السبت، أغسطس 13، 2011

لماذا يدافعون عنه؟

منذ قيام الثورة وهناك انقسامات فى أراء المصريين حول محاكمة مبارك...هناك من يرغب فى محاكمته بأقصى سرعة ممكنة
وهناك من يرى بأن المحاكمة بلا جدوى فهو رجل طاعن فى السن وإقتربت نهايته


فلماذا نحاكمه وهو سيكون بين يدى الله ربما قبل إنتهاء محاكمته؟

هناك الكثير من المصريين مؤيدون لمبارك فيخرجون فى مظاهرات للهتاف بإسمه

أو ربما يصل الأمر للاشتباك بالإيدى مع المعارضين له وهذا الأمر فى حد ذاته لا يتفق أبدا مع الديمقراطية التى قامت لأجلها الثورة

فالمعارضين يرون أن المؤيدين لمبارك هم من أنصار الحزب الوطنى أو كما يطلق عليهم(فلول النظام)
ولكننى لاأعتقد ان جميع مؤيدى مبارك من الحزب الوطنى وفلول النظام
ربما فكرت فى الامر كثيرا ووجدت تصورا أعتقد أنه ربما يكون قريب بعض الشىء من الحقيقة

مع إحترامى بالطبع لجميع الأراء المؤيدة للنظام السابق

...فبعض المؤيدون لمبارك لم يتجرعوا من نظامه كؤوس الظلم

لم يستيقظ احدهم وفتح صنبور المياه فى منزله فوجد مياه الصرف الصحى بدلا من المياه النظيفة

لم يتعب فى إيجاد وظيفة لإبنه الذى صرف لأجله كل مايملك وربما إستدان من الناس ليصبح إبنه شخص متعلم

ربما لم ينم ليالى طويلة يفكر كيف يساعد إبنه المقبل على الزواج فى إيجاد شقة بسيطة

لم يتأثر بالغلاء وإرتفاع أسعار السلع
كما أنه لايعرف أحد شهداء الثورة معرفة شخصية

فلماذا يطالب بمحاكمة مبارك؟

البعض الآخر من المؤيدين هم أشخاص بسطاء جدا ولكن تغلبت عليهم العاطفة

على الرغم من الضرر الذى أصابهم من نظام مبارك

فهم يرون أنه أخذ جزاؤه ويكفى ما ألم به من إهانة فإن كانت هناك له سيئات فإنه أيضا له حسنات وعلى الشعب مسامحته نظرا لسنه الكبيرة وإنجازاته العظيمة

بالطبع كل رئيس له إنجازات وله من المميزات كما له من العيوب

ولكن إن كنا سنعفى مبارك من المحاكمة نظرا لأنه أصبح طاعن فى السن

فعلينا ان نسأله أولا لماذا لم يترك الحكم عندما شعر بأمراض الشيخوخة ؟

لماذا لم يهتم بشكاوى البسطاء ؟

وظيفة الرئيس...أى رئيس أن يهتم بشعبه ويحاول تحسين حياته والظروف المحيطة به

أعلم أن الفقر لم ولن يختفى والفقر ليس إهانة لأصحابه وعموما أعظم دول العالم مكتظة بالفقراء

فليس من العيب أن يعيش المرء فقيرا ولكن كل العيب ان يعيش بدون آدميته

وأن يرى أبسط حقوقه تهدر أمامه

ويرى من الإهانة مايكفى إن خرج عن صمته وطالب ببعض من هذه الحقوق

ولذلك فربما نرى معظم من هم معارضين مبارك يستمتعون بما يحدث له

ونظرات الشماتة فى عيونهم واضحة كالشمس

أرى أنه يجب أن تكون هناك محاكمة عادلة لمبارك

حتى وإن لم يكن مبارك مذنب فى كل مانسب إليه من إتهامات
فعلينا ان نحاكمه لأنه لم يهتم بشكوى الناس

وترك حاشيته تعيث فى الأرض فسادا

سنحترم كلمة القضاء

لكن لن يستطيع من لديه ثأر لدى مبارك ان يراه طليقا دون حساب عما فعله به من قبل

المهم فى كل ذلك أن يكون حكما عادلا

لا يظلم مبارك ولا يظلم اصحاب الحقوق

هناك 61 تعليقًا:

  1. الأخت الفاضلة :: Noha Saleh ::
    تحية مباركة
    وكل سنة وانت طيبة
    ورمضان كريم
    أحترم وجهة نظرك
    لكن سمعت وجهة نظر تقول :
    ( أنه لا أحد ينكر مكانة مصر في العالم كله ..
    لذا فإن خروج حاكمها السابق في مثل هذه الحالة
    فيها تقليل من شأن مصر )
    وأنا معك في كل ما قلتِ .. لكن ما رأيك فيما بين القوسين ؟؟
    أحلى الأماني

    ردحذف
  2. العدل ثم العدل

    ربنا يورينا فيك يوم

    ردحذف
  3. بوست جميل جدااااا
    وعايزة اقولك ان لسه المصريين مش عارفين يتقبلوا الراي والراي الاخر انا بكره اللامبارك انا حرة في حد تاني بيحبه خلاص هو حر
    لا انا اقلل من من يحبه ولا من يحبه يشتمني علشان انا مش بحبه
    واسمحي لي ان ارد علي محمد سعد
    لا يقلل من شأن مصر ابدا ان نصلح الفساد وان نحاكم من افسد الحياة في مصر
    واللامبارك مش اول حاكم علي مستوي العالم يحاكم علي جرائم
    بالعكس ان شاء الله تكون مصر نموذج لأقامة العدل سواء علي القوي او الضعيف
    كلنا في الحقوق سواء
    ورسولنا الكريم اقسم ان لو فاطمة بنت محمد سرقت لقطع يدها
    اكان هذا يقلل من احد ام يدل علي اقامة الحقوق

    ردحذف
  4. السؤال الاهم
    لماذا لم يعفو عن الفريق سعد الشاذلى و كان طاعن فى السن و من ابطال حرب اكتوبر و قائده و لم يكن متهما بالقتل حينما طلب منه ذلك قال مقولته الشهيرة انا لا اتدخل فى احكام القضاء و نحن كذلك
    من اعمالكم سلط عليه
    لا يملك العفو الا اهالى الشهداء و المظلومين

    اما اجابتى على الاستاذ محمد سعد
    لماذا لا تكون مصر الكبيرة اول دولة تصحح مسارها و تحاكم حاكمها على جرائمه
    تحياتى

    ردحذف
  5. السلام عليكم
    بوست مثير كعادتك
    وانا مع العدل والمحاكمة العادلة مهما كانت نتائجها
    اتمنى ان يتعلم شعبنا قبول الرأى الاخر واحترامه
    كل عام انتى بخير
    دومتى بود

    ردحذف
  6. بوست رائع وجميل
    بس انا بالرغم اننى من معارضيين مبارك لكن انا ضد محاكمته مش عشان اى سبب من الاسباب اللى فى البوست بس عشان القاضى هيكون مصرى والمصريين اما معارضيين او مؤيدين لمبارك والمفروض ان القاضى يكون محايد لانه لو كان من انصاره هيحكم حكم خفيف او هيبرائه لو من المعارضيين هيحكم حكم اشد من اللى المفروض يتحاكم بيه ولذلك انا ضد محاكمه الرئيس السابق الى انت ياتى قاضى محايد تماما
    بس

    ردحذف
  7. افتكر لما واحد يقول خليهم يتسلو لاتجوز عليه الشفقة ؟ لما واحد يقول ح احكم لحد اخر نفس ويحبس صحفي عشان بيقول عليه مريض ودلوقتي عامل مريض يبقى برضه لازم يتحاكم....

    ردحذف
  8. ازيك يانها؟ اخبارك ايه ؟
    بصى انتى متزعليش نفسك قوليلى بس مين مزعلك ونا هقوم بالواجب




    طلعتى كلام كتير بيدورر جوه دمغ كل انسان بيععرف يفكر
    تحياتى لك
    ووحشتنى كتاباتك

    ردحذف
  9. نهى العزيزه وحشتيني أوي :)
    طبعاً أنا معاك و بضيف كمان إن أي إنسان بيعطف على مبارك و مش عايزه يتحاكم هو إنسان أناني مبيفكرش غير في نفسه أو إنسان جاهل بأمور وطنه.
    (مصر مكانتها بتزيد في عيون العالم لما تحاكم المفسدين مهما كانت وظايفهم لأن مصر بلد عدل و أهلها ميرضوش يناموا مظلومين و ميقبلوش الإهانه)

    واخده بالك إنت من البين القوسين :)

    تحياتي و كل الود لكي

    شيرين سامي

    ردحذف
  10. نهى

    كل سنةو انتى طيبة الاول ورمضان كريم

    بعد كدة ممكن اقول انى للاسف مش عارفه احترم الراى الاخر خالص خالص

    لانى مش شايفه له اى ساس او حاجة تسنده ضد المعارضين اللى انا منهم جدا

    شايفه انه عباره عن لا مبالاه او عدم فهم بشكل كامل او راى عاطفى من باب انه " يا حرام دة راجل كبر وبيخرف "

    ولما هو بيخرف .. فاكر انه يصبغ شعرة :((

    بدعى ربنا يدى كل واحد مظلوم منهم حقة .. وبكدة هيبقى قليل عليهم الشنق

    بوست جميل

    تحياتى :))

    ردحذف
  11. من اخطأ يعاقب
    بغض النظر عن كبر سنه او مكانته او رمز او الحاجات الكتيرة اللي بتتقال دي
    مع احترامي لكل الاراء الاخري

    ردحذف
  12. بجد ماشاء الله كلام منظم ومرتب قليل لما نلاقى حد بيتكلم بحياديه كله دلوقتى بيتبع نظام اللى مش معنا يبقى ضدنا

    ردحذف
  13. محمد سعد القويرى
    كل سنة وحضرتك طيب

    خروج الرئيس بالشكل ده كان نهاية طبيعية له لانه لم يهتم بمطالب شعبه .....واكتر من نصف الشعب كان عايش فى فقر وبطالة
    كل سنة وانت طيب ورمضان كريم
    نورت المدونة

    ردحذف
  14. اطلقونى حرة

    ربنا عى كل ظالم

    ردحذف
  15. شمس النهار
    اهلا بيكى فى المدونة
    سعيدة ان البوست عجبك
    اكيد كلنا مستنيين محاكمة عادلة بأدلة وقرائن
    علشان احنا كمان مانبقاش ظالمين

    ردحذف
  16. ابراهيم رزق

    من حق المؤيدين له انهم يدعو له
    ويؤيدون براحتهم
    ومن حق الناس اللى لها عنده حقوق تستنى محاكمته
    ده الطبيعى
    نورت المدونة

    ردحذف
  17. مدونة رحلة حياة
    شكرا ليك بجد

    اهم حاجة انها تكون محاكمة عادلة
    من غير مايتظلم او الغلابة يتظلموا

    ردحذف
  18. مقالك جيد و متوازن وعقلانى جداً ..
    العدل ..العدل
    لا كبير و لا صغير
    هذا درس لكل الزعماء العرب ..ومن تسول له نفسه ..
    ( إن الناس ولدتهم إمهاتهم أحراراً )
    العدل أساس الملك ..
    من سلب و ظلم لابد و أن يكون فى هذا الموقف فى الدنيا و أما الآخره فهى شأن آخر ..
    شيء مؤسف أن يكون رئيس دوله كبرى بهذا الشكل ..ولكن شيء مؤسف أيضاً أن يظلم و يلعب بمقدرات شعبه على مدى 30 عاماً ..
    إتعظوا .. يا زعماء و حكام العرب ..
    مصر اليوم تضرب لكم أمثله غاية فى الروعة ..

    تحياتى لك

    ردحذف
  19. عمرو يسرى

    ان المفروض ان القاضى يبقى مصرى

    كمان يبقى محايد لان ربنا بيأمر من يحكم انه يحكم بالعدل
    بغض النظر عن انتماءاته السياسية

    ربنا يكرمك على كلامك

    ردحذف
  20. تركيب

    اكيد لازم يتحاكم علشان حاجات كتير تانية كمان

    ردحذف
  21. بنت الاسلام

    ربنا يكرمك

    انتى كمان وحشتينى وياريت ترجعى لمدونتك بقى

    ردحذف
  22. شيرين سامى

    انتى كمان وحشتينى

    اكيد اخدت بالى فى اللى بين القوسين:)

    نورتينى

    ردحذف
  23. زهرة

    صح مفيش حاجة اسمها كبير وبيخرف
    كبير وبيخرف يبقى ماينفعش يحكم 85 مليون انسان
    بسبب كبره وتخريفه ساب ناس مالهاش لازمة يتحكموا فى ارزاق الغلابة

    ردحذف
  24. سندباد

    أوجزت فأنجزت
    من اخطأ يعاقب
    معاك كل الحق

    ردحذف
  25. انجى
    شكرا يا انجى واهلا بيكى فى المدونة

    ردحذف
  26. قوس قزح
    مرحبا بك فى المدونة وشكرا على رأيك

    اكيد كل اللى بنتمناه كلنا هو العدل

    رمضان كريم

    ردحذف
  27. استاذة نها

    الفقراء والبسطاء لم ولن يكونوا متعاطفين مع معذبهم

    ولكن فقدان الامن في الاحياء الشعبية والعشوائيات

    وكثرة السلاح والمخدرات والبلطجة

    مخليينهم يقولوا امن الديكتاتور ولا حرية الثورة

    الشرطة يااستاذة تنحت مع الرايس السابق

    وكانهم ابوا الا يكونوا باشاوات

    وكانهم يحققون مقولة المخلوع اما انا او الفوضي

    وكأنهم بيطلعوا لسانهم للناس وبيقولوا انتوا مش عايزين

    ثورة طييييب خليها تنفعكوا

    ردحذف
  28. سواح فى ملك الله

    مش عارفة اقولك ايه

    بس اللى له حق وسكت عليه ماينفعش يرجع ويطالب به بعد كده

    ردحذف
  29. بوست مميز يا نهى
    تسلم ايدك
    ولو عددنا جرايم مبارك هنحتاج اكتر من مليون بوست
    تحياتي

    ردحذف
  30. مصطفى سيف
    معاك حق والله
    نورت

    ردحذف
  31. كل الاحترام لرسالتك الرائعة .. بحاول اكتب حاجات كتيره اوي هتقرب قلوب كتيره من بعضها تاهت وسط الزحمة ووسط التغييب الاعلامي و اثارة العواطف ممن يجيدون فن التلاعب بمشاعر الناس .. ان شاء الله هقدر اعمل النوت دي واعرض فكرتي و استاذنك تتابعيني فيها و اضيف اللنك دا لان يقيني في الله هو ال بيخليني اشوف المقاللات ال بتعتبر عن فكرتي لمجرد ان افكر فيها زي ما حصل دلوقتي
    تحياتي

    ردحذف
  32. كل الاحترام لرسالتك الرائعة .. بحاول اكتب حاجات كتيره اوي هتقرب قلوب كتيره من بعضها تاهت وسط الزحمة ووسط التغييب الاعلامي و اثارة العواطف ممن يجيدون فن التلاعب بمشاعر الناس .. ان شاء الله هقدر اعمل النوت دي واعرض فكرتي و استاذنك تتابعيني فيها و اضيف اللنك دا لان يقيني في الله هو ال بيخليني اشوف المقاللات ال بتعتبر عن فكرتي لمجرد ان افكر فيها زي ما حصل دلوقتي
    تحياتي

    ردحذف
  33. ياريت كان فى المدونات
    لايك كنت حطيت 100 لايك
    على كلامك المضبوط دا

    ردحذف
  34. جميله التدويه

    ودا ردى

    ‎(رسالة يوسف بن تاشفين ردا على رسائل تطلب اطلاق سراح المعتمد بن عباد)

    يقولون، لنرحم الرجل فقد كبر سنه وذهبت دولته ولم يعد يملك من الأمر شيئا،
    وما سلّم حتى قَتل منا نفرا كثيرا ،وقد لقينا منه ما لم نلق من الروميّ وجيشه، فما بالكم تذكرون آخر الأمر ولا تذكرون أوّله، وتذكرون العاقبة وتنسون الأسباب
    يتشفّعون لي فيه ويقولون،ارحموا عزيز قوم ذُل، وما ذُل حتى أذل، وإنما إذلاله إذلال رجل واحد ، وكان ذله ذل أمّة بأكمله

    ردحذف
  35. مونتى بوكيه ورد

    اسعدنى رأيك كما يسعدنى متابعة ما تكتب


    شكرا ليك ونورت


    وفى انتظار كتاباتك

    ردحذف
  36. نورهاتى
    مش عارفة اقولك ايه غير ربنا يكرمك
    الف شكر على رأيك :)

    ردحذف
  37. richard-catheart


    نورتينى ووحشتينى والله
    الرسالة اللى حطتيها دى اختصرت الموضوع كله

    ربنا يكرمك ورمضان كريم

    ردحذف
  38. ازيك يا نهى وحشتينى
    كل سنه وانتى طيبه
    يوست فى منتهى الشفافيه
    والخلاف فى الراى لا يفسد للود قيضيه
    ولازم الكل يحترم اراء الاخرين حنى اذا كان من المعارضين
    ربنا ينصر العدل وجازى كل واحد حسب اعماله

    ردحذف
  39. مرمر
    انتى كمان وحشتينى
    ربنا يكرمك ياقمر
    واكيد معاكى حق فى كلامك

    نورتى

    ردحذف
  40. مبارك اقل حاجه تحصلوا انوا يتعدم !!

    ردحذف
  41. راى اننا امتى حنوحد كلمتنا ونبقى واحد ونبقى كالجسد الواحد اذا اشتكى منه عضو تداعى له ثار الجسد بالسهر والحمى لو كل واحد وضع نفسه كاخ او بن اوام او اب لشهيد كان حيحس بالمراره ويقول القصاص لو احد وطبعا بقصد المؤيدين للمخلوع وضع ابنه واو بنته فى اى مكان لطفل مصاب بالسرطان ومش عارف يعلجه كان يطلب اول واحد المحاكمه ولو كان مش لاقى وظيفه فى بلد كل المسؤلين فيها طلعوا حراميه كان طلب المحاكمه ربنا حرم الظلم على نفسه وحرمه على عباده ولو كل واحد (يتمنى لمصر العظيمه ان كل شعبها يحبها وينتمى ليها لانه عايش معزز مكرم محدش بياخد حقه وعارف انه له حق العلاج والسكن والوظيفه )كان طلب المحاكمه علشان تفضل مصر العظيمه بخير وعداله

    ردحذف
  42. غير معرف

    معاك حق جدا جدا

    نورت المدونة

    ردحذف
  43. كلام موضوعي جدا بس تفتكري الرأي الاخر هو كمان ها يكون موضوعي..؟؟
    انا مقتنع بان من أخطأ..يحاسب ويعاقب..
    فكرة تطبيق القانون مش مرتبطة بالحدث..
    لأ..
    دي مرتبطة بالتاريخ ودرس بيتعلم منه الاخرون.
    يعني الفكرة في المبدا مش في التطبيق.

    كل سنة وانت طيبة نهى :)

    تيمو
    آسف على الازعاج

    ردحذف
  44. تحياتي نهى لشخك الكريم ... للتوضيح : التعليقات في مدونتي تدرج مباشرة وتعليقاتك التي أتشرف بها أرد عليها بكل سرور ... من جانب آخر : أتابع ماتدونين لكنني مقصر في التعليق فعذراً منك .
    بالنسبة لهذا الموضوع ، فالحمد لله أولاً وأخيراً على ماحدث ، ولعل إنحياز الجيش المصري إلى مطالب الشعب كان بفضل الله تعالى من أجمل نتائج المطالب التي لم يكترث لها الكثير من النشطاء السياسيين .
    وبالنسبة لمحاكمة الرئيس السابق ، فأجدها بمثابة رسائل من المجلس العسكري بدأت تتضح معالمها على أكثر من صعيد ، شعبياً وإعلامياً وسياسياً .
    راجياً أن تتجاوز مصر الشقيقة هذه المرحلة وإن طالت توابعها كما يجب بما يخدم مصالح مصرياً داخياً وفي محيطها العربي والإسلامي والدولي ... والله سبحانه وتعالى يتولى الجميع برعايته .

    ردحذف
  45. بداية كل سنة وانت طيبة يا طيبة..
    ثانياً: يحيى البرمكي الذي كان الرجل الأول في الدولة العباسية، فإذا هو في السجن يعذب، فقال لبعض مَن حوله:
    " لعل دعوة مظلوم أصابتنا، ونحن عنه غافلون، ولم يتعظ إلا بنفسه.
    2 - الشيخ الشعراوي رحمه الله قال: حينما ترى المجرم يُحاَكم لا تنظر إليه وتشفق عليه، بل انظر إلى جريمته ..
    فمن إنجازات المخلوع:
    900 شهيد
    6000 مصاب
    1500 فقدوا البصر
    آلاف المصابين بالسرطان
    بلده الأول عالميًّا في حالات الفشل الكلوي
    ثلث شعبه أمي
    ارتفاع الدين العام في مصر 10 أضعاف
    الآلاف المصابون بالالتهاب الكبدي الوبائي
    إفساد الحياة السياسية والاجتماعية والثقافية في مصر
    آلاف المعتقلين السياسيين في مصر
    التضييق الأمني على المصريين بانتماءاتهم كافة
    المحاكم العسكرية للمدنيين
    ضحايا وقتلى التعذيب في أمن الدولة
    "يقولون، لنرحم الرجل فقد كبرت سنه وذهبت دولته ولم يعد يملك من الأمر شيئًا، وما سلّم حتى قَتل منا نفرًا كثيرًا، وقد لقينا منه ما لم نلق من الروميّ وجيشه، فما بالكم تذكرون آخر الأمر ولا تذكرون أوّله، وتذكرون العاقبة وتنسون الأسباب.
    يتشفّعون فيه ويقولون: ارحموا عزيز قوم ذُل، وما ذُل حتى أذل، وإنما إذلاله إذلال رجل واحد، وكان ذله ذل أمّة بأكملها."
    هذه الكلمات السابقة من رسالة يوسف بن تاشفين ردًّا على رسائل تطلب إطلاق سراح المعتمد بن عباد.

    ردحذف
  46. اى شفقة او رحمة التى يبحثون عنها

    شفقة لمن لقاتل ابناء شعبه لمجرد ان عبر عن رأيه

    لمدمر شباب هذا الوطن الذى يحلم ببناء مستقبل واعد

    لقاتل الناس بالسرطان و الفشل الكلوى

    لقد فاضت قلوب الناس ولا يوجد مكان للشفقة

    هل يعقل ان تاخدنا شفقة على شخص وهو لم تأخده

    شفقة على 900 شاب

    اشكرك يا نهى على واجبك نحو من تأخده اى عاطفة

    اما من يقوم بالدفاع عنه من اجل مصلحة فيجب ان يحاكم مثله

    والله الموفق وكل عام وانتى طيبة

    ردحذف
  47. catroz
    كلنا فى انتظار حكم القضاء

    ردحذف
  48. تيمو
    اهلا بيك ياتيمو اكيد علشان هو رأى آخر هيكون مختلف سواء كان موضوعى او لا

    والمحاكمة ضرورية طبعا علشان حقوق الناس

    حمدالله على السلامة
    نورت المدونة ورمضان كريم

    ردحذف
  49. تركى الغامدى

    اهلا بيك وحضرتك تنور المدونة فى اى وقت ومتابعتك لتدويناتى شىء يسعدنى جدا

    وكلام حضرتك مظبوط جدا فعلا لولا وقفة الجيش مع الشعب كانت مصر تشبه سوريا وليبيا
    ربنا يتمها على خير


    الف شكر لحضرتك
    ورمضان كريم

    ردحذف
  50. بيتنا القديم

    اهلا بيك من جديد
    لو كل دى انجازاته ده لو كانت هى دى بس يبقى يستاهل مليون محاكمة
    نورت المدونة

    ردحذف
  51. محمد السيد



    اكيد يامحمد لازم يتحاكم
    عن كل جريمة ارتكبها فى 30 سنة
    نورت المدونة يامحمد

    ردحذف
  52. بوست موضوعي جدا يعرض الفكرة بأسلوب رشيق وصادق وموضوعي أعجبتني طريقة الطرح جدا .. والإنسان محاسب في الدنيا قبل الآخرة تحياتي العطرة

    ردحذف
  53. كل سنة و انتى اكثر سعادة
    كل سنة و انتى طيبة

    عيد سعيد عليكى

    ردحذف
  54. كل سنة وانت بالف خير يارب وعيدسعيد عليك :)

    ردحذف
  55. كل سنة و انتى طيبة و جميلة

    عيد سعيد :)

    Tears

    ردحذف
  56. كل عام وانت بخير

    عيد سعيد

    تحياتى

    ردحذف
  57. كل عام وانتي بخير يااستاذة نهي

    بمناسبة عيد الفطر المبارك

    ردحذف
  58. كل سنه ومصر كلها بخير
    عيد سعيد

    ردحذف
  59. استاذ/ابراهيم رزق

    كارمن

    تيرز

    سواح فى ملك الله

    جايدا العزيزى

    مرمر

    كل سنة وكلكم طيبين

    وربنا يسعد ايامكم يارب

    وعيد سعيد

    ردحذف

ممكن تكتب رأيك هنا وممكن تناقشني وتنتقدني كمان لكن الغلط ممنوع :)