم ......

صحيح برده احنا عايزين نسمى الفكره الاخيره دى اسم .... زى موضوع التاج كده ما اصطلح عليه انه اسمه تاج ......

يعنى عايزين نسمى البوست ده اسم ثابت مثال :

" فى بيتنا مدون " .....

"على القهوه " .....

"انا مين " ...........

" اقفش مدون " ......
" مدون فى ورطة " ........

كده يعنى .............
وعلى فكره الاسماء دى مش للاختيار ، دى للمثال .... يعنى عايزين اسماء تانيه .....
............
...............

بس...........

انتوا لسه قاعدين ............ الموضوع عجبكم ولا إيه .... انا عايز أروح ....

بيت المدونين تروحوا له

من هنا

سلاااام
ويكا

منقول من بيت المدونين

بوست مظلوم+غياب قصير

2010-10-23T11:21:00.003+02:00

ازيكم جميعا اخباركم ايه

يارب كلكم تكونوا كويسين وبخير

انا هغيب كام يوم عن المدونة

مش هتأخر ان شاء الله هما كام يوم بس

لكن مش هغيب عن مدوناتكم ان شاء الله

هحاول اتابعكم كلكم

ولغاية ماأرجع هسيبلكم لينك بوست كنت كتبته من زمان جدا

البوست ده عجب الناس اللى قرأوه لما اتكتب زمان

وغالى عندى لانه تقريبا اول حاجة كتبتها

البوست ده اتسرق واتنشر بأسماء ناس تانية من غير حتى مجرد الاشارة انه منقول

وكمان اتظلم لانى نزلته هنا فى المدونة مع بوستات تانية من غير ماياخد حقه فى القراءة

اتمنى تقرأوه ويارب يعجبكم

أشوفكم على خير

من هنا

ملحوظة:فكرة اعادة نشر البوستات القديمة دى مش فكرتى دى فكرة كنت شوفتها فى مدونة يوميات مريض نفسى ومدونات تانية كمان

الكيس بجنيه.....يابلاش (جزيرة الزبالة)

2010-10-19T02:01:00.001+02:00

تحذير هام:

هذا البوست ربما يكون غريب شوية ..خيالى شويتين...مقرف 3 شويات

من حوالى اسبوع او اكثر داهمتنى فكرة ربما تكون عبقرية ...

ركزوا معايا شوية.....

دلوقتى لما حضراتكم بتدخلوا محل من المحلات لشراء اى شىء اكيد بتدفعوا ثمنه.......
محدش بياخد حاجة ببلاش صح؟

عمركم اشتريتم حاجة مجانا وصاحب المحل دفع لكم عليها فلوس؟

طبعا وبالتأكيد لا

طيب لو فى حد منكم عنده عربية وهيبيعها مثلا ممكن يبيعها ببلاش وكمان يدفع فلوس للى هيشتريها

اكيد طبعا لا والف لا

لان دى قاعدة معروفة مع كل شىء واى شىء

ماعدا حاجة واحدة بس

عارفين ايه هى؟

هى......

ومش عاوزين تريقة من حد...

هى اكياس القمامة اللى فى بيوتنا

ماتستغربوش

اهدأوا قليلا وفكروا كثيرا هتلاقوا الكلام منطقى

بييجى عامل النظافة الصبح يخبط على الباب وياخد الكيس

وطبعا ملتزمين ندفع مبلغ معين فى الشهر مثلا لسيادته

وهو بياخد اكياس الحى كله ثم المنطقة كلها وهكذا الى ان يصل فى نهاية المطاف الى المكان المخصص لهذه القمامة

وتبدأ عملية الفرز

الاكياس البلاستيك لوحدها

والعلب المعدنية لوحدها

والكراتين لوحدها

وهكذا

وطبعا فى ناس تانية بتييجى تاخد الحاجات دى

وتعيد تصنيعها وتبدأ رحلة اخرى للحاجات دى من تانى

واثناء هذه الرحلة تتولد كمية تلوث لاحصر لها

استثمار كبير وناس بتبقى مليونيرات بسببنا

واحنا لانستفيد بشىء

بل على العكس تماما...كل اللى بناخده هو الضرر والآذى

ياترى...

هو منطقى اننا نعطى لعامل النظافة اكياس القمامة اللى هى اساسا ثروة بالنسبة له مجانا وبلا مقابل

ده غير رسوم النظافة اللى بندفعها على فواتير الكهرباء

يعنى لو كل شقة اخدت جنيه على الكيس اللى بيخرج كل يوم هتكسب فى السنة 365

وكل شقة هى وشطارتها بقى اللى تقدر تخرج اكياس اكتر فرصتها فى الفوز تكتر

ويبقى برافو عليها

ده حتى ممكن بعد كده نبيعها بالكيلو

وكده يبقى بنفيد ونستفيد.......

بصوا بقى سيبكم من الكلام الفاضى اللى فوق اللى مالوش لازمة ده وركزوا معايا تانى

فى بلد اسمها سنغافورة

عارفينها طبعا

عندهم حاجة اسمها جزيرة الزبالة

بيحولوا القمامة والنفايات الى طاقة كهربائية

اه والله

بياخدوها ويفرزوها ويحرقوها فى مصنع من غير اى ضرر على البيئة

وبعدين يحولوها لطاقة كهربائية....يبيعوها وتجيبلهم دخل

مش بس كده ده حتى الرماد الناتج عن حرق القمامة بيستخدموه فى بناء جزيرة الزبالة

......شوفتوا التفكير

الخلاصة بقى:

انا ايه اللى خلانى اكتب العك اللى انا كتبته فوق ده....علشان احنا اساسا مع القمامة وصلنا لمشكلة كبيرة

وصلنا لحارة سد

القمامة مغرقة الشوارع

شركات النظافة طبعا حدث ولا حرج

الناس بترمى قمامتها فى اى حتة

بندفع فلوس المفروض انها تحسن من مستوى النظافة وتطوير الاداء

يعنى على كل ده المفروض احنا اللى ناخد فلوس

ماعندناش فكر للاسف

رغم ان فى ناس تانية ممكن تعمل من الفسيخ شربات!

يمكن مش هعرف اشرحلكم اوى.. الافضل ان انتم تشوفوا الفيديو ده .....وتقولولى رأيكم

جزيرة الزبالة

دعوة لعمل الخير

2010-10-15T22:35:00.005+02:00

كنت جاية النهاردة اكتب بوست جديد

ولما دخلت المدونات الصديقة اشوف ايه الاخبار

لقيت مدونة واحد شاى ومدونة الحب الجميل ناشرين بوست عن حالة انسانية

تحتاج لمن يساعدها وبسرعة

ولان الدال على الخير كفاعله

قررت انشر بيانات الحالة يمكن حد يقدر يساعدها

ولو حتى بمجرد دعوة

ياريت اللى يقدر ينشر البوست عنده مايتأخرش

احيانا ينتاب المرء منا حالة من العجز عن التفكير او الشعور بالتقصير تجاه الاخرين

واحيانا اخرى تتقاذفنا امواج الحياة وتجذبنا بعيدا عن شاطىء الحياة ولكن عندما يريد الله لنا خيرا يرسل من ياخذ بايدينا او من يدلنا الى فعل الخير اومساعدة شخص ما وتلك نعمة من الله نحمده ونقدسه عليها فالشكر للاخ الكريم صاحب مدونة طهر فؤادك على دعوته الكريمة لمساعدة شخص مريض يحتاج منا المساعدة والى نص الرسالة

فاكر جمعية الامل (فرع سوهاج ) اللى كانت عاملة معرض ملابس لمساعدة مرضى السرطان يارب تكون افتكرتها... المهم جت ليهم حالة بس صعبة شوية ومحتاجة كلنا نتكاتف مع بعض ونساعدها وهكتبلك تفاصيل الحالة ويارب تنشرها ونحاول نساعدها كلنا باللى نقدر علية ان شاء الله وهى على لسان الحالة طبعا ربنا يشفيها ويعافينا جميعا اللهم امين والمسلمين

بتقول :-

اسمه بخيت محمود أحمد والذى يعمل بالهيئة العامة للتأمينات الاجتماعية بســوهاج
وبيقول :-
حيث انني مريض بمرض ( السرطان فى الكلى ) وتم اجراء عملية لاستئصال الورم على نفقتي الخاصة بتاريخ 26/11/2009 ثم تم دخولى الى معهد اورام اسيوط بتاريخ 5/12/2009 واوصى الطبيب المعالج بضرورة الاستمرار فى العلاج بدواء (sutent) وذلك لمدة 18 شهرا حتى يتم الشفاء وتبلغ قيمة علبة الدواء 23 الف جنيها ونظرا لارتفاع سعر الدواء عن قدرتي المالية فقد وافقت شركة فايزر للادوية على تخفيض 50% من قيمة الدواء وحيث ان الدواء بعد تخفيض 50% تبلغ قيمته 11.500 الف جنيها .ونظرا لظروفى المالية الصعبة حيث انني اعول اسرة فأرجو من سيادتكم التكرم بالموافقة على مساعدتي لشراء هذا الدواء بصفة مستمرة أو مساهمة اهل الخير ويعتبرهذا الدواء الوحيد فى علاجي الذى تحسنت عليه صحتي حيث اننى فى حاجة الى 6 جرعات حتى اتماثل للشفاء .
وجعلكم الله عونا للمحتاجين
ت/0115428158
العنوان/سوهاج- شارع ابو الحسن البصري خلف شارع 15

الى هنا انتهت الرسالة من صاحب الرسالة وبدا دورنا فى مساعدته كل بقدر استطاعته فمن يريد النشر او التنويه عن الحالة فى مدونته او على موقع الفيس بؤك فشكرا له وجزاءكم الله خيرا

ومن يريد التبرع فيمكنه ارسال حوالة بريدية باسم السيدة / ماجدة بخيت محمد ابراهيم وهى زوجة المريض على مكتب بريد سوهاج الفرعى بالحميات ورقم التليفون المذكور بعاليه يخص الحالة ايضا .

او من يرغب بارسال حوالة بنكية اوالتبرع نقدا فانا مستعد لاستقبالها وارسالها الى الحالة باليد ،ولاى استفسار يمكنكم الاتصال برقم المريض بعاليه او الاتصال على رقم أ.خالد 0101345140

نقلا عن:

مدونة واحد شاى

مدونة الحب الجميل

استقصاد

2010-10-10T19:34:00.005+02:00

بعتذر لكم عن فترة الانقطاع عن المدونة وعن البلوجر كله

وبشكر كل الناس اللى سألت عنى وانا غايبة

وده العشم والله

وبما انى كنت زهقانة وماليش نفس اعمل اى حاجة ودى حالة عادية يعنى الناس كلها بتزهق...ولا ايه؟

قلت اتفرج على التلفزيون شوية

يعنى اشوف حاجة كده ظريفة خفيفة لطيفة اشوفها علشان الواحد يروق شوية من الزهق ده

واستلمت الريموت واول حاجة قابلتنى كان فيلم تيتانيك وكان من اوله كمان

بينى وبينكم فرحت....شوية رومانسية كده وسط الاخبار وبرامج النكد والمسلسلات السخيفة

وفضلت اتفرج على الفيلم وجت لحظة غرق السفينة وطبعا صاحبتكم ماتتوصاش

خيالى اشتغل وافتكرت العبارة اللى غرقت من كام سنة

وسرحت وفضلت اتخيلهم وقتها واعيييييييييييييييط لغاية ماالفيلم خلص والاستاذ ليوناردو غرق بعد ماحصله تجمد فى قلب المحيط ياعينى

طبعا الكآبة زادت وكان لازم اغير المحطة...لان الفيلم خلص كمان

غيرت المحطة فعلا ووقع معايا فيلم من روائع السينما المصرية بس ماكانش وقته خالص الحقيقة

فيلم العار

شوفته من اول المشهد بتاع حقها ولا مش حقها.....

لغاية ماكملت الفيلم لاخر مشهد ومحمود عبد العزيز بيغنى الملاحة..الملاحة

وخلص الفيلم

قولت يادى النيلة هو النهاردة يوم النكد العالمى ومسكت الريموت وفضلت اقلب لغاية ماوصلت لقناة تانية خالص

وكانوا جايبين فيلم يجيب اكتئاب لاكثر الناس مرح فى العالم

كان فيلم ويجا

الفيلم اللى مات فى كل الناس فى الاخر ده

ساعتها حسيت ان فى حاجة مش طبيعية بتحصل

فكرت ان ممكن يكون فى مؤامرة ضدى علشان اكتئب واقوم ارمى التلفزيون من اقرب شباك

وفضل الريموت معايا لغاية لما استغاث منى

وفى مشوارى بقى على القنوات عديت على افلام كتير

منها فيلم احنا بتوع الاتوبيس

فيلم المصير

وكان ناقص يجيبولى فيلم الارض علشان الملحمة تكتمل

وماخبيش عليكم بصراحة شعرت باليأس

وقلت خلاص انا هقفل التلفزيون لكن الحمد لله

لمحت بطرف عينى فيلم لاحمد حلمى

لقيته فيلم جعلتنى مجرما

بس ياخسارة كان فى مشهد النهاية

قطط لها بخت

2010-09-28T11:50:00.004+03:00

الناس فى مصر نوعين

نوع بيحب الحيوانات الاليفة جدا

ونوع تانى بيحدفها بالطوب فى الشارع بسبب ومن غير سبب

والحيوانات ايضا نوعين

نوع عنده حظ كبير

والنوع التانى هو اللى بينضرب بالطوب طبعا ومتبهدل من العيال الصغيرة

انا عاوزة اتكلم عن النوع الاول من الناس النوع الحنين اللى مشاعره مرهفة وقلبه رقيق

مالناش دعوة بالاشرار الوحشين اللى بيزعلوا قطط وكلاب الشوارع المساكين الغلابة.

قبل ماادخل فى الموضوع احب اقولكم انى بحب الحيوانات وبتعاطف معاها جدا

بس من بعيد لبعيد لانى بخاف من اى كائن حى بإستثناء البنى آدمين

يعنى ماعنديش اى عداوة مع اى حيوان أليف..

ندخل فى الموضوع على طول

زمان الناس كانت بتربى القطط وتخليها تاكل من اكلهم ..الاكل الباقى من البيت يعنى

شوية كبدة على سمكة فايضة من الغدا وحتة جبنة

وطبعا اللبن اللى تلاقيه قصاد القط وهو ملك زمانه

انما من فترة مش كبيرة اوى انتشرت علب شكلها شيك جدا والوانها جميلة ومرسوم عليها قطة مقطقطة

مكتوب عليها الطعام المفضل للقطط(استغربت اوى من الجملة دى)

انا بصراحة مااديتش اهتمام فى الاول

لغاية مافى يوم من الايام وتحديدا فى احد ايام شهر رمضان اللى فات ده

اخدنى الفضول انى اعرف اسعار طعام القطط المفضل ده(غايظانى اوى كلمة المفضل دى)

وفعلا اخدت علبة وبصيت على السعر

سعر العبوة كان 13.50

وحجمها بضعة جرامات قليلة

كل ده علشان عم القط ياكل ويشبع (مش عايزة حد يفتكر انى باصة للقطط فى اكلها)

المبلغ قليل بصراحة ممكن يجيب ربع كيلو جبنة يعنى مافيهاش حاجة لما القط ياكل هو كمان

ماهو قط بيتى مش قط شوارع يعنى

مش هنبقى دافعين فيه الشىء الفلانى ونستخسر فيه ملاليم

احنا مش جايبينه علشان نبهدله.

بس كمان مش معقول يبقى فى ناس عاوزة جنيه تجيب ساندويتش فول وماتلاقيش

وانت ياعم القط مدلع اوى كده

صحيح اللى عذبت قطة دخلت جهنم

واللى سقى كلب دخل الجنة

بس شوفوا بقى اللى هيطعم بنى ادم هيكون جزاءه ايه

عارفة ان ممكن حد يقولى ماهو الناس اللى عندها قطط وبتشترى لها اكل اكيد بتعمل خير

والله عارفة ماقولتش حاجة ومش معترضة

بس لما تكون طالع من السوبر ماركت وشوفت الراجل جايب كمية كبيرة من اكل القطط المفضل (وحطوا تحت المفضل دى مليون خط)

ويقابلوا على الباب واحد غلبان يطلب حسنة

والراجل يشتموا .......

.ياترى هيكون ايه رد فعلك؟

ايه الشعور اللى هيكون جواك؟

هو الراجل الغلبان ده لازم ينونو يعنى علشان ياخد حسنة!

لو الراجل مش عاوز يديله ماشى

بس مش لازم يشتمه

ربنا قال (وأما السائل فلا تنهر)

فعلا فى قطط لها بخت

حاجات كتير تانية بشوفها بترفع ضغطى وبتعصبنى

هكتبها البوست الجاى...

البوست ده مكتوب بغيظ و من غير تركيز

استنوا البوست اللى جاى ان شاء الله

يمكن اركز شوية

مشروب الرجولة الاول

2010-09-18T05:26:00.003+03:00

لو كنت عيل صغير بتلعب فى الشارع وبتجرى ورا عربيات الرش طول النهار

لو اهلك مفيش على لسانهم غير كلمة ياعيل....

خلاص مشكلتك اتحلت اوعى تزعل ابدا ولا تشيل فى نفسك

الحل موجود ومش هيزيد سعره عن كام جنيه

نحن نقدم لك المفاجأة

الحل الاكيد للرجولة

استرجل يابنى انت وهو

استرجل بسرعة واشرب بيريل

تعالى على نفسك واستحمل طعم الشعير علشان تاخد اللقب

ده مش اى لقب

ده لقب رااااااااجل اللى علشان تاخده

لازم تسترجل فى الاول

وتشرب بيريل

انسى معنى الرجولة الحقيقى ..

انسى الشهامة والاخلاق الحلوة والكرم وانسى انك تكون كويس مع الناس ومع اهل بيتك وانسى انك تكون صادق فى وعودك وعند كلمتك وانسى انك لازم تحترم نفسك وتتقى ربنا فى تصرفاتك

انسى كل حاجة لها علاقة باللى عرفته وسمعته زمان عن الرجولة ومعناها الحقيقى.

افتكر بس معايير الرجولة الجديدة ..افتكر انك لازم تحط الانكل على الركبة علشان تكون ارجل من دروجبا..

ولازم تفتكر انك لو بتتخانق انت وصاحبك مع ناس كتير لازم تستندل وتضرب صاحبك بدل ماتجرى وتسيبه انما اوعى تفكر تقف معاه او تدافع عنه علشان هما كتير.

اشرب بيريل واسترجل علشان طعمه الجميل هيغطى على المر اللى انت بتدوقه

على اساس ان الرجالة بس هما اللى بيتبعبوا وبيدوقوا المر

وعلى اساس ان مشروب الرجولة الاول هو اللى هينسيهم المر والبيت والعيال والشغل والمصاريف

وكل القرف اللى شايفينه.

زمان كان المراهقين بيعايروا بعض بقلة شرب السجاير

وكان معيار الرجولة بالنسبة لهم هو السيجارة

دلوقتى الدنيا تطورت وبقت الرجولة كلها مقفول عليها فى زجاجة بيريل

العبقرى صاحب فكرة الاعلان عرفنا ان مشروب البيريل ده مشروب رجالى زى الملابس الرجالى والاحذية الرجالى كده

يعنى محظور على السيدات شربها

طيب ياترى لو كان فى سيدات وبنات بيحبوا يشربوا بيريل

ياترى هيكون ايه الموقف

مش كده الشركة خسرت زباين ؟

انا متهيألى ان الحملة الجاية هتكون اعلانات عن مشروب بيريل الحريمى(للسيدات فقط)

بس خليكوا شاهدين انا صاحبة الفكرة

علشان لو نفذوها تبقى حقوقى المالية محفوظة....

عم حجاب..رجل من زمن الطفولة.

2010-09-15T15:26:00.003+03:00

كلنا نشتاق ويأخذنا الحنين للطفولة وذكرياتها نتذكر أصدقائنا وألعابنا والاشخاص الذين تركوا أثرا فى حياتنا.

عندما أتذكر طفولتى لاأستطيع أن أنسى شخصا كان جزءا مهما منها..
انه عم حجاب صاحب كشك الحلويات الوحيد بمنطقتنا ..
لااستطيع ان انساه بجلبابه الواسع البسيط وانا ذاهبة الى مدرستى كل صباح يجب ان امر عليه فى طريقى .

كان عم حجاب رجلا طيب...طيب جدا يقابلنا دائما بإبتسامة وكانت زوجته ايضا طيبة جدا مثله .

كنت معتادة ان اذهب يوميا لعم حجاب لكى اشترى منه ماأريد قبل ذهابى الى المدرسة ..أتذكر أكثر شىء كنت أشتريه كان (شيكولاتة مونى) هل تتذكروها؟

وايضا كنت أذهب إليه فى مشوار عودتى حيث يجب ان اتخلص مما تبقى من مصروفى اليومى فكنت اذهب اليه واشترى اى شىء ولو مجرد علكة ..وعندما يعودا أبى وأمى من العمل أجد عم حجاب نقل لهم أخبارى وأعلمهم بأن المصروف قد تبخر عنده.....فى الاجازة الصيفية كنت اذهب اليه مع اخوتى كل صباح واسمعه ينادينى..صباح الخير ياأستاذة..كنت افرح جدا بهذه الكلمة وأشترى ماأريد وأعود للمنزل ولاينتهى الامر عند ذلك فحسب.. حيث اننى كنت أذهب لعم حجاب مرات ومرات أثناء اليوم...كان أبى يشترى لى من العم حجاب كتب مهرجان القراءة للجميع التى لم يكن عقلى يستوعبها فى هذا الوقت والتى قرأتها عندما كبرت واحتفظ بها حتى الان ...

اننى اعرف عم حجاب قبل دخولى المرحلة الابتدائية بفترة وجيزة واكملت مراحل دراستى الاعدادية والثانوية وكنت يوميا أمر على العم حجاب وزوجته

ودخلت الجامعة واصبح مرورى على عم حجاب يتم على فترات..

وفى يوم من الايام صدمت عم حجاب دراجة بخارية وأصابت قدميه واحتاج لاجراء جراحة بسيطة فيها ولكن لم يخرج عم حجاب من غرفة العمليات حيا....مات عم حجاب بسبب التخدير ...واصبح لايوجد هناك عم حجاب.

وقام ابناؤه بإستئجار الكشك لآخرين....تغير المكان واصبح بلا معنى بدون عم حجاب...ولكنه مازال موجودا فى ذاكرتى لانه جزءا أساسيا من ذكريات الطفولة.

وكلما أمر من أمام كشك عم حجاب أقرأ الفاتحة وتتبعها جملة الله يرحمك ياعم حجاب.

ملحوظة:فى حياة كل منكم عم حجاب ولكن بشكل مختلف وإسم مختلف وشخصية مختلفة....

واجب من MR.PRESIDENT

2010-09-13T04:39:00.008+03:00

انا عندى واجب من:

MR.PRESEDENT صاحب مدونة انا الريس

هو عمل الدعوة اختيارية للى عاوز يجاوب وانا جاوبت

على كل الاسئلة

وعاوزة اشكره كتير

ما هي كتب الطفولة التي بقيت عالقة في ذاكرتك؟

كنت بحب جدا مجلة ميكى ومجلة علاء الدين بس مجلة علاء الدين كنت بحبها اكتر وكنت محتفظة بأعدادها لغاية فترة قريبة وللاسف ضاعت منى اما الكتب كان بابا فى الصيف من وانا فى رابعة ابتدائى كان بيجيبلى كتب من مهرجان القراءة للجميع طبعا ماكنتش بقراها ولا كنت بفهمها لكن قرأتها لما بدأت احب القراءة واستفدت منها جدا لكن فى كتاب عجبنى عنوانه لما بابا اشتراه وكان من سلسلة ادب الطفل كان اسمه وجدت سعادتى مع الحمير للكاتب يحى حقى ده اللى فاكراه من وانا صغيرة.

مَنْ أهم الكتاب الذين قرأتَ لهم ؟

نجيب محفوظ-احسان عبد القدوس-يوسف السباعى-توفيق الحكيم-انيس منصور-علاءالاسوانى-محمد فتحى(صاحب كتاب مصر من البلكونة)

من هم الكتاب الذين قررت ألا تقرأ لهم مجددا؟

كان فى زمان حاجة كده اسمها روايات عبير اشتريتها مرة وماعجبتنيش وماجبتش منها تانى.

في صحراء قاحلة ، أي الكتب تحمل معك؟

القرآن الكريم وكتاب أذكار وشوية روايات لاحسان عبد القدوس

ما هو الكاتب الذي لم تقرأ له أبدا ، وتتمنى قراءة كتبه ؟

طه حسين

ما هي قائمة كتبك المفضلة ؟

كل روايات احسان عبد القدوس

حديث الصباح والمساء لنجيب محفوظ

قصة حياتى العجيبة لـ هلين كيلر

يوميات نائب فى الارياف لتوفيق الحكيم

رواية عمارة يعقوبيان

رواية غادة الكاميليا

رواية غادة رشيد

كتاب مصر من البلكونة

حقوق المرأة فى الاسلام

ما هي الكتب التي تقرؤها الآن ؟

اخر حاجة كان كتاب مصر من البلكونة الكتاب ده حلو جداااااااااا

اللي بعت الدعوه ؟

MR.PRESIDENT صاحب مدونة أنا الريس

أرسل الدعوة لمدون واحد علي الأقل من أجل مشاركتنا باطلاعهم في القراءة ؟

انا هبعتها لبنت خالتى وحبيبتى شيماء على صاحبة مدونة قهوة بالفانيليا

أرض النفاق

2010-09-06T21:15:00.001+02:00

منذ أيام شاهدت فيلم أرض النفاق وهو عن قصة للكاتب الكبير يوسف السباعى الذى أحب كتاباته جدا وبالرغم من اننى احفظ الفيلم واتذكره جيدا الا اننى من هواة مشاهدته مرارا وتكرارا.......ولكن عندما شاهدته فى تلك المرة اخذتنى افكارى وشردت بعيدا عن الفيلم وفكرت فى الاحداث اليومية التى نتعرض لها وعن بعض الكلمات والجمل التى تخرج من افواهنا بصفة مستمرة وبشكل شبه يومى هل نطلق عليها فى المطلق نفاق ام يحددها الموقف الذى تعرضنا له عندما صرحنا بهذه الكلمات او تلك الجمل.

وزاد شرودى اكثر عندما اتيت بأمثلة لبعض المواقف التى تحدث ويمكن لنا بأن نفسرها كنفاق او مجاملة....

مثلا...عندما يقول الزوج لزوجته بأنها جميلة بل انها أجمل نساء الارض فمن المؤكد أنه يكذب وربما تعلم زوجته ذلك وهذا ليس لان زوجته قبيحة او دميمة لاسمح الله ولكن لانه لم يجول فى الارض من شرقها لغربها حتى يرى جميع نسائها ويحكم بأن زوجته هى أجملهن ومع ذلك تتقبل الزوجة تلك الكلمات بسعادة بالغة.

مثلا آخر وهو علاقة الموظف بمديره فى العمل وخصوصا عندما يكون هذا المدير مستجد فى العمل ستجد لافتات الترحاب فى كل مكان واستقبال رائع وعبارات مدح لاحصر لها بالرغم من ان الموظفين ربما لم يروه فى حياتهم سوى فى أول يوم عمل له فى المكان..وتجدهم يستقبلونه بالزهور...ومعظمهم يقولون له حال العمل لن يغيره للافضل سواك يافندم..ومع ذلك تجد المدير سعيدا ممتنا لهم جميعا.

وهناك علاقة اخرى ربما يكون فى ظاهرها المجاملة والحب وبباطنها الكذب والنفاق فعندما تتزوج فتاة تبادر لاكتساب ود وحب حماتها وتناديها بماما وفى رأيى الشخصى أنه لايصح أن تنادى الزوجة حماتها بماما حيث من الممكن أن تحبها دون أن تجعل احدا يشارك أمها الحقيقية فى لقب تتمناه كل أم من ابناءها.فالفتاة بالطبع لن تحب حماتها مثل أمها وربما تكون تكره حماتها ولا تحبها.

واعتقد انه ليس هناك فتاة تكره أمها...

والحماة أيضا لن تحب زوجة ابنها مثل ابنتها ابدا بالاضافة الى ذلك فإن حماة الزوجة ليست بحاجة لشخص اضافى يناديها بماما لانها بالطبع لديها أبنائها الذين يشبعونها بتلك الكلمة....ولكن لاانكر ان ربما هناك زوجات ينادون حماتهن بلقب ماما حبا فيهن بالفعل ولكنهن قليلات جدا.ولكن دائما تجد أن الحماة لاتكترث لهذا التودد ولا تقتنع به وتعلم جيدا انه مجرد كلمة تقولها زوجة ابنها لارضائها وربما تقتنع من داخلها ان زوجة ابنها لاتحبها (يعنى بالعربى كده ومن الاخر الحموات مش بياكلوا من الكلام ده.... ريحوا نفسكم ياستات).

وهناك الكثير من الامثلة التى تحتاج كتبا لا رسالة كهذه. اعتدنا عليها يوميا ونتعامل بها وببراعة شديدة...ربما لانعلم ان هذا نفاق وربما نقصد به المجاملة بالفعل ...

لمزيد من التفاصيل شاهدوا فيلم أرض النفاق.

ان كنت ناسى افكرك.....طيب وانا مين يفكرنى؟؟؟؟؟

2010-08-31T06:11:00.001+02:00

الحقيقة من اخر بوست كتبته وانا بفكر فى موضوع البوست الجديد رغم المشكلة او العطل اللى حصل بالاضافة لظروف سفرى لكن حبيت انى ارتب افكارى واشوف موضوع مناسب ارجع به للمدونة.

وامبارح فقط والحمد لله طبعا على كل شىء خطر على بالى فكرة حلوة جدا واتفقت مع نفسى انى هكتبها اول ماافتح الكمبيوتر ده لو ربنا اعطانى العمر طبعا.......

لكن حصل اللى ماعملتش حسابه..

انا نسيت كنت عاوزة اتكلم فى ايه........ياخبر ابيض.....الفكرة راحت فين؟

وفضلت احاول افتكر انا كنت عاوزة اكتب ايه لكن بلا جدوى ...وللاسف كل اللى فاكراه انها كانت فكرة حلوة جدا..وعلى فكرة دى مش اول مرة تحصل معايا...........حكاياتى مع النسيان مش بتنتهى لغاية هنا..انما فى اكتر من حكاية واكتر من موقف.

يعنى مثلا...

أحيانا لما يكون معايا حاجة وأشيلها فى مكان وارجع ادور عليها مش بلاقيها غير بتوفيق من عند ربنا او حد ممكن يلاقيها بالصدفة واخر حاجة ضاعت منى كانت سماعة موبايلى اللى بدور عليها وقلبت عليها البيت مش لاقياها...ياترى ممكن اكون حطيتها فين؟

اكتر حاجة كانت بتغيظنى وتفرسنى وتعكنن عليا كانت ايام الدراسة...انا مرت عليا فترة فى حياتى كنت بفتكر كل حاجة والفترة دى تقريبا كلنا بنبقى شاطرين فيها وهى فترة ابتدائى...بعد كده مابقتش بفتكر اوى يعنى (يمكن علشان ماكنتش بذاكر اوى ولا ايه مش عارفة) المهم مرت السنين وبقيت فى فترة الجامعة و كانت اصعب فترة فى حياتى بصراحة انا مش النوع الدحيح... انا بذاكر على قدر المستطاع.. والمستطاع بالنسبة لى هو قبل الامتحان بأسبوع بس كانت مذاكرة بجد وكانت المواد اللى عندنا بعضها نظرى والباقى كله محاسبة واحصاء ورياضة ...فى النظرى لو غلبت اوى يعنى كنت بطلق لخيالى العنان وهات ياتأليف (فى صميم المنهج طبعا) لكن لو عملى ودى مشكلتى كنت ببقى فى نص هدومى من المراقب اللى شايفنى قاعدة لغاية نص الوقت عنيه مش بتتحرك من على السقف...وفى الاخر كنت بضطر اكتب اى حاجة وطبعا فى النهاية النتيجة بتكون معروفة وبتعلن عن نفسها .

وبمناسبة ذكر الامتحانات انا ياما خرجت من الامتحان ونسيت اذا كنت كتبت رقم الجلوس على الورقة ولا نسيت وكنت بفضل على اعصابى وماقدرش اتكلم ولااشتكى (خايفة من التهزيق طبعا) لغاية يوم النتيجة... والحمد لله كل مرة كنت بكون كاتباه.

حاجة تانية كمان بقى وهى انى بنسى الحاجة اللى كنت عاوزة اعملها ......عملتها ولا لسة......يعنى مثلا ممكن انسى انى قفلت باب الشقة كويس.. او حاجة كنت عاوزة اشتريها.. وطبعا كل مااروح السوبر ماركت لازم انسى طلب من الطلبات...

اكتر حاجة بتحرجنى فى الحكاية دى هى انى لو شوفت شخص لاول مرة بنسى شكله يعنى لازم اشوفه اكتر من مرة علشان افتكره واعرفه ولكم ان تتخيلوا لما حد بيشوفنى وانا لسة ماحفظتش شكله ويقابلنى فى الشارع وانا اعدى من جنبه عادى جدا ....حاجة سخيفة جدا بجد...

بس فى حاجات بفتكرها ومش بنساها....

انا مش بنسى التواريخ الحمد لله يعنى اعياد الميلاد والمواعيد المهمة والذكريات الحلوة وممكن يكون فى تواريخ فى دماغى مش لاقية لها مناسبة...اللهم لك الحمد.

كمان فى حاجة تانية مش بنساها......انا مش بنسى تصرفات الناس معايا يعنى سواء كانت حلوة او مش حلوة ولابنسى الجمايل ابدا...

هى قلبت دراما كده ليه؟.....المهم خلينا نتكلم بقى فى الموضوع الجديد والفكرة الجديدة اللى فكرت فيها بعد الفكرة اللى نسيتها....

النهاردة هنتكلم عن....

عن....

يووووووووووه نسيت!!!

سامحونى .........بجد عارفة انى مقصرة فى حقكم

2010-08-17T19:53:00.003+02:00

انا عارفة انى مقصرة فى حقكم كللللللللللللكم سواء علشان ماردتش على تعليقاتكم او مادخلتش مدوناتكم او حتى علشان ماكتبتش بوست جديد

بس والله غصب عنى لان انا عندى مشكلة كبيرة على التعليقات يعنى مش عارفة اعلق فى مدونتى او اى مدونة تانية

مش عاوزاكم تزعلوا منى ولو عندكم حل لمشكلة التعليقات ياريت تفيدونى

بجد بشكركم وكل سنة وكللللللللكم طيبين وبألف خير ويارب دايما ايامكم تكون حلوة

وان شاء الله ارد على تعليقاتكم كلها اول ما مشكلة المدونة تتصلح

ألقاكم على خير ان شاء الله.............

رمضان جانا

2010-08-08T11:09:00.003+03:00

كل سنة وانتم كلللللللللكم طيبين

رمضان كريم

يارب كل ايامنا تكون سعيدة

وربنا يتقبل مننا صيامنا وصلاتنا وكل عباداتنا

انا حبيت اهدى ليكم اغنية بحبها جدا

واكيد انتم كمان بتحبوها

كل سنة وانتم طيبين

واسمعوا اغنية رمضان جانا

من هناااااااااا

يعنى إيه كلمة وطن؟؟؟

2010-07-30T21:19:00.003+03:00

العنوان هو اسم اغنية لمحمد فؤاد انتهى بيها فيلم من افلامه لما كانوا راجعين من محاولة فاشلة للذهاب الى امريكا..وطبعا اكيد كلكم عارفين كده بس اليومين دول الاغنية او تحديدا عنوان الاغنية اصبح سؤال يردده معظم الشعب المصرى سرا وعلانية .. سمعنا وقرأنا كتير عن حوادث تعذيب حصلت فى اقسام الشرطة المصرية لكن كان اخرها وابرزها على الاطلاق حادثة الشاب السكندرى المرحوم خالد سعيد ويمكن تكون أحدثت صدى اكتر من اى حادثة اخرى.

خالد سعيد لما تنظر لصورته تاخد عنه انطباع انه شخص هادىء ومؤدب وتستغرب جدا لما تسمع انه كان معاه مخدرات او اى شىء له علاقة بالاجرام لكن كل شىء وارد يعنى ممكن نلاقى شخص بيصلى وحاجج بيت ربنا وبيعطف على المحتاجين وفى النهاية يطلع نصاب او تاجر مخدرات على سبيل المثال (ومع ذلك برضه مش مقتنعة اطلاقا ان صاحب الصورة ده مجرم )

ولكن....

هو مش المتهم برىء حتى تثبت ادانته...لو فرضنا ان خالد سعيد مجرم وعتيد الاجرام ياترى ينفع يتم تعذيبه بالشكل البشع ده؟

وللعلم انا لم اضع صورته بعد التعذيب لبشاعتها رغم انها منتشرة وكل الناس شافتها لكن مش قادرة احطها عندى,

تقرير الطب الشرعى قال انه بلع مخدرات وذلك ادى الى الوفاة...لكن ايه كمية الضرب والتعذيب اللى فى الصورة دى....

ناس كتير جدا على المدونات وعلى الفيس بوك بيطالبوا بحق خالد سعيد والحصول على محاكمة عادلة لمن قتلوه...

بس ياترى الناس زعلانة علشان خالد سعيد فقط ولا علشان خايفين انهم ممكن يمشوا فى الشارع ويلاحقهم المخبرين ويعذبوهم ويكونوا تكرار لحالة خالد سعيد وماقبله.

ياترى الناس اللى عذبوه مافكروش فى امه واهله,

مافكروش انه ممكن يكون مكانه قريبهم او صاحبهم او ابنهم او حتى هم شخصيا,

عموما انا مش هتكلم كتير عن موضوع خالد سعيد لان كتير جدا اتكلموا فيه...والحمد لله فى محاكمة للمتهمين بقتله...

لكن الموضوع الاساسى او السؤال الاساسى اللى عاوزة اتكلم فيه هو عنوان الموضوع .......يعنى ايه كلمة وطن؟

ياترى الوطن هو الارض والنيل والهرم..

ولا اصلنا والناس اللى بنحبهم واصحابنا وذكرياتنا الحلوة اللى فيه..

ولا الحكومة والشرطة..

ولا ايه بالظبط؟

صلاح جاهين بيقول:

على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة وقت الحرب
بحبها بعنف وبرقة وعلى استحياء
واكرهها والعن أبوها بعشق زي الداء

فى اخر سطرين من الرباعية الجميلة لصلاح جاهين يتلخص حال المصريين من وجهة نظرى المحدودة فإذا دخلت على الفيس بوك او اى منتدى او حتى شاهدت احد برامج التلفزيون تجدهم ساخطين على البلد ويصبون عليها لعناتهم ويمكن ان تقرأ او تسمع بعض العبارات منها:

عملت لنا ايه البلدى علشان نديها حاجة..

مصر مابقتش ام الدنيا..

انا لو بإيدى كنت سافرت من الصبح وهجيت على اى حتة..

المصرى بقى رخيص اوى كده ليه..

لكن تعالى بقى وقولى رأيك لو فى حد من بره هاجم مصر او قرب بس ناحيتها او اتكلم عنها بطريقة لم تعجب المصريين ..ساعتها فقط ستجد كمية غضب وكمية حب للبلد وكأن مفيش حد بيحب بلده ووطنه زينا.

اكيد فى فئة من ضباط وامناء الشرطة لايستحقوا مناصبهم وممكن يكون منهم من يتخذ منصبه حجة لتسوية حساباته مع الاخرين ...لكن مع ذلك فى منهم ناس كويسين ومحترمين وولاد ناس وبيمارسوا مهنتهم بمنتهى الشرف والامانة.

معنى كلمة وطن فى نظرى اننا نفهم ان وطنا مالهوش دعوة بغلاء الاسعار ومالهوش دعوة بطوابير العيش ومالهوش دعوة بالتعذيب فى الاقسام ومالهوش دعوة بالواسطة والكوسة والقرع.

ومش معنى ان الناس مش راضية عن احوال واوضاع معينة يبقى البلد او بمعنى تانى الوطن وحش وقبيح وكل شوية نشتمه ونلعن فيه ..

اعتقد ان لو فى حد بيكره بلده مش ممكن بلد تانية تقدره ...

يمكن فكرت فى انى افسر يعنى ايه وطن مالقتش تفسير غير انى بحبه بكل عيوبه ومهما كان معناه.واكيد نفسى يكون احسن واجمل وطن فى الدنيا.

سيتى ستارز...ده فى مصر ده؟

2010-07-25T07:03:00.002+03:00

اول مرة ادخل المكان ده كان من سنتين الا شوية صغنونة بصراحة هو عجبنى لكن مانبهرتش بيه زى ناس كتير بالرغم من انى بحب اروح هناك.... يمكن علشان انا اصلا ماعنديش حكاية الانبهار بالاماكن..... عادى يعنى
اكيد ناس كتير عارفين المكان ده كويس ويمكن يكون فى ناس حافظين المكان وتفاصيله اكتر من صحابه نفسهم لكن انا لفت نظرى فيه شوية حاجات مش عارفة جايز يكون حد غيرى اخد باله منها ولا ايه؟
لما باجى ادخل سيتى ستارز ومن اول مابخرج من الجراج على الدور الاول بيكون عندى احساس انى خرجت من مصر وروحت بلد تانية
قولولى لييييه؟
هقولكم
المكان فى منتهى النظافة مافيهوش حبة تراب من اول البوابة والتفتيش اللى بالكلاب البوليسية للعربيات ودخول الجراج لغاية اخر دور وعمال النظافة مفيش عندهم راحة شغلهم مش بيقف خالص والناس اللى بتدخل المكان او الزوار يعنى مايقدروش يرموا فيه ورقة وطبعا مش كل الاماكن والشوارع فى مصر حلوة ونضيفة كده ولا عمال النظافة اللى فى الشوارع بالهمة والنشاط ده وطبعا السبب معروف وهو المرتبات.
تانى حاجة الناس اللى بتدخل المكان مش هى دى الناس اللى الواحد بيشوفها اقصد مثلا ماشوفتش هناك الناس البسيطة المصرية الحلوة اللى بيمشوا فى كل شوارع مصر بلا استثناء رغم ان المكان بيدخله مصريين و مش لازم يشتروا منه حاجة.
تالت حاجة..المفروض ان سيتى ستارز ده مول تجارى وسينما انت بتروح هناك علشان تشترى حاجة او تسأل على سعر حاجة او تدخل سينما وممكن تاكل او تشرب ... انما انا بشوف ان فى ناس بتروح تقضى اليوم هناك من اول النهار وتفضل تلف فى المحلات وتتفرج وتسأل وتمشى وترجع بعد شوية تسأل تانى وهناك الموظفين اللى فى المحلات مابيزهقوش خالص ياعينى الموظف منهم يجاوبك ويفضل معاك ويصبر عليك لغاية الاخر وممكن يبقى مش طايقك لكن طبعا لو بين لك كده هيمشى من الشغل فورا.
لكن ايه الفكرة انك تروح تلف هناك طول النهار وممكن ماتشتريش من هناك حاجة خالص ايه اللى يخليك تروح تتفرج على محلات لمدة يوم بحاله ماتروح مكان تستفيد منه بحاجة او تقضى اليوم مع اهلك فى البيت او اى حتة تختاروها!.
والشىء المستفز جدا هو الناس اللى بتدخل هناك وبتحافظ على نظافة المكان وكأنه بيتها ليه مايهونش عليهم يرموا ورقة صغيرة وهما فى المكان و ليه لما بيخرجوا الشارع ويكون معاهم حاجة بيرموها اشمعنى الشارع يعنى.

انا عن نفسى بشوف ان النيل اجمل بكتير لانه مكان مفتوح وجميل ...مش عارفة ليه لما قولت انى عاوزة اروح اتمشى على الكورنيش الناس اتريقت عليا زى مااكون قولت انى عاوزة اروح اتمشى فى توشكى هو النيل ده بقى حاجة وحشة دلوقتى؟
انا بالنسبة لى اجمل اماكن فى مصر هما وسط البلد و النيل واهرامات الجيزة بكون مبسوطة جدا وانا هناك
يمكن لما حققت رغبتى وروحت على النيل كانت اول مرة امشى على كوبرى قصر النيل سيرا على الاقدام كنت كل مرة اكون ماشية بالعربية....وكنت خايفة اوى من اهتزازات الكوبرى بس المرة الجاية ان شاء الله مش هخاف وهحاول استمتع اكتر من كده...انا مش عارفة ليه كتبت البوست ده كنت هكتب واحد تانى بس انا لقيت نفسى بكتبه....حاجة كده من باب الفضفضة.